PĀ GƏ̄ 112 - Bibəl ta Sar̄

Rɔ̄nel̄ yā de kə́ sew gə̄

¹ Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

² Gír kaa yān i gír kaa kə́ tɔ́gən i ngá̰ý dɔ nang tə́, tɔdɔ̄ Nə́ɓā rāā majə kə de kə́ súmūú gēé malang.

³ Yá̰a̰ kənge kə́ ngá̰ý ō kə́ al̄ naā ō i kem kújə yān tə́ ō, yá̰a̰ rāān kə́ gōtə́ to ngándáńg ō.

⁴ Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

⁵ Deē rāā i yá̰á̰ kə́ majə loo ń kumən o̰o̰n tām̄ yā deē madə̄n tə́ ō, adə̄n yá̰a̰ loo tə̄nā tə́ ō ní. Ni a rāā yá̰a̰ yān i kə gō róbə́ kə́ súmūú bátə́ ta tɔ̄l̄ ta tə́.

⁶ Yá̰a̰ a yéȳn aĺ i kə́ njɔ́ḿ gə̄ tə́. A əga kem de gə̄ dɔn tə́ ngándáńg.

⁷ Ni ɓōĺ najə̄ kə́ majaĺ alé, kemən sōl̄ yá̰á̰ kógə̄ḿ alé, ni-əndā kemən i dɔ Kɔ́ɔ̄ɓē tə́.

⁸ Ni-əhɔ wurən ngan̄g, ɓōĺ yá̰á̰ kógə̄ḿ aĺ ō, asə kídə̄ madə̄ ba̰ā̰n gə̄ ō.

⁹ Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

¹⁰ Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.