PĀ GƏ̄ 11 - Bibəl ta Sar̄

Kɔ́ɔ̄ɓē a dum̄ ta ngé rāā majaĺ gə̄

1 Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́. Loo kadə̄ ə́damī na kə m-ā̰ȳ tītə̄ yel̄ beé, kə m-āw̄ dɔ mbalá ní i ba̰ý?

² Á̰a̰ā̰, ngé kem ndul gə̄ ran̄ tilií ba tə́ndān̄ gərā yādə́ tū kəlān tə́ ō, ndɔ́rə̄n̄ gō ō, yā túrəń de kə́ súmūú gə̄.

³ Dan ń yá̰á̰ kə́ majə nujə kɔ̄ɔ́ ní, de kə́ súmūú a rāā i ba̰ý?

⁴ Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

⁵ Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

⁶ Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

⁷ Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.