PĀ GƏ̄ 13 - Bibəl ta Sar̄

Kɔ́ɔ̄ɓē, dɔí a ndígə̄naləḿ i bátə́ ta kə́ rá?

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

² Kɔ́ɔ̄ɓē, dɔí a ndígə̄naləḿ i bátə́ ta kə́ rá? I rə́ngáý tə́ n a asiī ɓɔ̄ɔ̄m̄ ta kumií ní?

³ Kə m̄-ndi kə sōlōó ō, kə wurəḿ ɔləm̄ kə ndɔ̄ gə̄ ō i yā tɔ̄l̄ ta rá? Madə̄ ba̰ā̰ḿ a ndi dɔḿ tə́ i kə̄ non tə́ a?

⁴ Kɔ́ɔ̄ɓē Nə́ɓā yāḿ, ī-mbel á̰a̰m̄ ba ī-tūrə̄m̄ najə̄ tə́. Ādə̄ kumḿ teē yḛr sḛ́ý, na sōgə́ m̄-ɓīī ɓīī kə́ kanjə̄ ndól̄,

⁵ na sōgə́ madə̄ ba̰ā̰ḿ əda na n-tetəm̄ rɔ̄ɔ̄ ō, ngé rɔ̄ɔ̄ḿ gə̄ tɔ̄ȳn̄ jīdə́ dɔḿ mā ń m̄-to nang tə́ ní ō.

⁶ Mā m-ə̄ndā kemḿ i dɔ ndūí ń ī-ra dɔ tə́ ní, ādə̄ m̄-rāā rɔ̄nel̄ kajə kə́ ájəm̄. Ādə̄ m-ə̄nī pā m̄-rɔȳń Kɔ́ɔ̄ɓē tām̄ majə ń rāā seḿ tə́ ní.