PĀ GƏ̄ 150 - Bibəl ta Sar̄Ɔ́siī gɔn Kɔ́ɔ̄ɓē 1 Aleluya! Ī-tɔ̄yī Nə́ɓā kem kújə kə́ táĺ yān tə́. Sḭḭ̄ ń ī-ndiī loo kə́ ngan̄g ngá̰ý tə́ no rā̰ yān tə́ ní ī-tɔ̄ȳniī! 2 Ī-tɔ̄ȳniī tām̄ yá̰a̰ rāān kə́ to ɓōĺ gə̄ tə́. Ī-tɔ̄ȳniī tām̄ ni i de kə́ bo ngá̰ý. 3 Ī-kɔ̄ríī tōw̄ ī-tɔ̄ȳniīneé. Úgiī kənde ō, ə́ndaī kúndə̄ ō, ī-tɔ̄ȳniīneé. 4 Əndaī kɔdə ō, ī-ndāmī ō ī-tɔ̄ȳniīneé. Ī-tɔ̄ȳniī kə yá̰á̰ kə́ ɓār̄ gōsə̄ kə́ rāā kə kəlāá ō, ī-tɔ̄ȳniī kə nalaá ō. 5 Ī-tɔ̄ȳniī kə gində̄ kə́ laa gə̄ kə́ yā kənda naā tə́ kadə̄ ɓār̄ ndū dūú gə̄ ō, kə́ ɓār̄ ndū bo gə̄ ō. 6 Ādə̄ yá̰a̰ malang ń a taā koō ní tɔ̄ȳ Kɔ́ɔ̄ɓē! Aleluya! |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad