PĀ GƏ̄ 149 - Bibəl ta Sar̄

Kɔsə gɔn yā de kə́ sew gə̄

¹ Aleluya! Ə̄nīī pā kə́ kijə ī-rɔyīneé Kɔ́ɔ̄ɓē. Ī-tɔ̄yī Kɔ́ɔ̄ɓē loo kán̄ naā yā deē yān gə̄ tə́!

² Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

³ Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

⁴ Tɔdɔ̄ Kɔ́ɔ̄ɓē rāā majə kə gír deē yān gēé, ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.

⁵ Ādə̄ deē yān gə̄ tḭ́ḭ̄n̄ bal walya ɔsən̄neé gɔn Nə́ɓā! Ādə̄ túrə̄n̄ kɔĺ rɔ̄nel̄ dɔ tə̄rá todə́ gə̄ tə́!

⁶ Ādə̄ teēn̄ tadə́ tɔ̄ȳn̄neé Nə́ɓā ō, ādə̄ əhɔn̄ kaskar kə́ kumən atə dām̄ jōó jīdə́ tə́ ō!

⁷ I gáŕ kadə̄ rāān̄ ba̰ā̰ dɔ nápar de gə̄ tə́, kadə̄ tə̄ndān̄ gír de gə̄ tām̄ majaĺ yādə́ tə́,

⁸ kadə̄ tṵ́ṵ̄n̄ mban̄g yādə́ gə̄ kə súĺ ō, kadə̄ tə́nīn̄ kángə́lá gə̄ nja de kə́ bo yādə́ gə̄ tə́ ō.

⁹ I gáŕ kadə̄ rāān̄ yá̰á̰ ń Nə́ɓā əda dɔdə́ tə́ á i kə́ ndang ní sedə́. I kɔsə gɔn kə́ tām̄ yā deē yān gə̄ tə́ malang. Aleluya!