PĀ GƏ̄ 128 - Bibəl ta Sar̄Rɔ̄nel̄ yā ngé gə̄ ń ɓōlə́n̄ ndíĺ Kɔ́ɔ̄ɓē ní 1 Pā kə́ yā kaw̄ń kə̄ loo kə́ táĺ tə́. 1 Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́! 2 Əsa tətōí īkɔ́ a ā ī-ndi majə ō rɔ̄í a nelī ō! 3 Nə̄yá̰í a to tītə̄ kāgə̄ nduú kə́ an̄ ngá̰ý kem kújə yāí tə́. Ngání gə̄ a rosən̄ loo ta kār̄ kəsa yāí tə́, tītə̄ ngán kāgə̄ olibə gə̄ beé. 4 Deē ń ɓōĺ ndíĺ Kɔ́ɔ̄ɓē ní, Kɔ́ɔ̄ɓē a rāā majə seneé i tītə̄ ń noō. 5 Ādə̄ Kɔ́ɔ̄ɓē ń ndi Siyo̰ ní rāā majə seí. Loo ń noō tə́ ā á̰a̰ majə yā ɓē kə́ Jerusalem kə dɔ ndɔ̄ gə̄ malang ń ā ī-ndiń kə kumií ní ō, 6 ā á̰á̰ ngán kaaí gə̄ ō. Ādə̄ lápə́ya reē kem ɓē kə́ Israel tə́! |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad