1 YÁ̰A̰ GƏ̄ 9 - Bibəl ta Sar̄

¹ Tə́dan̄ kutə ngán Israel gə̄ malang ō, ndangən̄ rīdə́ kem makətūbə̄ yā mban̄g gə̄ kə́ Israel tə́ ō. Ɔyn̄ de kə́ Juda gə̄ aw̄n̄ sedə́ Babilon i najə̄ hál kə́ gōtə́ aĺ kə́ nin̄ rāān̄ kə Nə́ɓāá tə́.

De kə́ Jerusalem gə̄.

² De gə̄ ń tél reē ndin̄ kem ɓē yādə́ tə́ gogə́ ta kəga dɔ ō, əngen̄ yá̰a̰ yādə́ gə̄ ō ní i ngán Israel kə́ karī gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé rāā kəla gə̄ ō.

³ De kə́rēý gə̄ kə́ gír kojə yā Juda tə́ gə̄ ō, yā Benjamḛ tə́ gə̄ ō, yā Epəraim tə́ gə̄ ō, yā Manase tə́ gə̄ ō, ndin̄ Jerusalem.

⁴ Utai kə́ ngōn̄ Amihud kə́ ngōn̄ Omri, kə́ ngōn̄ Imri kə́ ngōn̄ Bani i dan ngán Peres kə́ ngōn̄ Juda tə́.

⁵ Asaya nin̄ kə ngánən gēé i dan de gə̄ kə́ gír kaa yā Sela tə́. Ni i ngōn̄ hágə.

⁶ Yewel i dan de gə̄ kə́ gír kaa yā Jera tə́. De kə́ gír kaa yā Juda tə́ gə̄ malang ń ndin̄ Jerusalem ní i deē 690.

⁷ Salu i dan ngán Benjamḛ gə̄ tə́. Ni i ngōn̄ Mesulam kə́ ngōn̄ Hodabia kə́ ngōn̄ Hasenua.

⁸ Ibəneya i ngōn̄ Yeroam. Ela i ngōn̄ Uji kə́ ngōn̄ Mikəri. Mesulam i ngōn̄ Sepatia kə́ ngōn̄ Rewel kə́ ngōn̄ Ibənia.

⁹ De gə̄ ń noō malang ní nin̄ i de kə́ dɔ gír kojə yādə́ gə̄ tə́. De kə́ gír kaa yā Benjamḛ tə́ gə̄ ń ndin̄ Jerusalem malang ní i deē 956.

¹⁰ Ngé tun̄ yá̰a̰ gə̄ i Yedaya ō, Yoyarib ō, Yakin ō,

¹¹ Ajaria kə́ ngōn̄ Hilkia ō. Hilkia i ngōn̄ Mesulam kə́ ngōn̄ Sadok. Sadok i ngōn̄ Merayot kə́ ngōn̄ Ahitub ń i ngār kə́ dɔ kújə yā Nə́ɓā tə́ ní.

¹² Adaya kə́ ngōn̄ Yeroam kə́ ngōn̄ Pasəhur kə́ ngōn̄ Malkia i sedə́ ō. Masai kə́ ngōn̄ Adiel kə́ ngōn̄ Yajera kə́ ngōn̄ Mesulam kə́ ngōn̄ Mesilemit kə́ ngōn̄ Imer i sedə́ ō.

¹³ Naā tə́ kə ngákó̰ó̰də́ gə̄ kə́ dɔ gír kojə yādə́ gə̄ tə́ ní nin̄ i deē dūbú kə ɓú sīrí kə kutə mehḛ́. Nin̄ malang i de kə́ ngan̄g gə̄ ō, kə́ kəhɔ rɔ̄də́ tɔgə gə̄ ō, kə́ ngé rāā kəla kem kújə yā Nə́ɓā tə́ gə̄.

¹⁴ Dan ngán Lebi gə̄ tə́ ní Semaya kə́ ngōn̄ Hasub, kə́ ngōn̄ Ajrikam, kə́ ngōn̄ Hasabia i de kə́ dan de kə́ gír kaa yā Merari gə̄ tə́ ō.

¹⁵ Bakbakar ō, Heres ō, Galal ō, Matania kə́ ngōn̄ Mika, kə́ ngōn̄ Jikəri kə́ ngōn̄ Asap ō.

¹⁶ De kə́ rang kə́ sedə́ gə̄ i Obadia kə́ ngōn̄ Semaya kə́ ngōn̄ Galal kə́ ngōn̄ Yedutun ō, ta tɔ̄l̄ ta i Berekia kə́ ngōn̄ Asa kə́ ngōn̄ Elkana ń ndi i dɔ nang yā de kə́ Netopa gə̄ tə́ ní.

¹⁷ Ngé ngɔ̄m̄ ta róbə́ kújə gə̄ i Salum ō, Akub ō, Talmon ō, Ahiman ō, ngákó̰ó̰də́ gə̄ ō. Salum i ngār dɔdə́.

¹⁸ Kə́ tām̄ yā gérger yā ngán Lebi gə̄ tə́ ní, i nin̄ n i ngé ra ta róbə́ tə́ ní. Bátə́ ɓōólaā gə̄gē i nin̄ n i ngé ra ta róbə yā mban̄g tə́ dām̄ kə́ gír ɓē tə́ ní.

¹⁹ Salum kə́ ngōn̄ Kore kə́ ngōn̄ Ebiasap kə́ ngōn̄ Kore, naā tə́ kə ngákó̰o̰n gə̄ kə́ kem kojə kə́ kógə̄ḿ beē tə́, adə̄ i de gə̄ yā Kore ní, kəla yādə́ i kəla ngɔ̄m̄ ta kújə kənge naā. Kété ní kəla rāā bɔbə̄də́ gə̄ i ngɔ̄m̄ ta róbə́ kə́ yā kudəń kə̄ kem gérger yā Kɔ́ɔ̄ɓē tə́.

²⁰ Kété ní ngār yādə́ i Pinas kə́ ngōn̄ Eleajar ō, Kɔ́ɔ̄ɓē i naā tə́ seneé ō.

²¹ Jakari kə́ ngōn̄ Meselemia i nge ngɔ̄m̄ ta kújə kənge naā ō.

²² De gə̄ malang ń gə̄rān̄də́ kadə̄ ngɔ̄mə̄n̄ ta róbə́ kújə gə̄ ní i deē 212. Ndangən̄ rīdə́ makətūbūú i ɓē yādə́ gə̄ tə́. I Dabid ō, Samuel nge koō ta ō n i ngé kəndādə́ kem kəla kə́ deē a taā i kem deē tá a əndān tū tə́ tə́ ní.

²³ Nin̄ ō, ngáńdə́ gə̄ ō ní adə̄n̄də́ i kəla ngɔ̄m̄ ta róbə́ kújə gə̄ yā Kɔ́ɔ̄ɓē, adə̄ i kújə kənge naā.

²⁴ Ngé ngɔ̄m̄ ta róbə gə̄ ndin̄ dām̄ sɔ́: Dām̄ kə́ gír ɓē tə́ ō, no ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō.

²⁵ Ngákó̰ó̰də́ gə̄ ń ndin̄ kə̄ kem ngán ɓē yādə́ gə̄ tə́ ní a reēn̄ yā rāā kəla sedə́ dəmásə́ kógə̄ḿ tá a télnə̄ń.

²⁶ Banī ngār kə́ sɔ́ gə̄ yā ngé ngɔ̄m̄ ta róbə gə̄ tá nin̄ a ndin̄ noó kə́ njɔ́ḿ gə̄ tə́. Nin̄ i ngán Lebi gə̄ kə́ adə̄n̄də́ kəla ngɔ̄m̄ kem kújə gə̄ ō, ngɔ̄m̄ loo ɓōkə́ yá̰a̰ kənge gə̄ kə́ kem kújə yā Nə́ɓā tə́ ō.

²⁷ Nin̄ a ɓīīn̄ i gidə kújə yā Nə́ɓā tə́. Tɔdɔ̄ kəla ń adə̄n̄də́ ní i kəla ngɔ̄m̄ kújə yā Nə́ɓā ō, teē ta dəloí kə ndɔ̄ gə̄ ō.

²⁸ Kəla rāā ngé ngɔ̄m̄ ta róbə́ kújə́ kə́rēý gə̄ i tə́dá ngáń gájə́ yá̰a̰ rāā kəla gə̄ ń a ɔyn̄ yā teēń ndágá ō, yā téləń gogə́ ō ní.

²⁹ Ngé kə́ rang gə̄ ní kəla yādə́ i kəndā kumdə́ gír bay gə̄ tə́. Ba i kəla yādə́ kə́ ngá̰ý i kəndā kumdə́ gír bay kə́ yā ɓōĺ gidə gə̄ tə́ ō, ndujə̄ kə́ lándə̄ tə́ ō, kasə nduú tə́ ō, yibə̄ tə́ ō, kajaja tə́ ō, ndujə̄ yá̰á̰ kə́ kotə majə gə̄ tə́ ō.

³⁰ Banī i ngé tun̄ yá̰a̰ gə̄ ń i ngé tɔ́sə̄ dɔ yá̰a̰ naā tə́ yā rāań ndujə̄ yá̰á̰ kə́ kotə majə gə̄ ní.

³¹ Ngōn̄ Lebi kógə̄ḿ rīn na i Matitia. Ni i hágə Salum, ba Salum i de kə́ gír kaa yā Kore tə́. Kəla yān i kəla kɔr̄ makəla kə́ rāā kanjə̄ kaa mápa yā ndējə̄.

³² Kəla rāā ngán Lebi kə́rēý gə̄ kə́ gír kaa yā Kehat tə́ i kɔr̄ mápá kə́ táĺ gə̄ ń a ndējə̄n̄ Nə́ɓā kə ndɔ̄ sabat gə̄ malang ní.

³³ Adə̄n̄ de kə́ dɔ gír kojə yā ngán Lebi tə́ gə̄ ń i gōsə̄ pā gə̄ ní, kújə ndidə́ gə̄ ō, adə̄ rāān̄ kəla kə́ rang gə̄ aĺ ō, yā kadə əndan̄neé rɔ̄də́ ta tə́ ndɔ̄ɔ́ ō, kadaá.

³⁴ De kə́ dɔ gír kojə yā ngán Lebi gə̄ tə́ kə gō gír kojə yādə́ gēé n noó. Nin̄ ndin̄ i Jerusalem.

Kojə yā Saul

³⁵ Nge kəndā gír ɓē kə́ Gabaon ń rīn na i Yeyel ní ndi i Gabaon. Rī nə̄yá̰n na i Maaka.

³⁶ Rī ngōnən kə́ nga tɔ́gə na i Abədon. Gotə gə̄ rīdə́ na i Sur ō, Kisə ō, Baal ō, Ner ō, Nadab ō,

³⁷ Gedor ō, Ahio ō, Jakari ō, Mikəlotə ō.

³⁸ Mikəlotə ojə Simeam. Nin̄ ndin̄ ɓē Jerusalem kə ngákó̰ó̰də́ tītə̄ yādə́.

³⁹ Ner ojə Kis. Kis ojə Saul. Saul ojə Jonatan ō, Malkisua ō, Abinadab ō, Esəbaal ō.

⁴⁰ Meribaal i ngōn̄ Jonatan. Meribaal ojə Mika.

⁴¹ Ngán Mika gə̄ i Piton ō, Melek ō, Tarea ō.

⁴² Ahaj ojə Yara. Yara ojə Alemet ō, Asmabet ō, Jimri ō,. Jimri ojə Mosa.

⁴³ Mosa ojə Binea, Binea ojə Repaya, Repaya ojə Elasa, Elasa ojə Asel.

⁴⁴ Ngán Asel gə̄ i mehḛ́, rīdə́ n toó: Ajrikam, Bokəru, Ismael, Searia, Obadia, Hanan. Ngán Asel gə̄ n noó.