NEHEMI 11 - Bibəl ta Sar̄

Rī Jipə gə̄ ń tél reē ndin̄ gogə́ Jerusalem ní

¹ Ngār gə̄ yā ngán Israel gə̄ ndin̄ i Jerusalem. Gotə de gə̄ ń na̰yn̄ ní ré de gə̄ i kutə anī, túgə̄n̄ wə̄lā ɔr̄ə̄nneé deē kógə̄ḿ danaá kadə̄ aw̄ ndi Jerusalem ń i ɓē kə́ táĺ ní tə́, ba gotə kə́ ndōhó gə̄ a ndin̄ i kem ngán ɓē kə ndágá gə̄ tə́.

² Ngán Israel gə̄ tɔ́rə̄n̄ tadə́ dɔ madə̄də́ gə̄ malang ń ndigən̄ ndi Jerusalem kə gō kem ndigə yādə́ nin̄ kɔ́ gə̄ ní tə́.

³ Ngār gə̄ kə́ ngán ɓē kə́ ndágá gə̄ tə́ ndin̄ i Jerusalem. Banī gotə ngán Israel kə́ rang gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé kəla gə̄ ō, ngán kaa ngé rāā kəla yā Salomo̰ gə̄ ō, ndin̄ i dɔ nang yādə́ tə́ kə̄ kem ɓē yādə́ gə̄ tə́.

⁴ De kə́rēý gə̄ kə́ Juda tə́ ō Benjamḛ tə́ ō, ndin̄ i Jerusalem. De gə̄ kə́ dan Juda gə̄ tə́ i Ataya kə́ ngōn̄ Ujia, kə́ ngōn̄ Jakari, kə́ ngōn̄ Amaria, kə́ ngōn̄ Sepatia, kə́ ngōn̄ Malalel, kə́ dan ngán Peres gə̄ tə́ ō,

⁵ Maseya kə́ ngōn̄ Baruk, kə́ ngōn̄ Kolhojə, kə́ ngōn̄ Hajaya, kə́ ngōn̄ Adaya, kə́ ngōn̄ Yoyarib, kə́ ngōn̄ Jakari i, kə́ ngōn̄ Ha Siloni ō.

⁶ Ngán Peres kə́ ngak ngak gə̄ ń ndin̄ Jerusalem ní kutədə́ malang i deē 468.

⁷ De gə̄ ń toō i dan Benjamḛ gə̄ tə́: Salu kə́ ngōn̄ Mesulam, kə́ ngōn̄ Yoed, kə́ ngōn̄ Pedaya, kə́ ngōn̄ Kolaya, kə́ ngōn̄ Maseya, kə́ ngōn̄ Itiel, kə́ ngōn̄ Yesaya ō,

⁸ gō tə́ anī i Gabai ō Salai ō. Kutə Benjamḛ gə̄ malang i deē 928.

⁹ Joel kə́ ngōn̄ Jikəri i ngoldə́. Banī kem ɓēé ní Yehuda kə́ ngōn̄ Hasenua i pajā yān.

¹⁰ De gə̄ kə́ dan ngé tun̄ yá̰a̰ gə̄ tə́ i Yedaya kə́ ngōn̄ Yoyarib ō Yakin ō

¹¹ Seraya kə́ ngōn̄ Hilkia kə́ ngōn̄ Mesulam kə́ ngōn̄ Sadok kə́ ngōn̄ Merayot kə́ ngōn̄ Ahitub ngār kə́ dɔ kújə yā Nə́ɓā tə́ ō,

¹² ngákó̰ó̰də́ kə́ 822 gə̄ ń a rāān̄ kəla kem kújə yā Nə́ɓā tə́ ní ō. Adaya kə́ ngōn̄ Yeroam kə́ ngōn̄ Pelalya kə́ ngōn̄ Amsi kə́ ngōn̄ Jakari kə́ ngōn̄ Pasəhur kə́ ngōn̄ Malkia ō,

¹³ ngákó̰o̰n gə̄ kə́ dɔ gír kojə gə̄ tə́ ń nin̄ i deē 242 ní ō. Amasai kə́ ngōn̄ Ajarel kə́ ngōn̄ Ajai kə́ ngōn̄ Mesilemot kə́ ngōn̄ Imer,

¹⁴ naā tə́ kə ngákó̰o̰n kə́ go̰ rɔ̄ɔ̄ gə̄ ń nin̄ i deē 128 ní ō. Ngoldə́ i Jabədiel kə́ ngōn̄ Hagədolim.

¹⁵ De gə̄ ń kə́ dan ngán Lebi gə̄ tə́ i Semaya kə́ ngōn̄ Hasub kə́ ngōn̄ Ajrikam kə́ ngōn̄ Hasabia kə́ ngōn̄ Buni ō

¹⁶ Sabetai ō Yojabad ō ń nin̄ i dan ngār gə̄ yā ngán Lebi gə̄ tə́ ní, i nin̄ n əndān̄ dɔdə́ tə́ kadə̄ rāān̄ kəla gə̄ kə́ gidə kújə yā Nə́ɓā tə́ ní.

¹⁷ Matania kə́ ngōn̄ Mika kə́ ngōn̄ Jabədi kə́ ngōn̄ Asap nge kəla gír ndɔ̄ȳ, Bakbukia ń dan ngákó̰o̰n gə̄ tə́ ɓáa ni i kə́ nge ko̰ jōó ní ō, Abəda kə́ ngōn̄ Samua kə́ ngōn̄ Galal kə́ ngōn̄ Yedutun ō.

¹⁸ Ngán Lebi gə̄ malang ń ndin̄ kem ɓē kə́ táĺ tə́ ní i deē 284.

¹⁹ De gə̄ ń toō i nge ngɔ̄m̄ ta róbə gə̄: Akub ō Talmon ō ngákó̰ó̰də́ kə́ ngé ngɔ̄m̄ ta róbə gə̄ ō. Nin̄ malang i deē 172.

²⁰ Gotə ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō ní, nin̄ kógə̄ḿ kógə̄ḿ ndin̄ i kə̄ kem ɓē gə̄ malang kə́ Juda tə́, dɔ nang yādə́ gə̄ tə́.

²¹ Ngé kəla gə̄ ndin̄ i Opel. Ngoldə́ gə̄ i Siha ō Gispa ō.

²² Nge kəndā kumən gíŕ ngán Lebi gə̄ kə́ Jerusalem tə́ i Uji kə́ ngōn̄ Banī kə́ ngōn̄ Hasabia kə́ ngōn̄ Matania kə́ ngōn̄ Mika kə́ ngōn̄ Asap. Ngán kaa Asap gə̄ i gōsə̄ pā gə̄ kə́ ngé rāā kəla kə̄nā pā kem kújə yā Nə́ɓā tə́.

²³ Tɔdɔ̄ mban̄g əndā ndū najə̄ kógə̄ḿ tām̄ yādə́ tə́ ō, do̰ō̰n̄ yá̰á̰ kógə̄ḿ naā tə́ adə̄ ngan̄g tām̄ yā gōsə̄ pā gə̄ tə́ kə dɔ ndɔ̄ gə̄ ō.

²⁴ Petahia kə́ ngōn̄ Mesejabel ń i de kə́ gír kaa yā Jera kə́ ngōn̄ Juda tə́ ní, ɔsə kum gotə ngán Israel gə̄ n malang rɔ̄ mban̄g tə́.

Ngán Israel gə̄ tə́ ndin̄ i kem ɓē kə́ ndágá gə̄ tə́

²⁵ Gír kojə kə́rēý gə̄ kə́ Juda tə́ ndin̄ i kem ɓē kə́ ndágá gə̄ tə́: Ndin̄ i Kiryat Arba ō, kem ngán ɓē gə̄ kə́ gidə tə́ ō, Dibon ō, kem ngán ɓē gə̄ kə́ gidə tə́ ō, Yekabəsel ō, kem ngán ɓē gə̄ kə́ gidə tə́ ō,

²⁶ Yesua ō Molada ō Bet Pelet ō

²⁷ Hasar Sual ō Beer Seba ō, kem ngán ɓē kə́ gidə tə́ gə̄ ō,

²⁸ Sikəlag ō Mekona ō, kem ngán ɓē kə́ gidə tə́ gə̄ ō,

²⁹ En Rimon ō Sora ō Yarmut ō

³⁰ Janoa ō Adulam ō, kem ngán ɓē yādə́ gə̄ tə́ ō, Lakis ō, gō nang kə́ gidə tə́ ō, Ajeka ō, kem ngán ɓē gə̄ kə́ gidə tə́ ō. Ɓē gə̄ ń ndin̄ kemeé ní əla gír i Beer Seba bátə́ ugə̄ń wól loo kə́ Hinom tə́.

³¹ Ɓē gə̄ ń de kə́ gír ɓē yā Benjamḛ tə́ gə̄ ndin̄ kemeé ní i Geba ō, Mikəmas ō Aya ō Betel ō, ngán ɓē kə́ gidə tə́ gə̄ ō,

³² Anatot ō Nob ō Anania ō

³³ Hasor ō Rama ō Gitaim ō

³⁴ Hadid ō Seboim ō Nebalat ō

³⁵ Lod ō Ono ō, wól loo yā kɔdə̄ gə̄ ō.

³⁶ Ngán Lebi kə́rēý gə̄ kə́ Juda tə́ ndɔ́tə̄n̄ aw̄ ndin̄ gō nang kə́ Benjamḛ tə́.