1 Паралипоменоно 25 - Библия - Пэ Балтитко Романи чиб (Романэс) 2019

Башаибнаскиро (Фрагарья)

¹ И отчхудя дрэ риг (росчхудя́) Дави́до и барыдыра́ халадэ́нгирэ пэ дынарибэ́н (служыныбэн) чхавэ́н Асафоскирэн, Еманоскирэн и Идифуноскирэн, соб (кай) ёнэ тэ ангилпхэнэн (тэ пророчынэн) пэ луты, арфы и цымбалы; и сыс отмэкнэ ёнэ пэ пэ́скиро рэ́ндо тэ дынаринэ́н:

² чхавэ́ндыр Асафоскирэндыр: Закуро, Иосифо (Ёза), Нефания и Ашарэла, чхавэ́ Асафоскирэ, савэ́ сыс тэл васт Асафоскиро, саво́ башадя пир крали́скиро упхэныбэ́н.

³ Идифуностыр чхавэ́ Идифуноскирэ: Гедалия, Цэри, Исаё, Семе́ё, Хашавия и Матафия, шовджинэ, тэл васт пэ́скирэ-дадэ́скиро Идифуноскиро, саво́ башадя пэ лута ваш сла́ва и ваш шарибэ́н Ра́скэ-Дэвлэ́скэ.

⁴ Еманостыр чхавэ́ Еманоскирэ: Букия, Матфания, Озиило, Шэвуило и Иеримофо, Ханания, Ханани, Елиафа, Гидалти, Ромамти-Езе́ро, Иошбекаша, Малофи, Гофиро и Махазиофо.

⁵ Сарэ́ адалэ́ сыс чхавэ́ Еманоскирэ, магикоскирэ крали́скирэ, пир лава́ Дэвлэ́скирэ, соб (кай) тэ барьякирэ́н сла́ва Лэ́скири. И дыя́ Дэвэ́л Еманоскэ дэшуштар чхавэ́н и тринэн чхае́н.

⁶ Сарэ́ ёнэ тэл васт пэ́скирэ дадэ́скиро багандлэ дро Ра́скирэ-Дэвлэ́скиро Кхэр цымбалэнца, арфэнца и лутэнца дро дынарибэ́н дрэ Ра́скирэ-Дэвлэ́скиро Кхэр, пир упхэныбэ́н крали́скиро, ци Асафоскиро, ци Идифуноскиро и ци Еманоскиро.

⁷ И сыс лэн гиныбнаса лэ́нгирэ пшалэ́нца, савэ́ сыс высыклякирдэ тэ бага́н анги́л Растэ-Дэвлэ́стэ, сарэ́н, савэ́ джиндлэ́ дава́ рэ́ндо, дуйшэла́ охтодэша́ охто́ (бидуе́нгиро дэш).

⁸ И чхурдынэ́ ёнэ жре́биё пал стэчка (рядо) служыныбнаскири (дынарибнаскири), тыкно́ ровнэс кхэтанэ́ барэса, сыклякирибнарья кхэтанэ́ сыкляибнытконэ́нца.

⁹ И выгия́ пэ́рво жре́биё Асафоскэ, ваш Ёза́скэ (Иосифоскэ); яви́р Гедалияскэ лэ́скирэ пшалэ́нца и лэ́скирэ чхавэ́нца; лэн сыс дэшуду́й;

¹⁰ три́то Закуроскэ лэ́скирэ чхавэ́нца; и лэ́скирэ пшалэ́нца, лэн-дэшуду́й;

¹¹ шта́рто Ицриёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹² па́нджто Нафанияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹³ шо́вто Букияскэ лэ́скирэ чхавэ́нца и лэ́скирэ пшалэ́нца: лэн-дэшуду́й;

¹⁴ эфта́то (битринэ́нгиро дэ́што) Иесарелёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹⁵ охто́то Исаёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹⁶ еня́то Матфанияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹⁷ дэ́што Шымеёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹⁸ дэшуе́кхто Азариилоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

¹⁹ дэшуявир Хашавияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁰ дэшутрито Шуваилоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²¹ дэшуштарто Матафияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²² дэшупанджто Еримофоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²³ дэшушовто Хананияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁴ дэшуэфтато Иошбекашоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁵ дэшуохтото Хананискэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁶ дэшуенято Малофиёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁷ бишэнгиро Елиафоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁸ биш тэ пэ́рво Гофироскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

²⁹ биш тэ яви́р Гидалтиёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

³⁰ биш тэ три́то Махазиофоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;

³¹ биш тэ шта́рто Ромамти-Езэроскэ лэ́скирэ чхавэ́нца и лэ́скирэ пшалэ́нца; лэн-дэшуду́й.