PĀ GƏ̄ 114 - Bibəl ta Sar̄

Dan ń Israel teē kɔ̄ɔ́ Ejiptə tə́ ní

¹ Dan ń Israel teē kɔ̄ɔ́ kem ɓē kə́ Ejiptə tə́ ní, dan ń gír kojə yā Jakob teē kɔ̄ɔ́ dan tə̄rā gə̄ tə́ ní,

² dɔ nang yā Juda tél i loo yān kə́ táĺ ō, dɔ nang yā Israel tél i loo yān ō.

³ Bā bo a̰a̰də́ anī a̰ȳ kɔ̄ɔ́ ō, bā Jurdḛ a̰a̰də́ anī tél kə gōneé ō,

⁴ mbal̄ bo gə̄ tḭ́ḭ̄n̄ bal tītə̄ bal batə̄ gə̄ beé ō, ngán mbal̄ gə̄ tḭ́ḭ̄n̄ bal tītə̄ ngán bə̄yā̰ gə̄ beé ō.

⁵ Bā bo, ā̰ȳ i tām̄ rí tə́? Bā Jurdḛ, ī-tél kə gōí i tām̄ rí tə́?

⁶ Mbal̄ bo gə̄, ī-tḭ́ḭ̄ bal tītə̄ bal batə̄ gə̄ i tām̄ rí tə́ ō, ngán mbal̄ gə̄, ī-tḭ́ḭ̄ bal tītə̄ ngán bə̄yā̰ gə̄ i tām̄ rí tə́ ō?

⁷ Dɔ nang, ī-ndebə ta kum Kɔ́ɔ̄ɓē tə́, ta kum Nə́ɓā yā Jakob tə́.

⁸ Ni i nge tūr̄ mbal̄ kadə̄ tél dang man̄ ō, nge tūr̄ mbal̄ kə́ ngan̄g ngá̰ý kadə̄ tél man̄ kə́ a əɓa nang tə́ ō ní.