PĀ GƏ̄ 2 - Bibəl ta Sar̄

Mban̄g ń Nə́ɓā əndān ní

¹ Nápar de gə̄ a̰a̰n̄ woy woy i tām̄ rí tə́? Gír de gə̄ oōn̄ naā ba i karī.

² Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

³ Nin̄ ədan̄ na: Ādə̄ jə-gángī kəlā yādə́ gə̄ ń tɔ́ɔ̄n̄neéjí ní kɔ̄ɔ́! Jə-mbātíīdə́, ādə̄ ndin̄ dɔjí tə́ to̰ alé!

⁴ Banī Kɔ́ɔ̄ɓē əgō mḛy, nge ń ndi dɔ rā̰ tə́ ní mbóo sedə́.

⁵ Gō tə́ anī ni-ɔr̄ najə̄ sedə́ kə wōngōó. Wōn̄g yān adə̄də́ ɓōĺ.

⁶ Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

⁷ Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

⁸ Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

⁹ Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

¹⁰ Ɓá anī sḭḭ̄ mban̄g gə̄, ɔ́jiī kadə̄ sḭḭ̄ i de kə́ ger̄ kum najə̄ gə̄! Ngé gān̄g sarya kə́ dɔ nang tə́ gə̄, ādə̄ ɔjə̄n̄sí!

¹¹ Ī-rāāī kəla ādī Kɔ́ɔ̄ɓē kə ɓōló ō, ī-rāāī walya kə rɔ̄ ndebeé ō.

¹² Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.