PĀ GƏ̄ 111 - Bibəl ta Sar̄

Yā terə̄ń kem de gə̄ dɔ yá̰á̰ kə́ yáā gə̄ yā Kɔ́ɔ̄ɓē tə́

¹ Aleluya! m̄-ndígə̄ ɓōkə́ Kɔ́ɔ̄ɓē tɔ̄ȳ kə ngarā̰ kemḿ malang dan de kə́ súmūú gə̄ ń kánə̄n̄ naā tə́ ní.

² Kɔ́ɔ̄ɓē rāā yá̰á̰ kə́ bo gə̄! De gə̄ malang ń gḛyn̄ ní ndóōn̄.

³ Kəla rāān ndə́lē pipir ō, bo to ɓōĺ ngá̰ý ō, háĺ kə́ gōtə́ yān to ngándáńg ō.

⁴ Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́. Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.

⁵ Ni-adə̄ deē ń ɓōĺ ndílən ní yá̰a̰ kəsa. Əga kemən dɔ madə̄ naā yān tə́ ngándáńg.

⁶ Ni ɔjə gír deē yān gə̄ tɔ́gən loo rāā kəla tə́, dan ń ni-adə̄də́ dɔ nang yā nápar de kə́ rang gə̄ ní.

⁷ Yá̰a̰ gə̄ ń ni rāādə́ kə jīneé ní, i yá̰á̰ kə́ rɔ̄kum gə̄ ō kə́ gōtə́ gə̄ ō. Yá̰a̰ malang ń ra kə de gēé ta rāā ní i yá̰á̰ kə́ rɔ̄kum gə̄.

⁸ A ton̄ gətóó ngándáńg. Rāādə́ i kə najə̄ kə́ rɔ̄kum ō kə yá̰á̰ kə́ súmūú ō.

⁹ Ni-gān̄g dɔ gír deē yān gə̄. Ni-adə̄də́ ndūn kə́ a to ngándáńg dɔ madə̄ naā yān tə́. Ni i Nə́ɓā kə́ táĺ ō, kə́ to ɓōĺ ngá̰ý ō.

¹⁰ Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.