Josué 22 - Tayta Diospa Wilakuynin

Rubén, Gad y pulan Manasés trïbu runakuna posisionninkunaman kutiyashqan

¹ Saypitanami Josuéqa Rubén trïbu, Gad trïbu y pulan Manasés trïbu runakunata qayaykur

² nirqan: <

³ Kananyaqmi Israel mayinsikunata mana kachaypa yanapäyashkanki. Tayta Diosninsipa mandamientunkunata lapantami cumpliyashkanki.

⁴ Saymi kananqa Tayta Diosninsi promitimashqansinöla Israel mayinsikunata jamayman yaykasishna. Sayno kaykaptinqa Jordán mayuta simpar Tayta Diospa sirviqnin Moisés qoyäshushqayki posisionnikikunaman kutikuyay.

⁵ Isanqa yäsimashqansinöla lapan yachasimashqansi leykunata mana qonqaypa cumpliyanki. Tayta Diosninsita kuyayashpayki pay munashqannöla lapayki kawayanki. Saynöpis nishqankunata cumpliyashpayki lapan shonquykikunawan y lapan voluntänikikunawan payta sirviyanki>>.

⁶ Sayno yäsirkurmi ali kawayänanpaq bendicionta Josué qorqan. Nirkurmi cada ünun wayinkunaman kutikuyänanpaq nirqan.

⁷ Jordán mayuta Israel runakuna manaraq päsayashqan wisanmi Basán partita pulan Manasés trïbu runakunata Moisés aypurqan posisionninkuna kananpaq. Wakin kaq Manasés trïbu runakunatanami posisionninkunata Josué aypurqan Jordán mayuta simpaykur. Say simpachömi wakin Israel runakunapis posisionta chaskiyarqan. Basán partiman kutikuyänanpaq pulan Manasés trïbu runakunata bendisiskirmi Josué

⁸ nirqan: <>.

⁹ Sayno niptinmi Rubén trïbu, Gad trïbu y pulan Manasés trïbu runakuna Israel mayinkunawan Silucho kaykäyashqanpita Galaadman kutikuyarqan. Moisésta Tayta Dios nishqannölami paykunapa posisionninkuna Galaadcho karqan.

Jordán mayu kuchuncho altarta rurayashqan

¹⁰ Rubén trïbu, Gad trïbu y pulan Manasés trïbu runakuna kutiykäyashqanchömi Jordán mayu kuchunman chaykur Canaán partipita manaraq simpar jatunkaray altarta perqayarqan.

¹¹ Say altarta perqayashqanta wakin kaq Israel runakuna musyaykurmi

¹² yarpäyarqan Tayta Diospa contran sharkuyashqanta. Saymi Siluman shuntakäyarqan altarta perqaq runakunawan pelyaq aywayänanpaq.

¹³ Manaraq pelyaq aywarmi cüra Eleazarpa surin Fineesta Galaadman kachayarqan Rubén trïbu, Gad trïbu y pulan Manasés trïbu runakunawan parlayänanpaq.

¹⁴ Fineeswanmi aywayarqan Israel runakunapa chunka mandaqninkunapis. Paykunaqa cada trïbupa mandaqninkunami kayarqan.

¹⁵ Galaadman chaykurmi Rubén trïbu runakunata, Gad trïbu runakunata y pulan Manasés trïbu runakunata niyarqan:

¹⁶ <

¹⁷ ¿Manaku yarpäyanki jusalikuqkunata Peorcho Tayta Dios ushakäsishqanta? Jusalikuyashqanpita manami kananyaqpis shumaqlaqa purificashqaraqsu kaykansi.

¹⁸ ¿Imanirtaq qamkunapis Tayta Diospa contran sharkur say altarta rurayashkanki? Sayno rurayashqaykipita Tayta Dios fiyupa rabyakur lapansitachir castigamäshun.

¹⁹ <<

²⁰ Yarpäyay Zerapa surin Acán rupasinanpaq kaqkunata pakar jusalikushqanta. Sayno rurashqanpitami Tayta Diosqa lapansiwan fiyupa rabyakurqan. Manami Acán japalansu jusalikushqanpita wanurqan, sinöqa wakin Israel mayinsikunapis wanuyarqanmi> >>.

²¹ Sayno niyaptinmi Rubén trïbu, Gad trïbu y pulan Manasés trïbu runakunaqa Israel mayinkuna kachayashqan mandaqkunata niyarqan:

²² <<¡Tayta Dioslami Dios kaykan! ¡Paypita masqa manami Dios kansu! Paypa contran mana sharkuyashqäta Tayta Dios musyanmi. Juk diosta adorayta yarpar say altarta rurash kayaptïqa mana kuyapaypa wanusiyämay.

²³ Tayta Diospa contran sharkur rupasina sacrificiuta, saki mikuy ofrendakunata o jawka kawakuy sacrificiuta rupasiyänäpaq say altarta rurash kayaptïqa kikin Tayta Dios juzgayämäsun.

²⁴ <

²⁵ Noqakuna adorayashqä Tayta Diosmi Jordán mayuta churash rakirämänansipaq. Saymi qamkunaqa, Rubén trïbu y Gad trïbu runakuna kar, noqakuna adorayashqä Tayta Diosta adorayankimansu>. Sayno nir michäyaptinqa Tayta Diosta manami surïkuna adorayanqanasu.

²⁶ <

²⁷ sinöqa noqakunapita miraqkuna Tayta Diosta imaypis mana qonqaypa adorayänanpaqmi. Saynöpami noqakunapita miraqkuna rupasina sacrificiuta, jawka kawakuy sacrificiuta y wakin sacrificiukunatapis Sagrädu Tolduman Tayta Diospaq rupasiq aywayaptin qamkunapita miraqkuna michäyanqasu.

²⁸ Pipis sayno michaptinqa kaynömi niyanqa: . Pipis michaptin saynömi niyanqa.

²⁹ Noqakuna manami yarpäyäsu juk altarta rurarpis Tayta Diospa contran sharkuyta. Tayta Diosninsipa altarnin Sagrädu Toldun nawpancho kaykaptinqa ¿imapaqnataq rupasina sacrificiuta, saki mikuy ofrendata y wakin sacrificiuta rupasiyänäpaq juklächo altarta rurayäman?>>

³⁰ Sayno niyaptinmi cüra Finees y Israel runakunapa mandaqninkunapis tantiyakuyarqan paykuna alita rurayashqanta.

³¹ Saymi cüra Eleazarpa surin Finees nirqan: <>.

³² Saypitanami Finees y paywan aywaq runakuna Galaadpita Canaánman kutikuyarqan. Wakin Israel runakuna kaykäyashqanman chaykurmi wilayarqan Rubén trïbu runakuna y Gad trïbu runakuna imata niyashqantapis.

³³ Sayno wilayaptinmi kushikuyashpan Tayta Diosta alabayarqan. Say junaqpita pasa mananami wilanakuyarqannasu Rubén trïbu runakunata y Gad trïbu runakunata ushakäsiq aywayänanpaq.

³⁴ Rubén trïbu y Gad trïbu runakunaqa say altarta jutisiyarqan Yarpäsikuq jutin kananpaqmi. Sayno jutisirmi niyarqan: <>.