PĀ GƏ̄ 124 - Bibəl ta Sar̄

Ré Kɔ́ɔ̄ɓē i sejí aĺ anī

¹ Pā kə́ yā kaw̄ń kə̄ loo kə́ táĺ tə́. I pā yā Dabid.

^2-3 Dan ń wōn̄g rāā de gə̄ ngá̰ý sejí á ənīn̄jí rɔ̄ɔ̄ ní nə́ngētə́ gēé Kɔ́ɔ̄ɓē i sejí aĺ anī - ādə̄ Israel əda ɓáý - nə́ngētə́ gēé Kɔ́ɔ̄ɓē i sejí aĺ anī, loo to beé ní túrə̄n̄jí kə kumjí kɔ̄ɔ́.

⁴ Loo to beé ní katə man̄ əjají aw̄ sejí kɔ̄ɔ́, man̄ kə́ nūgə́ kə tɔ́gɔ́ un dɔjí kɔ̄ɔ́,

⁵ loo to beé ní man̄ kə́ nēgə́ wut wut un dɔjí kɔ̄ɔ́.

⁶ Jə-tɔ̄yī Kɔ́ɔ̄ɓē, tɔdɔ̄ ni-rāā adə̄ j-əsōī tadə́ tə́ alé!

⁷ Jə-teē jīdə́ tə́ kɔ̄ɔ́ tītə̄ ń yel̄ teēń kum réng yā nge ndo̰ tə́ ní: Réng gān̄g adə̄ jə-teē kum tə́.

⁸ Kɔ́ɔ̄ɓē nge rāā dɔ rā̰ ō dɔ nang ō dḭḭ̄jí kə rɔ̄neé.