JOJUE 19 - Bibəl ta Sar̄

Dɔ nang yā Simeo̰

¹ Wə̄lā kə́ túgə̄ əhɔ dɔ nang kə́ nge ko̰ jōó i de kə́ gír ɓē yā Simeo̰ tə́ gə̄ kə gír kaadə́ gēé. Dɔ nang yādə́ ní yā ngán Juda gə̄ gīr̄ gidə.

² Ɓē bo kə́ tū tə́ gə̄ i Beer Seba ō, Seba ō, Molada ō,

³ Hasar Sual ō, Baala ō, Esem ō,

⁴ Eltolad ō, Betul ō, Horma ō,

⁵ Sikəlag ō, Bet Markabot ō, Hasar Susa ō,

⁶ Bet Lebaot ō, Saruhen ō, adə̄ ɓē gə̄ malang i kutə gidə i mətá, naā tə́ kə ngán ɓē gə̄ ń ndin̄ kə gō gidií ní.

⁷ Ɓē kə́ rang kə́ gə̄ i Ain ō, Rimon ō, Eter ō, Asan ō, ɓē gə̄ ní i sɔ́, naā tə́ kə ngán ɓē gə̄ ń ndin̄ kə gō gidií ní.

⁸ Ngán ɓē gə̄ malang kə́ kadə ɓē gə̄ ń noō tə́ bátə́ ugə̄ń Baalat Ber ń i Ramat Negeb ní i dɔ nang yādə́ tə́. Dɔ nang ń de kə́ gír ɓē yā Simeo̰ tə́ gə̄ əngen̄ kə gír kaadə́ gēé ní n noó.

⁹ I núsə dɔ nang yā ngán Juda gə̄ n adə̄n̄də́ ní, tɔdɔ̄ dɔ nang ń ngán Juda gə̄ əngen̄ ní i ngá̰ý adə̄ al̄ dɔdə́. I tām̄ najə̄ ń noō tə́ n dɔ nang yā ngán Juda gə̄ gīrəń gidə yā ngán Simeo̰ gə̄ ní.

Dɔ nang yā Jabulo̰

¹⁰ Wə̄lā kə́ túgə̄ əhɔ dɔ nang kə́ nge ko̰ mətá adə̄ i ngán Jabulo̰ gə̄ kə gír kaadə́ gēé. Dɔ nin̄ dɔ nang yādə́ aw̄ bátə́ teē Saridə,

¹¹ ra noó əta tan kə̄ dɔɔ́ aw̄ kumən kə̄ no ɓē tə́, aw̄ bátə́ ugə̄ Marala ō, Dabəset ō, man̄ ń deē ra Yokəneam anī i kə̄ dām̄ kə́ gír ɓē tə́ ní ō.

¹² Tá ra Saridə noó aw̄ kum kə̄ gír ɓē tə́, ɔdə kadə dɔ nang kə́ Kislot Tabor, teē Dabrat ba əta tan kə̄ dɔɔ́ aw̄ bátə́ ugə̄ Yapia.

¹³ Ra noó aw̄ kum kə̄ gír ɓē tə́ aw̄ teē Gat Heper ō, Ita Kasin ō, əja dɔɔ́ aw̄ ugə̄ Rimon ba tūr̄ rɔ̄n aw̄ kum kə̄ Neya.

¹⁴ Dɔ nin̄ ní un gō gidə ɓē kə́ Hanaton dām̄ mbɔ́r ɓē kə́ ko̰ó̰ tə́, ba aw̄ ugə̄ wól loo kə́ Ipəta El tə́.

¹⁵ Ɓē gə̄ kə́ dɔ nang ní tə́ i Katat ō, Nahalal ō, Simron ō, Yideala ō Betlehem ō, ɓē gə̄ ní malang i kutə gidə i jōó, naā tə́ kə ngán ɓē gə̄ ń ndin̄ kə gō gidií ní.

¹⁶ Dɔ nang ń ngán Jabulo̰ gə̄ əngen̄ kə gír kaadə́ gēé ní n noó. Ɓē kə́ tū tə́ gē n noó kə ngán ɓē gə̄ ń ndin̄ kə gō gidií ní.

Dɔ nang yā Isakar

¹⁷ Wə̄lā ké túgə̄ əhɔ dɔ nang kə́ nge ko̰ sɔ́ adə̄ i ngán Isakar tə́ kə gír kaadə́ gēé.

¹⁸ Dɔ nin̄ loo yādə́ teē Jisreel ō, Kesulot ō, Sunem ō,

¹⁹ Haparaim ō, Sion ō, Anaharat ō,

²⁰ Rabit ō, Kisiyon ō, Ebes ō,

²¹ Remet ō, En Ganim ō, En Hada ō, Bet Pases ō.

²² Dɔ nin̄ ní teē Tabor ō, Sahasim ō, Bet Semes ō, ba ta tɔ̄l̄ tan i bā Jurdḛ tə́. Ɓē gə̄ kə́ dɔ nang ní tə́ i kutə gidə i mehḛ́ ō, ngán ɓē gə̄ ndin̄ kə gō gididə́ ō.

²³ Dɔ nang ń adə̄n̄ de kə́ gír ɓē yā Isakar tə́ gə̄ kə gír kaadə́ gēé ní n noó. Ɓē kə́ tū tə́ gə̄ n noó kə ngán ɓē gə̄ ń ndin̄ kə gō gidədə́ ní.

Dɔ nang yā Aser

²⁴ Wə̄lā kə́ túgə̄ əhɔ dɔ nang kə́ nge ko̰ mí adə̄ i de kə́ gír ɓē yā Aser tə́ gə̄ kə gír kaadə́ gēé.

²⁵ Dɔ nin̄ loo yādə́ i ɓē kə́ Helkat ō, Hali ō, Beten ō, Akesap ō,

²⁶ Alamelek ō, Amad ō, Misal ō, Dɔ nin̄ kə́ dām̄ no ɓē tə́ teē mbal̄ Karmel tə́ ō, un gō man̄ Sihor Libnat ō,

²⁷ Dɔ nin̄ kə́ dām̄ ké gír ɓē tə́ əta tan kə̄ dɔɔ́ aw̄ kum kə̄ Bet Dagon aw̄ teē kadə dɔ nang yā Jabulo̰ tə́ ō, teē wól loo kə́ Ipəta El tə́ ō, gō tə́ anī aw̄ kum kə̄ mbɔ́r ɓē kə́ ko̰ó̰ tə́ aw̄ teē Bet Emek ō, Neyel ō, ra noó aw̄ teē Kabul ō,

²⁸ Abədon ō, Rehob ō, Hamon ō, Kana ō, aw̄ bátə́ ugə̄ Sidon kə́ bo tə́.

²⁹ Dɔ nin̄ ní tūr̄ rɔ̄n aw̄ kum kə̄ Rama, aw̄ bátə́ ugə̄ ɓē kə́ ngan̄g ń rīn na i Tir ní tə́. Gō tə́ anī aw̄ kum kə̄ Hosa, aw̄ ugə̄ bā bo tə́, ba mān̄ i Mahalabə ō, Akjib ō,

³⁰ Uma ō, Apek ō, Rehob ō n aw̄ń. Ɓē gə̄ kə́ dɔ nang ní tə́ malang i kutə jōó gidə i jōó naā tə́ kə ngán ɓē gə̄ ń ndin̄ kə gō gidədə́ ní.

³¹ Dɔ nang ń de kə́ gír ɓē yā Aser tə́ gə̄ əngen̄ kə gír kaadə́ gēé ní n noó. Ɓē kə́ tū tə́ gə̄ n noó kə́ ngán ɓē gə̄ ń ndin̄ kə gō gididə́ ní.

Dɔ nang yā Nepətali

³² Wə̄lā kə́ túgə̄ əhɔ dɔ nang kə́ nge ko̰ mehḛ́ adə̄ i ngán Nepətali gə̄ kə gír kaadə́ gēé.

³³ Dɔ nin̄ loo yādə́ kə́ dām̄ mbɔ́r ɓē kə́ geleé tə́ əla gír i Helep ō, Eton ō, teēń Sananim ō, Adami Nekeb ō, Yabəneel ō, bátə́ Lakum, ta tɔ̄l̄ tan i bā Jurdḛ tə́

³⁴ Dɔ nin̄ tūr̄ rɔ̄n dām̄ kə́ no ɓē tə́ aw̄ kum kə̄ Asnot Tabor, aw̄ ugə̄ Hukok, un gō kadə dɔ nang yā Jabulo̰ dām̄ mbɔ́r ɓē kə́ geleé tə́ ō, un gō kadə dɔ nang yā Aser dām̄ kə́ no ɓē tə́ ō. Dɔ nin̄ kə́ dām̄ kə́ gír ɓē tə́ i bā Jurdḛ.

³⁵ Ɓē kə́ rang gə̄ i Sidim ō, Ser ō, Hamat ō, Rakat ō, Kineret ō,

³⁶ Adama ō, Rama ō, Hasor ō,

³⁷ Kedes ō, Edrey ō, En Hasor ō,

³⁸ Iron ō, Migədal El ō, Horem ō, Bet Anat ō, Bet Semes ō. Ɓē gə̄ ní malang i kutə gidə i ndōhó, naā tə́ kə ngán ɓē gə̄ ń ndin̄ kə gō gidií ní.

³⁹ Dɔ nang ń de ké gír ɓē yā Nepətali tə́ gə̄ əngen̄ kə gír kaadə́ gēé ní n noó. Ɓē kə́ tū tə́ gə̄ n noó kə ngán ɓē gə̄ ń ndin̄ kə gō gidií ní.

Dɔ nang yā Dan

⁴⁰ Wə̄lā kə́ túgə̄ əhɔ dɔ nang kə́ nge ko̰ sīrí adə̄ i de ké gír ɓē yā Dan tə́ gə̄ kə gír kaadə́ gēé.

⁴¹ Dɔ nin̄ dɔ nang yādə́ i Sora ō, Esətaol ō, Ir Semes ō,

⁴² Salabin ō, Ayalon ō, Idəla ō,

⁴³ Elon ō, Timna ō, Ekəron ō,

⁴⁴ Elteke ō, Gibeton ō, Baalat ō,

⁴⁵ Yehud ō, Bene Berak ō, Gat Rimon ō,

⁴⁶ man̄ Yarkon ō, Rakon ō, gō nang ń gīr̄ gidə ɓē Japa ní ō.

^47-48 Dɔ nang ń adə̄n̄ de gə̄ kə́ gír ɓē yā Dan tə́ gə̄ kə gír kaadə́ gēé ní n noó. Ɓē kə́ tū tə́ gə̄ n noó kə ngán ɓē gə̄ ń ndin̄ kə gō gidií ní. Dan ń dɔ nang yā ngán Dan gə̄ teē jīdə́ tə́ kɔ̄ɔ́ ní, nin̄ aw̄ ənīn̄ ɓē kə́ Lesem rɔ̄ɔ̄ ba taān̄ən̄. Nin̄ tɔ̄lə̄n̄ de kə́ kemeé gə̄ kɔ̄ɔ́ malang kə kəyā kaskaraá ba ndin̄ gotədə́ tə́. Nin̄ əndān̄ rī kaadə́ Dan dɔ ɓē ní tə́.

⁴⁹ Dan ń ngán Israel gə̄ nəɓōn̄ naā dɔ nang oy anī, nin̄ adə̄n̄ Jojue ngōn̄ Nun dɔ nang dɔ dáńdə́ tə́.

⁵⁰ Nin̄ adə̄nən̄ ɓē ń ni-dəje ní tītə̄ ń Kɔ́ɔ̄ɓē ədań ní. Adə̄nən̄ ɓē kə́ Timnat Sera gō, nang yā Epəraim kə́ mbalá tə́ Jojue rāā ɓē ní gogə́ rang ba ndi tū tə́.

⁵¹ Eleajar kə́ nge tun̄ yá̰a̰ ō, Jojue ngōn̄ Nun ō, ngār gə̄ yā ngán Israel gə̄ ō, túgə̄n̄ wə̄lā ta kum Kɔ́ɔ̄ɓē tə́ Silo, ta kújə kənge naā tə́ n adə̄nəń dɔ nang gə̄ ń noō ní. I beé n tɔ̄l̄nəń ta nə̄ɓō naā dɔ nang ní.