Biblia Todo Logo
Bib sou entènèt

- Piblisite -

PĀ GƏ̄ 122 - Bibəl ta Sar̄


Ndə̄ngā lápə́ya kə́ tām̄ yā ɓē kə́ Jerusalem tə́
1 Pā kə́ yā kaw̄ń loo kə́ táĺ tə́. I pā yā Dabid.

1 Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

2 Ɓē kə́ Jerusalem, jə-dəba jə-ra ta róbə́ kə́ yā kudəń kə̄ kemií tə́ tə́!

3 Jerusalem, ɓē kə́ əndān̄ adə̄ ngan̄g majə, ɓē kə́ əhɔ naā majə!

4 De kə́ gír ɓē kə́ Israel tə́ gə̄, kə́ gír ɓē yā Kɔ́ɔ̄ɓē tə́ gə̄ reēn̄ tɔ̄ȳ rī Kɔ́ɔ̄ɓē tə́ i ɓēé looí, tītə̄ ń a rāān̄neé Israel tə́ ní.

5 Kōr̄ kāgə̄ mbang ń de kə́ gír kojə yā Dabid tə́ a ndi dɔ tə́ yā rāań yá̰a̰ kə gōó ní a ndi i ɓēé looí.

6 Ī-dəjeī lápə́ya tām̄ yā ɓē kə́ Jerusalem tə́. Ɓē kə́ Jerusalem, ādə̄ ngé gə̄ ń nel̄də́ seí ngá̰ý ní ndin̄ jəke kanjə̄ sōl̄ yá̰á̰ kógə̄ḿ.

7 Ādə̄ lápə́ya to kem ndogə̄ mbal̄ yāí gə̄ tə́ ō, lɔm to kem kújə́ kə́ bo yāí gə̄ tə́ ō!

8 m̄-ndə̄ngā kadə̄ lápə́ya to looí, najə̄ yā ngákó̰ó̰ḿ gə̄ tə́ ō, madə̄ taḿ gə̄ tə́ ō.

9 m̄-sāā kadə̄ ī-ndi majə i najə̄ yā kújə yā Kɔ́ɔ̄ɓē Nə́ɓā yājí tə́.

Bibəl ta Sar̄ © L'Alliance Biblique du Tchad, 2006, 2010.

Bible Society of Chad
Swiv nou:



Piblisite