PĀ GƏ̄ 130 - Bibəl ta Sar̄Dan ń yá̰a̰ tōr̄ rɔ̄ḿ ngá̰ý ní 1 Pā kə́ yā kaw̄ń kə̄ loo kə́ táĺ tə́. 1 Pā kə́ yā kaw̄ń kə̄ loo kə́ táĺ tə́. Kɔ́ɔ̄ɓē, m̄-to kem bəlo kə́ lú ngá̰ý tə́, ba m̄-ɓāríī kadə̄ ī-rāā seḿ. 2 Kɔ́ɔ̄ɓē, ōō ndūḿ. Ī-nēl̄ mbīí ōoń ndūḿ loo rāāī ɓɔ́ tə́! 3 Kɔ́ɔ̄ɓē, ré ə́hɔ i gíŕ yá̰á̰ kə́ gōtə́ aĺ gə̄ anī, i náā n a asə ndi kə kumneé ní? 4 Banī ḭ̄ i nge mā̰ȳ rɔ̄í adə̄ a ɓōlə́n̄ ndílí. 5 m̄-ngóō Kɔ́ɔ̄ɓē kə ngarā̰ kemḿ malang ō, m-ə̄ndā kemḿ dɔ najə̄ yān tə́ ō. 6 Ngur Kɔ́ɔ̄ɓē rāām̄ ngá̰ý, tɔȳ sāā kə́ nge ngɔ̄m̄ loo sāā kadə̄ loo tīī beé. A̰á̰ā̰, tɔȳ rɔ̄kum. 7 Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý. 8 I ni n i nge gān̄g dɔí, tū yá̰á̰ kə́ gōtə́ aĺ gə̄ malang ń ī-rāā tə́ ní. |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad