PĀ GƏ̄ 136 - Bibəl ta Sar̄

Ī-tɔ̄yī nge kajə Israel

¹ Ī-tɔ̄yī Kɔ́ɔ̄ɓē tɔdɔ̄ ni i de kə́ majə, kem majə yān to ngándáńg.

² Ī-tɔ̄yī Nə́ɓā kə́ dɔ nə́ɓā gə̄ tə́ malang, tɔdɔ̄ kem majə yān to ngándáńg.

³ Ī-tɔ̄yī Kɔ́ɔ̄ɓē kə́ dɔ kɔ́ɔ̄ ɓē gə̄ tə́, tɔdɔ̄ kem majə yān to ngándáńg.

⁴ I nəkɔ́ ngóy n rāā yá̰á̰ kə́ yáā kə́ bo ngá̰ý gə̄ ní, tɔdɔ̄ kem majə yān to ngándáńg.

⁵ I nəkɔ́ ngóy n rāā dɔ rā̰ kə kum kedēé ní, tɔdɔ̄ kem majə yān to ngándáńg.

⁶ Ni-rāā dɔ nang adə̄ ra ngan̄g dɔ bā bo gə̄ tə́, tɔdɔ̄ kem majə yān to ngándáńg.

⁷ Ni-rāā yá̰á̰ kə́ bo gə̄ kə́ unjə̄n̄ kow, tɔdɔ̄ kem majə yān to ngándáńg.

⁸ Rāā mbang kadə̄ o̰o̰ ɓē dɔ loo kə́ kadaá tə́, tɔdɔ̄ kem majə yān to ngándáńg.

⁹ Nāā ō tə́yō̰ gə̄ ō, kadə̄ o̰o̰n̄ ɓē dɔ loo kə́ ndɔ̄ɔ́ tə́, tɔdɔ̄ kem majə yān to ngándáńg.

¹⁰ Ni tɔ̄l̄ ngáń hágə gə̄ kə́ Ejiptə tə́, tɔdɔ̄ kem majə yān to ngándáńg.

¹¹ Ni teē kə Israel gə̄ kɔ̄ɔ́ kem ɓē kə́ Ejiptə tə́, tɔdɔ̄ kem majə yān to ngándáńg.

¹² Teē sedə́ kɔ̄ɔ́ kə tɔ́gə jīn ń əla kə̄ dɔɔ́ ní, tɔdɔ̄ kem majə yān to ngándáńg.

¹³ Ni-gān̄g bā tə̄ɓā gə̄ naā tə́ jōó, tɔdɔ̄ kem majə yān to ngándáńg.

¹⁴ Adə̄ ngán Israel gə̄ mānə̄n̄ danaá, tɔdɔ̄ kem majə yān to ngándáńg.

¹⁵ Banī mbəre Parao̰ kə áskar yān gēé tə́nīdə́ kum tə́, tɔdɔ̄ kem majə yān to ngándáńg.

¹⁶ Ni-njə̄rā kə gír deē yān gēé kem dəla loo tə́, tɔdɔ̄ kem majə yān to ngándáńg.

¹⁷ Ni ənda mban̄g kə́ bo gə̄, tɔdɔ̄ kem majə yān to ngándáńg.

¹⁸ Ni tɔ̄l̄ mban̄g kə́ ngan̄g ngá̰ý gə̄, tɔdɔ̄ kem majə yān to ngándáńg.

¹⁹ Tɔ̄l̄ Sihon mban̄g yā Amor gə̄, tɔdɔ̄ kem majə yān to ngándáńg.

²⁰ Tɔ̄l̄ Og mban̄g kə́ Basan ō, tɔdɔ̄ kem majə yān to ngándáńg.

²¹ Gō tə́ anī un dɔ nang yādə́ adə̄ yá̰a̰ ndəbā tə́, tɔdɔ̄ kem majə yān to ngándáńg.

²² Adə̄ Israel ń i nge kəla yān ní yá̰a̰ ndəbā tə́, tɔdɔ̄ kem majə yān to ngándáńg.

²³ Dan ń yá̰á̰ kə́ to kum tō ndoō teē dɔjí tə́ ní, əga kemən dɔjí tə́, tɔdɔ̄ kem majə yān to ngándáńg.

²⁴ Ni-taājí jī ngé rɔ̄ɔ̄jí gə̄ tə́ əya̰jí dɔɔ́, tɔdɔ̄ kem majə yān to ngándáńg.

²⁵ Ni-adə̄ yá̰a̰ malang kə́ ndi kə kumuú yá̰a̰ kəsa, tɔdɔ̄ kem majə yān to ngándáńg.

²⁶ Ī-tɔ̄yī Nə́ɓā kə́ dɔ rā̰ tə́, tɔdɔ̄ kem majə yān to ngándáńg.