PĀ GƏ̄ 113 - Bibəl ta Sar̄

Kɔ́ɔ̄ɓē i nge tūr̄ yá̰á̰ kə́ majaĺ gə̄ kɔ̄ɔ́

¹ Aleluya! Sḭḭ̄ ngé rāā kəla yā Kɔ́ɔ̄ɓē gə̄, ī-tɔ̄yī, ī-tɔ̄yī rī Kɔ́ɔ̄ɓē.

² Ādə̄ de gə̄ əlan̄ gír rāā Kɔ́ɔ̄ɓē kə́ra ngɔr ń toō tə́ ō, bátə́ kə̄ no tə́ ō!

³ Ādə̄ de gə̄ tɔ̄ȳn̄ rī Kɔ́ɔ̄ɓē loo ń mbang a əɓa tū tə́ ní tə́, bátə́ ugə̄ń loo ń mbang a udə tū tə́ ní tə́!

⁴ Kɔ́ɔ̄ɓē o̰o̰ ɓē dɔ nápar de gə̄ tə́ malang ō, kɔsə gɔn yān i dɔ dɔ rā̰ tə́ dɔɔ́ ō.

⁵ I náā n to tītə̄ Kɔ́ɔ̄ɓē Nə́ɓā yājí ní? Ni-ndi i dɔɔ́ sa̰y nú.

⁶ Ba əga kumən kə nang tə́, a̰a̰ń dɔ rā̰ ō dɔ nang ō.

⁷ Nge tɔ́gə gətóó ń əsō nang tə́ ní, ni-tél un udən dɔɔ́. Ni un nge rɔ̄ tō ndoō kɔ̄ɔ́ dɔ bū loo tə́,

⁸ yā kaw̄ kəndān kadə de kə́ bo gə̄ tə́, kadə de kə́ bo gə̄ yā gír deē yān gə̄ tə́.

⁹ Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. Aleluya!