Biblia Todo Logo
Bib sou entènèt

- Piblisite -

NEHEMI 7 - Bibəl ta Sar̄


Yá̰á̰ kə́ rāā tām̄ yā ngɔ̄məń ɓē tə́

1 Dan ń əndān̄ ndogə̄ mbal̄ oy ō, tə́lan̄ bápə gə̄ ta róbə gə̄ tə́ oy ō anī, tə́ndān̄ ngé ngɔ̄m̄ ta róbə gə̄ ō, gōsə̄ pā gə̄ ō, ngán Lebi gə̄ ō, kem kəla yādə́ gə̄ tə́.

2 M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

3 M-ə́dádə́ na: Ré mbang tɔgə kə̄ dɔɔ́ pá tá deē a teē ta róbə kə́ yā kudəń kə̄ kem ɓē kə́ Jerusalem tə́ ɓáý ō, ré ngé ngɔ̄m̄ ta róbə gə̄ reēn̄ ta kəla yādə́ tə́ aĺ ɓáý anī ta róbə gə̄ a ran̄ i kə kutú ō, tadə́ i kə́ rákə̄ ō. A əndān̄ ngəra kəla ngɔ̄m̄ loo dɔ de kə́ Jerusalem gə̄ tə́ kadə̄ ngɔ̄mə̄n̄ kə kum mbangneé. De kógə̄ḿ kógə̄ḿ a ənge kəla ngɔ̄m̄ loo, náā nəkɔ́ a ra i loo kə́ sɔɔ̄n̄ ta naā kə kújə yānneé tə́.


Rī Jipə gə̄ ń tél reēn̄ gogə́ dɔ nang kə́ Palestin tə́ ní

4 Ɓē kə́ Jerusalem bo ō, laa dɔ jī jōó ō, banī de kə́ kemeé gə̄ i sḛ́ý beē. Kújə́ kə́ tétə̄ nang tə́ gə̄ ní deē tél rāādə́ gogə́ aĺ ɓáý.

5 Nə́ɓā əndā kemḿ tə́ kadə̄ m-ɔ́sə dɔ de kə́ bo gə̄ ō, ngé rāā sarya gə̄ ō, gotə ngán Israel gə̄ ō naā tə́ kadə̄ m̄-tə́da kutədə́. M-ə́nge makətūbə̄ rī de gə̄ ń télən̄ ɓəloó kété ní, ba yá̰á̰ ń m̄-teē dɔ tə́ kemeé ní n toó.

6 De gə̄ ń Nabukodonosor mban̄g kə́ Babilon ɔydə́ aw̄ sedə́ dɔ ɓē kə́ rang tə́ ní, ngá̰ý gə̄ tél aw̄n̄ gogə́ Jerusalem ō, dɔ nang kə́ Juda tə́ ō. Nin̄ kógə̄ḿ kógə̄ḿ tél aw̄n̄ kə̄ ɓē yādə́ gə̄ tə́.

7 Nin̄ reēn̄ i kə Jorobabel ō Yesua ō Nehemia ō Ajaria ō Raamia ō Nahamani ō Mordokai ō Bilsan ō Misəparet ō Bigwai ō Nehum ō Baana ō. Kutə de kə́ dəngam kə́ Israel tə́ gə̄ n toó:

8 De kə́ gír kaa yā Paros tə́ gə̄ i deē 2 172.

9 De kə́ gír kaa yā Sepatia tə́ gə̄ i deē 372.

10 De kə́ gír kaa yā Ara tə́ gə̄ i deē 652.

11 De kə́ gír kaa yā Pahat Moab tə́ gə̄, adə̄ i ngán kaa Yesua gə̄ ō Yoab gə̄ ō ní, nin̄ malang i deē 2 818.

12 De kə́ gír kaa yā Elam tə́ gə̄ i deē 1 254.

13 De kə́ gír kaa yā Jatu tə́ gə̄ i deē 845.

14 De kə́ gír kaa yā Jakai tə́ gə̄ i deē 760.

15 De kə́ gír kaa yā Binui tə́ gə̄ i deē 648.

16 De kə́ gír kaa yā Bebai tə́ gə̄ i deē 628.

17 De kə́ gír kaa yā Ajəgad tə́ gə̄ i deē 2 322.

18 De kə́ gír kaa yā Adonikam tə́ gə̄ i deē 667

19 De kə́ gír kaa yā Bigwai tə́ gə̄ i deē 2 067.

20 De kə́ gír kaa yā Adin tə́ gə̄ i deē 655.

21 De kə́ gír kaa yā Ater tə́ gə̄ adə̄ i ngán kaa Hijəkia gə̄ ní nin̄ malang i deē 98.

22 De kə́ gír kaa yā Hasum tə́ gə̄ i deē 328.

23 De kə́ gír kaa yā Besai tə́ gə̄ i deē 324.

24 De kə́ gír kaa yā Harip tə́ gə̄ i deē 112.

25 De kə́ Gabaon tə́ gə̄ i deē 95.

26 De kə́ Betlehem tə́ gə̄ ō kə́ Netopa tə́ gə̄ ō i deē 188.

27 De kə́ Anatot tə́ gə̄ i deē 128.

28 De kə́ Bet Ajəmabet tə́ gə̄ i deē 42.

29 De kə́ Kiryat Yearim tə́ gə̄ ō Kepira tə́ gə̄ ō Beerot tə́ gə̄ ō i deē 743.

30 De kə́ Rama tə́ gə̄ ō kə́ Geba tə́ gə̄ ō i deē 621.

31 De kə́ Mikəmas tə́ gə̄ i deē 122.

32 De kə́ Betel tə́ gə̄ ō, kə́ Ai tə́ gə̄ ō i deē 123.

33 De kə́ Nebo kə́ rang tə́ gə̄ i deē 52.

34 De kə́ gír kaa yā Elam kə́ rang tə́ gə̄ i deē 1 254.

35 De kə́ gír kaa yā Harim tə́ gə̄ i deē 320.

36 De kə́ Jeriko tə́ gə̄ i deē 345.

37 De kə́ Lod tə́ gə̄ ō kə́ Hadid tə́ gə̄ ō kə́ Ono tə́ gə̄ ō i deē 721.

38 De kə́ Senaa tə́ gə̄ i deē 3 930.

39 Ɓūtə̄ yā ngé tun̄ yá̰a̰ gə̄ ní de kə́ kemeé gə̄ n toó: De kə́ gír kaa yā Yedaya tə́ gə̄, adə̄ i ngán kaa Yesua gə̄ ní, nin̄ malang i deē 973.

40 De kə́ gír kaa yā Imer tə́ gə̄ i deē 1 052.

41 De kə́ gír kaa yā Pasəhur tə́ gə̄ i deē 1 247.

42 De kə́ gír kaa yā Harim tə́ gə̄ i deē 1 017.

43 Ɓūtə̄ yā ngán Lebi gə̄ ní de kə́ kemeé gə̄ n toó: Yesua ō Kadəmiel ō ń i ngán kaa Hodəba gə̄ ní, de kə́ gír kaa yādə́ tə́ gə̄ i deē 74.

44 Ɓūtə̄ yā ngé kənī pā gə̄ ní, de kə́ kemeé gə̄ n toó: De kə́ gír kaa yā Asap tə́ gə̄ i deē 148.

45 Ɓūtə̄ yā ngé ngɔ̄m̄ ta róbə́ kújə gə̄ ní de kə́ kemeé gə̄ n toó: De kə́ gír kaa yā Salum tə́ gə̄ ō yā Ater tə́ gə̄ ō yā Talmon tə́ gə̄ ō yā Akub tə́ gə̄ ō yā Hatita tə́ gə̄ ō yā Sobai tə́ gə̄ ō i deē 138.

46 Ɓūtə̄ yā ngé kəla gə̄ ní de kə́ tū tə́ gə̄ i ngán kaa Siha gə̄ ō Hasupa gə̄ ō Tabaotə gə̄ ō

47 Keros gə̄ ō Sia gə̄ ō Padon gə̄ ō

48 Lebana gə̄ ō Hagaba gə̄ ō Salmai gə̄ ō

49 Hanan gə̄ ō Gidel gə̄ ō Gahar gə̄ ō

50 Reaya gə̄ ō Resin gə̄ ō Nekoda gə̄ ō

51 Gajam gə̄ ō Uja gə̄ ō Pasea gə̄ ō

52 Besai gə̄ ō Meunim gə̄ ō Nepusim gə̄ ō

53 Bakbuk gə̄ ō Hakupa gə̄ ō Harur gə̄ ō

54 Baslit gə̄ ō Mehida gə̄ ō Harsa gə̄ ō

55 Barkos gə̄ ō Sisəra gə̄ ō Tema gə̄ ō

56 Nesia gə̄ ō Hatipa gə̄ ō.

57 Ɓūtə̄ de kə́ gír kaa yā ngé rāā kəla yā Salomo̰ tə́ gə̄ ní de kə́ tū tə́ gə̄ i ngán kaa Sotai gə̄ ō Soperet gə̄ ō Perida gə̄ ō

58 Yala gə̄ ō Darkon gə̄ ō Gidel gə̄ ō

59 Sepatia gə̄ ō Hatil gə̄ ō Pokeret Hasəbaim gə̄ ō Amon gə̄ ō.

60 Ɓūtə̄ gə̄ yā ngé kəla gə̄ ō, yā ngán kaa ngé rāā kəla yā Salomo̰ gə̄ ō ní nin̄ malang i deē 392.

61 De gə̄ ń ɔyn̄də́ aw̄n̄ sedə́ ɓəlo tə́ Tel Mela ō Tel Harsa ō Kerub Adon ō Imer ō á tél reēn̄ ba asən̄ kəda najə̄ kə́ dɔ gír kojə yādə́ gə̄ tə́ yā kɔjəń kadə̄ nin̄ i Israel gə̄ aĺ ní,

62 i ngán kaa Delaya gə̄ ō Tobia gə̄ ō Nekoda gə̄ ō. Nin̄ malang i deē ɓú mehḛ́ kə kutə sɔ́ kə kalən kə́ jōó.

63 Ngé tun̄ yá̰á̰ kə́rēý gə̄ ní loo kɔjən dum̄ dɔdə́ ō. Nin̄ i ngán kaa Hobaya gə̄ ō Hakos gə̄ ō Barjilai gə̄ ō, əndān̄ rī Barjilai dɔn tə́ i tām̄ taā kə́ ni-taā dəyá̰ dan ngáń kə́ dəyá̰ gə̄ yā Barjilai kə́ Galaad tə́.

64 De gə̄ ní sāān̄ makətūbə̄ ń ndangən̄ rī kaadə́ gə̄ tū tə́ ní sétə́ əngen̄ alé, adə̄ de gə̄ rāān̄də́ i de kə́ yḛr gə̄ tə́ ō, ɔgə̄n̄də́ rāā kəla tun̄ yá̰a̰ kɔ̄ɔ́ ō.

65 Loo ń noō tə́ nge ko̰o̰ ɓē ɔgədə́ kəsa yá̰a̰ kə́ táĺ ngá̰ý gə̄ bátə́ kadə̄ ré nge tun̄ yá̰a̰ aw̄ sāā tə́ kə urim ō tumim ō pá tá.

66 Ngán Israel gə̄ ń télən̄ ɓəloó ní nin̄ malang i deē dūbú kutə sɔ́ gidə i jōó kə ɓú mətá kə kutə mehḛ́,

67 kanjə̄ tə́da ngé kəla yādə́ kə́ dəngam gə̄ ō kə́ dəyá̰ gə̄ ō ń nin̄ i deē dūbú sīrí kə ɓú mətá kə kutə mətá kə kalən kə́ sīrí ní. Gōsə̄ pā yādə́ kə́ dəngam gə̄ ō kə́ dəyá̰ gə̄ ō i deē ɓú jōó kə kutə́ sɔ́ kə kalən kə́ mí.

68 Jámbal yādə́ gə̄ i ɓú sɔ́ kə kutə mətá gidə i mí ō, kərō yādə́ gə̄ i dūbú mehḛ́ kə ɓú sīrí kə kutə jōó ō.

69 De kə́rēý gə̄ kə́ dɔ gír kojə gə̄ tə́ adə̄n̄ kadə̄ karī gə̄ kə́ tām̄ yā kəla tə́. Nge ko̰o̰ ɓē adə̄ sə́lē lɔ́r 1 000 ō, kópə tə́té yá̰a̰ gə̄ 50 ō, kūbə̄ ngāl̄ yā ngé tun̄ yá̰a̰ gə̄ 530 ō.

70 Kadə̄ karī gə̄ ń de kə́rēý gə̄ kə́ dɔ gír kojə gə̄ tə́ adə̄n̄ ní i sə́lē lɔ́r 20 000 ō, gində̄ arjā̰a̰ ń adə̄n̄ ní kɔȳn malang i kəlōo 1 100 ō.

71 Gotə ngán Israel kə́ rang gə̄ adə̄n̄ sə́lē lɔ́r 20 000 ō, gində̄ arjā̰a̰ ń adə̄n̄ ní kɔȳn i kəlōo 1 000 ō, kūbə̄ ngāl̄ kə́ tām̄ yā ngé tun̄ yá̰a̰ gə̄ tə́ ń adə̄n̄ ní i 67 ō.

72 Ngé tun̄ yá̰a̰ gə̄ ō, ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, de gə̄ kə́ dan de kə́ kem ɓēé gə̄ tə́ ō, ngé kəla gə̄ ō, ngán Israel gə̄ malang ō, ndin̄ i kə̄ kem ɓē yādə́ gə̄ tə́. Dan ń nāā kə́ nge ko̰ sīrí ugə̄ anī, ngán Israel gə̄ teēn̄ malang kə̄ kem ɓē yādə́ gə̄ ń ndin̄ tū tə́ ní tə́ reēn̄.

Bibəl ta Sar̄ © L'Alliance Biblique du Tchad, 2006, 2010.

Bible Society of Chad
Swiv nou:



Piblisite