1 Паралипоменоно 9 - Библия - Пэ Балтитко Романи чиб (Романэс) 2019

¹ Адя́кэ, сыс пиригиндлэ пир пэ́скирэ ро́ды сарэ́ Израильтя́ни, и, акэ, ёнэ сыс зачхиндлэ́ дрэ бэршы́тка архи́вы Израилёскирэ кралье́ндэ. Мануша́ Юдэя́тыр пал пэ́скиро чорипэ́н сыс пирилыджинэ тэ дживэ́н кэ Вавило́но.

² Англатунэ́ мануша́, савэ́ дживдэ́ пэ пэ́скирэ штэ́ты, пир Израилёскирэ фо́рья, сыс Израильтя́ни, рашая́, Леви́ты и Нефинеи, кон дживдя́ кэ Ерусалимо.

Кон дживдя́ кэ Ерусалимо

³ Кэ Ерусалимо дживдэ́ вари-савэ́ мануша́ Юда́скирэ чхавэ́ндыр и Вениамино́скирэ чхавэ́ндыр, и Ефремо́скирэ и Манасия́скирэ чхавэ́ндыр:

⁴ Уфаё, чхаво́ Амиудоскиро, чхаво́ Омрискиро, чхаво́ Имриёскиро, чхаво́ Ваниёскиро – чхавэ́ндыр Фаресоскирэндыр, Юда́скирэ-чхавэ́скирэ;

⁵ чхавэ́ндыр Шылоноскирэндыр – Асаия, англатуно́ бия́то и лэ́скирэ чхавэ́;

⁶ Чхавэ́ндыр Зараскирэндыр – Иеуило и лэ́нгирэ пша́ла, – шовшэла́ енядэша;

⁷ чхавэ́ндыр Вениаминоскирэндыр, Салу, чхаво́ Мешуламоскиро, чхаво́ Годавиёскиро, чхаво́ Гасенуёскиро;

⁸ и Ивния, чхаво́ Ерохамоскиро, и Эла, чхаво́ Узиёскиро, Михриёскирэ-чхавэ́скиро, и Мешуламо, чхаво́ Шэфатияскиро, Регуилоскирэ чхавэ́скиро, Ивнияскирэ чхавэ́скиро,

⁹ и лэ́нгирэ пша́ла, пир лэ́нгирэ ро́ды; еняшэла пандждэша́ шов, – сарэ́ адалэ́ мурша́ сыс родэнгирэ шэралэ́ дрэ пэ́скирэ стрэ́чы (поколении).

Рашая́ Ерусалимо́стыр

¹⁰ А рашандыр: Едаия, Иоиариво, Иахино,

¹¹ и Аза́рия, чхаво́ Хелкияскиро, чхаво́ Мешуламоскиро, чхаво́ Садокоскиро, чхаво́ Мераиофоскиро, чхаво́ Ахитувоскиро, саво́ сыс барыдырэ́са дро Дэвлэ́скиро Кхэр;

¹² и Адаия, чхаво́ Ерохамоскиро, чхаво́ Пашхуроскиро, чхаво́ Малхияскиро; и Маасаё, чхаво́ Адиелоскиро, чхаво́ Яхзероскиро, чхаво́ Мешуламоскиро, чхаво́ Имероскиро;

¹³ и лэ́нгирэ пша́ла, савэ́ сыс шэралэ́ пэ пэ́скирэ ро́ды: тысёнцо эфташэла́ шовдэша́ – мануша́ сама фэды́р дрэ буты́ сыр рашая́ дро Дэвлэ́скиро Кхэр.

Леви́ты Ерусалимо́стыр

¹⁴ А Левитэндыр: Шэмаия, чхаво́ Хашувоскиро, чхаво́ Азрикамоскиро, чхаво́ Хашавияскиро, – Мерарискирэ чавэндыр;

¹⁵ и Вакбакаро, Хере́шо, Галало, и Матфания, чхаво́ Михаскиро чхаво́ Зихриёскиро, чхаво́ Асафоскиро;

¹⁶ и Овадия, чхаво́ Шемаияскиро, чхаво́ Галалоскиро, чхаво́ Идифуноскиро, и Берехия, чхаво́ Аса́скиро, чхаво́ Елканоскиро, саво́ дживдя́ дрэ гава́ Нетофафоскирэ.

Ракхибна́рья пэ По́рта

¹⁷ Портэнгирэ ракхибна́рья (привратники): Шалумо, Акубо, Талмоно и Ахимано, и лэ́нгирэ пша́ла; Шалумо сыс шэрало́.

¹⁸ И кэ далэ́ дывэса́ далэ́ ракхибна́рья исын пашы́л кральенгири по́рта, кэ васто́ко, рикирэ́на стрэ́га ваш Левиёскирэ чхавэ́нгэ.

¹⁹ Шалумо, чхаво́ Корескиро, чхаво́ Евиасафоскиро, чхаво́ Кореёскиро, и лэ́скирэ пша́ла лэ́скирэ родо́стыр, Кореяни, пир пэ́скиро бутярно рэ́ндо, сыс ракхибна́рья пашы́л скиниякирэ проги, а лэ́нгирэ дада́ ракхнэ загиибэ́н дро Ра́скирэ-Дэвлэ́скиро ста́но (лод).

²⁰ Финее́со, чхаво́ Елизароскиро, сыс англэды́р (вагэдыр) барыдыро́ пэ лэ́ндэ, и Рай Дэвэ́л сыс лэ́са.

²¹ Заха́рия, чхаво́ Мешэлемияскиро, сыс портэнгиро ракхибнари пашы́л вудара́ дрэ скэдыибна́скири ски́ния.

²² Сарэ́н лэн, выкэдынэн дрэ ракхибнарье́ндэ пашэ́ по́рта кэ проги, сыс дуйшэла́ дэшуду́й. Лэн зачхиндлэ́ дрэ родоскирэ списки пир лэ́нгирэ гава́. Лэн чхудя́ Дави́до и Самуи́ло – ясновидцо (магико) пал лэ́нгиро чачипэ́н.

²³ И ёнэ, и лэ́нгирэ чхавэ́ сыс пэ ракхибэн пашы́л Ра́скирэ-Дэвлэ́скирэ-Кхэрэ́скири по́рта, пашы́л скиниякиро кхэр.

²⁴ Пэ штар рига́ сыс портэнгирэ ракхибна́рья: пэ васточно, за́падно (пэ пал-панякири риг), паш-дывэсы́тко (южно).

²⁵ Пша́ла лэ́нгирэ дживдэ́ дрэ пэ́скирэ гава́, ёнэ явэ́нас кэ пша́ла часостыр кэ часо пэ эфта́ (битринэ́нгиро дэш) дывэса́.

²⁶ Адалэ́ штар барыдыра́ пэ портэнгирэ ракхибнарьендэ, Леви́ты, сыс дрэ паты́в; ёнэ сыс чхудэ́ тэ ракхэ́н кхэра́ и пираля́ Дэвлэ́скирэ Кхэрэскир.

²⁷ Трусця́л (кругом) Дэвлэ́скиро Кхэр ёнэ и ратькирдэ, пал-дова́ со пэ лэ́ндэ сыс отпхэныбэ́н тэ ракхэ́н, и лэ́нгэ сыс трэй кажно зло́ко тэ отчхакирэн вудара́.

Левитэ́нгирэ Яви́р бутя́

²⁸ Вари-савэ́ лэ́ндыр сыс чхудэ́ кэ кхорэ́ (сасу́ды) ваш свэ́нто буты́, адя́кэ со гиныбнаса ёнэ прилэнас кхорэ́ и гиныбнаса ёнэ выдэнас.

²⁹ Явирэнгэ лэ́ндыр сыс допатяндлэ яви́р кхангирья́кирэ чарэ́ и сарэ́ свэ́нта хабэна: фэды́р яржо́, и мол, и еле́ё, и ладано, и ароматытка чарья́.

³⁰ А вари-савэ́ раша́нгирэ чхавэ́ндыр счхувэнас миро ароматытконэ чарье́ндыр.

³¹ Матафия Левитэндыр, – ёв сыс англатуно́ Селумоскирэ-Кореяниноскиро, лэ́скэ сыс допатяндло тэ пэкэл пэ скорове́ды (хича),

³² Вари-савэ́нгэ лэ́нгирэ пшалэ́ндыр, Каафоскирэ чхавэ́ндыр, сыс допатяндло тэ скэдэ́н (тэ приготовинэн) свэ́нта марэ́, соб (кай) тэ янэс лэн кажно са́вато (субо́та).

³³ Мануша́, савэ́ баганас, сыс шэралэ́ пэ Левитэ́нгирэ стрэ́чы (поколе́нии), дрэ кхангирья́кирэ шту́бы, и сыс вольна (псирэ) залыибнастыр, пал-дова́ со дывэ́с и рат ёнэ сыс бангэ́ тэ залэнпэ пэ́скирэ багаибнаса.

³⁴ Адалэ́ сыс шэралэ́ пэ Левитэ́нгирэ стрэ́чы, шэралэ́ дрэ пэ́скирэ ро́ды. Ёнэ дживдэ́ кэ Ерусалимо.

³⁵ Кэ Гавао́но дживдэ́: дад Гаваонитянэнгиро Иеило – лав лэ́скирэ-ромнякиро сыс Мааха, –

³⁶ и чхаво́ лэ́скиро, англатуно́ Авдоно, пал лэ́стэ Цуро, Кисо, Ваало, Не́ро, Надаво,

³⁷ Гедоро, Ахио, Заха́рия и Миклофо.

³⁸ Миклофостыр бия́ндыя Шымеамо. И ёнэ дживдэ́ пашы́л пэскирэндэ пшалэ́ндэ кэ Ерусалимо, кхэтанэ́ пэ́скирэ пшалэ́нца.

³⁹ Неростыр бия́ндыя Кисо, Кисостыр бия́ндыя Са́уло, Саулостыр бия́ндыя Ионафа́но, Мелхисуё, Авинадаво и Ешбаало.

⁴⁰ Чхаво́ Ионафаноскиро сыс Мерибаало; Мерибаалостыр бия́ндыя Миха.

⁴¹ Чхавэ́ Михаскирэ сыс: Пифоно, Меле́хо, Фаре́ё и Аха́зо.

⁴² Ахазостыр бия́ндыя Иае́ро; Иаеростыр бия́ндыя Алеме́фо, Азмаве́фо и Замврия; Замвриястыр бия́ндыя Моца;

⁴³ Моцастыр бия́ндыя Бине́ё: Рефаия, лэ́скиро чхаво́; Елеаса, чхаво́ лэ́скиро; Ацэло, чхаво́ лэ́скиро.

⁴⁴ Ацэлостыр сыс шов чхавэ́, и ґа́да, лэ́нгирэ лава́ сыс: Азрикамо, Бохру, Исмаило, Шэария, Овадия и Ханано. Адалэ́ сыс чхавэ́ Ацэлоскирэ.