Marko 16 - Samburu

Mpiunoto e Yeso

¹ Kore teipa e Jumamos eicha Sabato, neinyiang'u Maria Magadalena o Maria ng'otonye Yakobo, o Salome latan naarropil pee etum aachom aaelie Yeso.

² Nepuo tasiran oleng e Jumapili, nkurarei nochi ake nailiepunyie ndama.

³ Nejokino ninche maate, <>

⁴ Kore pee eapu nkonyek aing'or, nedol aajo eibeleleng'oyieki ilo soit, naa keikitok oleng.

⁵ Nejing nkurarei, nedol lbarnoti owuon ta mbata e tetene neichopito nkila naibor naado, neing'asia ninche oleng.

⁶ Nejoki ninche, <

⁷ Kake enchom entiliki looiteng'eni lenyena o Petero aajoki, >>

⁸ Neipung to nkurarei aaisig, amu keikirikirete to ngureticho, neing'asiate. Neaku meata hoo obo otilikita amu ketuguretita.

Eipung'oka ꞉Yeso Maria Magadalena

⁹ Kore pee epiu Yeso te siran e Jumapili, neipung'oki Maria Magadalena tekue. Kore Maria, naa ninye apa etaarayie ꞉Yeso lairiruani sapa meeipung'o.

¹⁰ Nelo ninye aliki lolo ootii apa tenebo o Yeso, ooisinanio, neichirita.

¹¹ Kore pee ening ninche aajo keichu Yeso, netoduaa ꞉Maria Magdalena, neany eiruk inia.

Eipung'oka ꞉Yeso looiteng'eni oare

¹² Kore eicha inia, neitoki Yeso aipung'oki lkulie lenche oare, ta nkae pukunoto epuoito lchampai.

¹³ Nepuo sii ninche aaliki lolo kulikae, kake eitu abaki eiruk ꞉ninche.

Eipung'oka Yeso looiteng'eni lenyena tomon obo

¹⁴ Kore tesiedi, neipung'oki lolo tomon obo enyeita ndaa. Nekusakan tankaraki neitu eiruk, negol ltauja lenche. Amu kore lolo otoduaa ninye etipiwua, neitu eiruk ꞉ninche.

¹⁵ Nejoki ninche, <

¹⁶ Kore loiruk naa keipatisi, neitejeuni. Naa kore ilo lemeiruk, nedung'okini nkiguana torno.

¹⁷ Naa kuna nkitodolunot naaku tenebo o lolo laairuk nanu. Kore ta nkarna ai naa kearaa lairiruani meipung'o neiro too nkutukie ng'ejuko,

¹⁸ neibung lasuria taa nkaik naa kore tenemat sayiet nayecho, nemeata hoo neiko ninche. Keiteleki ꞉ninche ltamoyia nkaik neichiu.>>

Ewaki Yeso aailiepie chumata

¹⁹ Kore pee eidip Laitoriani Yeso airorie ninche, neyai aailiepie chumata. Newuon ta mbata e tetene e Nkai.

²⁰ Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.