PĀ GƏ̄ 3 - Bibəl ta Sar̄

Madə̄ ba̰ā̰ḿ gə̄ gīrə̄n̄ gidəḿ

¹ Pā yā Dabid, i dan ń a̰ȳń kɔ̄ɔ́ no ngōnən Absalom tə́ ní.

² Kɔ́ɔ̄ɓē, madə̄ ba̰ā̰ḿ gə̄ i ngá̰ý! Ngé kḭḭ seḿ kə rɔ̄ɔ́ gə̄ i ngá̰ý!

³ Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

⁴ Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

⁵ M-ún ndūḿ kə̄ dɔɔ́ m̄-ɓārəń Kɔ́ɔ̄ɓē anī ni ndigəm̄ dɔ mbal̄ yān kə́ táĺ tə́.

⁶ m̄-to kə̄ nang tə́ ō m̄-ɓīī ō. m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.

⁷ Loo ń noō tə́ m̄-ɓōĺ dūbə̄ de kə́ ngá̰ý gə̄ ń tə́nīn̄ rɔ̄də́ kə̄ loo gə̄ tə́ gīrə̄n̄ gidəḿ ní to̰ alé.

⁸ Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

⁹ Kɔ́ɔ̄ɓē, i ḭ̄ n ásə kajə deē ní. Ādə̄ tɔ́r̄ ta yāí i dɔ gír deē yāí gə̄ tə́!