1 YÁ̰A̰ GƏ̄ 6 - Bibəl ta Sar̄

De kə́ rang kə́ gír kojə yā Lebi tə́ gə̄

¹ Rī ngán Lebi gə̄ na i Gersom ō, Kehat ō, Merari ō.

² Rī ngán Gersom gə̄ na i Libəni ō, Semei ō.

³ Rī ngán Kehat gə̄ na i Amram ō, Isar ō, Hebron ō, Ujiel ō.

⁴ Rī ngán Merari gə̄ na i Mali ō, Musi ō. De gə̄ ń rīdə́ i dɔ gír kaa gə̄ yā Lebi tə́ ní n noó.

⁵ De kə́ gír kojə yā Gersom tə́ gə̄ n toó kə gō naá: Libəni ō, Yamat ō, Jima ō,

⁶ Yoa ō, Ido ō, Jera ō, Yeatərai ō.

⁷ De kə́ gír kojə yā Kehat tə́ gə̄ n toó kə gō naá: Aminadab ō, Kore ō, Asir ō,

⁸ Elkana ō, Abiasap ō, Asir ō,

⁹ Tahat ō, Uriel ō, Ujia ō, Saul ō.

¹⁰ Rī ngán Elkana gə̄ na i Amasai ō, Ahimot ō.

¹¹ De kə́ gír kojə yā Ahimot tə́ gə̄ n toó kə gō naá: Elkana ō, Sapar ō, Nahat ō,

¹² Eliab ō, Yeoram ō, Elkana ō.

¹³ Ngán Samuel gə̄ n toó: Nge kə́ nga tɔ́gə rīn na i Joel ō, gidən rīn na i Abia ō.

¹⁴ De kə́ gír kojə yā Merari tə́ gə̄ n toó kə gō naá: Mali ō, Libəni ō, Simei ō, Uja ō,

¹⁵ Sima ō, Hagia ō, Asaya ō.

¹⁶ Dan ń əngen̄ loo əndān̄neé sandúkə madə̄ naā yā Kɔ́ɔ̄ɓē oy anī, Dabid adə̄ de kə́ gír kojə yā Lebi tə́ gə̄ kəla kənī pā kem kújə yā Kɔ́ɔ̄ɓē tə́.

¹⁷ Kété pá tá kadə̄ Salomo̰ rāā kújə yā Kɔ́ɔ̄ɓē kem ɓē kə́ Jerusalem tə́ ní, de gə̄ ní rāān̄ kəla kənī pā i ta kújə kənge naā tə́. Nin̄ rāān̄ kəla ní i kə gō ń ɔjən̄neé kadə̄ rāān̄ ní.

¹⁸ De gə̄ ń a rāān̄ kəla kənī pā kə ngé kənī pā yādə́ gēé ní nin̄ n toó: Gōsə̄ pā kə́ gír kaa yā Kehat tə́ i Heman. Ni i ngōn̄ Joel ō, kə́ ngōn̄ Samuel ō,

¹⁹ Elkana kə́ ngōn̄ Yeroam kə́ ngōn̄ Eliel kə́ ngōn̄ Toa kə́ ngōn̄

²⁰ Supə kə́ ngōn̄ Elkana kə́ ngōn̄ Mahat kə́ ngōn̄ Amasai kə́ ngōn̄

²¹ Elkana kə́ ngōn̄ Joel kə́ ngōn̄ Ajaria kə́ ngōn̄ Sepania kə́ ngōn̄

²² Tahat kə́ ngōn̄ Asir kə́ ngōn̄ Abiasap kə́ ngōn̄ Kore kə́ ngōn̄

²³ Isar kə́ ngōn̄ Kehat kə́ ngōn̄ Lebi kə́ ngōn̄ Jakob ō.

²⁴ Madə̄ Heman ń ra dɔ jī ko̰n tə́ ní i Asap kə́ ngōn̄ Berikia kə́ ngōn̄ Sima kə́ ngōn̄

²⁵ Mikael kə́ ngōn̄ Baaseya kə́ ngōn̄ Malkia kə́ ngōn̄

²⁶ Etəni kə́ ngōn̄ Jera kə́ ngōn̄ Adaya kə́ ngōn̄

²⁷ Etan kə́ ngōn̄ Jima kə́ ngōn̄ Simei kə́ ngōn̄

²⁸ Yahat kə́ ngōn̄ Gersom kə́ ngōn̄ Lebi.

²⁹ Ngákó̰ó̰də́ kə́ gōsə̄ pā gə̄ kə́ gír kaa yā Merari tə́ gə̄ ran̄ i dɔ jī geldə́ tə́. Jamā dɔdə́ i Etan kə́ ngōn̄ Kisi kə́ ngōn̄ Abədi kə́ ngōn̄ Maluk,

³⁰ Hasabia kə́ ngōn̄ Amasia kə́ ngōn̄ Hilkia kə́ ngōn̄

³¹ Amsi kə́ ngōn̄ Bani kə́ ngōn̄ Semer kə́ ngōn̄

³² Musi kə́ ngōn̄ Merari kə́ ngōn̄ Lebi.

³³ Gotə kəla kə́ rang gə̄ malang kə́ kem kújə yā Nə́ɓā tə́ ní i ngákó̰ó̰də́ kə́ rang gə̄ kə́ gír ɓē yā Lebi tə́ gə̄ n ə̄ndān̄də́ ta tə́ adə̄ a rāān̄ ní.

³⁴ Aaro̰ nin̄ kə ngánən gēé rāān̄ i kəla róō dā̰ kə́ tun̄ gə̄ dɔ loo tun̄ yá̰á̰ kə́ róó tə́ ō, i kəla róō ndujə̄ yá̰á̰ kə́ kotə majə gə̄ dɔ loo róō ndujə̄ yá̰á̰ kə́ kotə majə gə̄ tə́ ō. Nin̄ i ngé kəndā kumdə́ gíŕ yá̰a̰ malang kə́ kem loo kə́ táĺ ngá̰ý tə́ ō, ngé rāā yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ tə́ tām̄ yā ngán Israel gə̄ tə́ ō. Nin̄-unən̄ i gō yá̰a̰ malang ń Moijə nge kəla yā Nə́ɓā əda ni n rāān̄neé yá̰a̰ gə̄ ń noō ní.

³⁵ Rī de gə̄ kə́ gír kojə yā Aaro̰ tə́ gə̄ kə gō naá n toó: Eleajar ō, Pinas ō, Abisua ō,

³⁶ Buki ō, Uji ō, Jeraya ō,

³⁷ Merayot ō, Amaria ō, Ahitub ō,

³⁸ Sadok ō, Ahimas ō.

Ɓē gə̄ ń adə̄n̄ de kə́ gír kojə yā Lebi tə́ gə̄ ní

³⁹ Rī loo kə́ kem ɓēé gə̄ ń de kə́ gír kojə yā Aaro̰ tə́ gə̄ kə́ kem gír kaa yā Kehat tə́ gə̄ ndin̄ tū tə́ ní n toó. Tɔdɔ̄ i nin̄ n wə̄lā kə́ túgə̄ əhɔ dɔ nang adə̄də́ kété ta kəga dɔ ní.

⁴⁰ Adə̄n̄də́ i ɓē kə́ Hebron kə́ dɔ nang kə́ Juda tə́, kə dɔ nang kə́ gidə tə́ gə̄ kə́ yā kadə̄ yá̰a̰ kul̄ gə̄ aw̄ əsan̄ yá̰a̰ tū tə́.

⁴¹ Banī ndɔr̄ gə̄ kə́ kem ɓēé ō, ngán ɓē kə́ ndágá gə̄ ō ní, adə̄n̄ Kaleb ngōn̄ Yepune kété kɔ̄ɔ́.

^42-45 Ɓē gə̄ ń adə̄n̄ de kə́ gír kojə yā Aaro̰ tə́ gə̄ kadə̄ i ɓē ɓɔ̄ɔ̄ rɔ̄ gə̄ ní n toó: Hebron, Libəna, Yatir, Esətemoa, Hilen, Debir, Asan, Bet Semes. Ngé kə́ gō nang yā Benjamḛ tə́ gə̄ i Geba ō, Alemet ō, Anatot ō. Adə̄n̄də́ ɓē kə́ kutə gidə i mətá gə̄ ń noō ō, loo kə́ gidə tə́ gə̄ kə́ yā kadə̄ yá̰a̰ kul̄ gə̄ əsan̄ yá̰a̰ tū tə́ ō.

⁴⁶ Ɓē gə̄ ń wə̄lā əhɔ adə̄ ngán Kehat kə́ rang gə̄ kə gír kaadə́ gēé ní i ɓē kutə. I ɓē kə́ gō nang yā Epəraim tə́ ō, Dan tə́ ō, gō nang yā núsə de gə̄ kə́ gír ɓē yā Manase tə́ kə́ dām̄ kə́ no ɓē tə́ ō.

⁴⁷ De kə́ gír kojə yā Gersom tə́ gə̄ əngen̄ ɓē i kutə gidə i mətá, i ɓē gə̄ kə́ gō nang yā Isakar tə́ ō, Aser tə́ ō, Nepətali tə́ ō, gō nang yā núsə de kə́ gír ɓē yā Manase tə́ gə̄ ń ndin̄ Basan ní ō.

⁴⁸ Wə̄lā kə́ túgə̄ əhɔ ɓē i kutə gidə i jōó n adə̄ de kə́ gír kojə yā Merari tə́ gə̄ ní. I ɓē gə̄ kə́ dɔ nang yā Ruben tə́ ō, Jabulo̰ tə́ ō.

⁴⁹ Ngán Israel gə̄ adə̄n̄ de kə́ gír kojə yā Lebi tə́ gə̄ ɓē gə̄ ní ō, loo gə̄ kə́ gidə ɓē gə̄ ní tə́ kə́ yā kadə̄ yá̰a̰ kul̄ yādə́ gə̄ əsan̄ yá̰a̰ tū tə́ ō.

⁵⁰ Ɓē gə̄ ń tə́dan̄ rīdə́ kété laā á i ɓē gə̄ kə́ gō nang yā Juda tə́ ō, Simeo̰ tə́ ō, Benjamḛ tə́ ō ní, túgə̄n̄ i wə̄lā n adə̄n̄neé ɓē gə̄ ní ō.

^51-55 Ɓē ɓɔ̄ɔ̄ rɔ̄ gə̄ ń de kə́ gír kojə yā Kehat tə́ gə̄ əngen̄ yā ndi tū tə́ ní n toó: Gō nang kə́ mbalá yā Epəraim tə́ i Sisem ō, Gejer ō, Yokəmeam ō, Bet Horon ō, Ayalon ō, Gat Rimon ō. Gō nang yā núsə de kə́ gír ɓē yā Manase tə́ gə̄ ń ndin̄ dām̄ kə́ no ɓē tə́ ní i Aner ō, Bileam ō. Adə̄n̄də́ ɓē gə̄ ní i naā tə́ kə loo kə́ gidə tə́ gə̄ kə́ yā kadə̄ yá̰a̰ kul̄ gə̄ əsan̄ yá̰a̰ tū tə́.

^56-61 Ɓē gə̄ ń de kə́ gír kojə yā Gersom tə́ gə̄ əngen̄ kə́ gō gír kaadə́ gēé ní n toó: Gō nang yā núsə de kə́ gír ɓē yā Manase tə́ gə̄ ń ndin̄ dām̄ kə́ gír ɓē tə́ ní i Golan dɔ nang kə́ Basan tə́ ō, Asətarot ō. Dɔ nang yā Isakar tə́ i Kedes ō, Dabrat ō, Ramot ō, Anem ō. Dɔ nang yā Aser tə́ i Masal ō, Abədon ō, Hukok ō, Rehob ō. Dɔ nang yā Nepətali tə́ i Kedes kə́ gō nang kə́ Galile tə́ ō, Hamon ō, Kiryataim ō. Adə̄n̄də́ ɓē gə̄ ní i naā tə́ kə loo kə́ gidə tə́ gə̄ kə́ yā kadə̄ yá̰a̰ kul̄ gə̄ əsan̄ yá̰a̰ tū tə́.

^62-66 Ɓē gə̄ ń gotə ngán Lebi kə́ rang gə̄ əngen̄, adə̄ i de kə́ gír kaa yā Merari tə́ gə̄ ní n toó: Gō nang yā Jabulo̰ tə́ i Rimon ō, Tabor ō. Gō nang yā Ruben tə́ i Beser. Ré deē ra bā Jurdḛ tə́ anī, i kə̄ dām̄ kə́ gír ɓē tə́, sɔɔ̄n̄ ta naā kə ɓē kə́ Jeriko. Kem dəla loo tə́ i Yahas ō, Kedemot ō, Mepat ō. Gō nang yā Gad tə́ i Ramot kə́ Galaad ō, Mahanaim ō, Hesəbon ō, Yajer ō. Adə̄n̄də́ ɓē gə̄ ní naā tə́ kə loo kə́ gidə tə́ gə̄ kə́ yā kadə̄ yá̰a̰ kul̄ gə̄ əsan̄ yá̰a̰ tū tə́.