PĀ GƏ̄ 100 - Bibəl ta Sar̄Jḭḭ̄ i gír deē yān gə̄ 1 Pā kə́ dɔ yá̰a̰ tun̄ kə́ yā ɓōkə́nń Kɔ́ɔ̄ɓē tɔ̄ȳ tə́. 1 Pā kə́ dɔ yá̰a̰ tun̄ kə́ yā ɓōkə́nń Kɔ́ɔ̄ɓē tɔ̄ȳ tə́. Sḭḭ̄ de kə́ dɔ nang tə́ gə̄ malang úriī kɔĺ rɔ̄nel̄ dɔ Kɔ́ɔ̄ɓē tə́. 2 Ī-rāāī kəla yā Kɔ́ɔ̄ɓē kə rɔ̄nelēé, údiī kem kújə yān tə́ ba āw̄ ī-raī ta kumən tə́ kə rɔ̄nel̄ kə́ ngá̰ý. 3 Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní. 4 Ī-rāāniī kə́ra loo ń ā údiī kə̄ kem kújə yān tə́ ní. Ī-ɓōkə́nī tɔ̄ȳ dan ń ā údiī kə̄ kem ndogə̄ yān tə́ yā kaw̄ ra ndágə loo kə́ gīr̄ gidə kújə yān tə́ ní. Ɔ́siī gɔnən, ī-tɔ̄yī rīn. 5 Tɔdɔ̄ Kɔ́ɔ̄ɓē i de kə́ majə, kem majə yān to ngándáńg ō, ni i de kə́ nge ra dɔ ndūn tə́ kə dɔ ɓāl̄ gə̄, ɓāl̄ gə̄ ō. |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad