Josué 10 - Tayta Diospa Wilakuynin

Amorreo runakunata ushakäsiyashqan

¹ Jerusalén markapa mandaqnin rey Adonisedecmi mayarqan Jericó markata y mandaqnin reyta ushakäsishqannöla Hai markata y mandaqnin reytapis Josué ushakäsishqanta. Saynöpis mayarqan Gabaón runakunawan ali kawayänanpaq Israel runakuna pactu rurayashqanta.

² Gabaón markaqa Hai markapitapis mas jatun karmi rey tashqan markano karqan. Saycho taq runakunapis pelyayta yachaqmi kayarqan. Saymi Israel runakuna atacayaptin Gabaón runakuna yanapäyänanpaq kashqanta yarpar Adonisedec y Jerusaléncho taq runakunapis pasaypa mansariyarqan.

³ Saymi Jerusalén markapa mandaqnin rey Adonisedec propiuta kacharqan Hebrónpa mandaqnin rey Hohamman, Jarmutpa mandaqnin rey Pireamman, Laquispa mandaqnin rey Jafíaman y Eglónpa mandaqnin rey Debirman. Chaykurmi kacha aywaq runakuna niyarqan:

⁴ <>.

⁵ Sayno niptinmi Jerusalén markapa, Hebrón markapa, Jarmut markapa, Laquis markapa y Eglón markapa pisqan mandaqninkuna soldädunkunawan shuntakar aywayarqan Gabaón markata ushakäsiyänanpaq. Say reykunaqa amorreo runakunapa mandaqnin reykunami kayarqan.

⁶ Sayta musyaykurmi Gabaón markacho taq runakunapis propiuta Gilgalman kachayarqan Josuéta ruwakur niyänanpaq: <>.

⁷ Sayno niyaptinmi Gilgalpita jukla Josué aywarqan lapan geniu soldädunkunata pushakurkur.

⁸ Aywaykäyaptinmi Josuéta Tayta Dios nirqan: <>.

⁹ Tayta Dios sayno niptinmi Gilgalpita warati aywaykur elaqpita amorreo runakunata Israel runakuna atacayarqan.

¹⁰ Sayno atacayaptinmi amorreo runakunapa shonqunkunaman pasaypa mansariyta Tayta Dios churarqan. Saynöpami Israel runakuna saysika runakunata Gabaóncho wanusiyarqan. Wakintanami qeshpiykäyaqta qatipaykur Bet-horónpa aywaq nänicho wanusiyarqan. Bet-horónpitanami wakintapis Azecayaq y Macedayaq wanusiyarqan.

¹¹ Amorreo runakuna Bet-horónpita uraypa Azecayaq qeshpiykäyaptinmi rumi sikasaq runtu tamyata Tayta Dios tamyasimurqan. Say tamyawanmi Israel runakuna espädawan wanusiyashqanpitapis mas askaq wanuyarqan.

¹² Amorreo runakunata ushakäsiyänanpaq Tayta Dios yanapashqan junaqmi lapan Israel runakunapa nawpancho Tayta Diosta manakur Josué nirqan: <>.

¹³ Josué Sayno manakuptinmi intipis killapis kuyukuyarqansu contrankunata Israel runakuna wanusir ushayashqanyaq. Jaser libruchöpis sayno päsashqanmi qelqaraykan. Pulan ciëluchömi cäsi juk junaq inti takyaräkurqan.

¹⁴ Say junaq intita takyasishqannöqa manami pï runa manakuptinpis Tayta Dios takyasishsu. Say junaqmi Israel runakunata Tayta Dios yanaparqan contrankunata ushakäsiyänanpaq.

¹⁵ Saypitanami Josuéwan Israel runakuna kutiyarqan Gilgalcho campamentunman.

Pisqan reykunata Josué wanusishqan

¹⁶ Amorreo runakunapa pisqa mandaqnin reykunami qeshpir Macedacho kaykaq machayman pakakuykuyarqan.

¹⁷ Machaycho pakaraykäyashqanta wilayaptinmi

¹⁸ Josué nirqan: <

¹⁹ Mana täpaq kaqkunaqa contransi runakunata qatipaykur wanusiyay. Tayta Diosninsi makinsiman churaykämuptinqa markankunaman mana kutiyänanpaq lapanta wanusir ushayay>>.

²⁰ Saymi amorreo runakunata Josuéwan Israel runakuna vinciyashpan askata wanusiyarqan. Juk ishkaylanami qeshpir corralash markankunaman amparakuyarqan.

²¹ Sayyaqmi Josué shuyararqan Macedacho kaykaq campamentucho. Lapanta wanuykasirnami Israel runakuna yamayla kutiyarqan Josué kaqman. Saypitaqa mananami pipis Israel runakunapa contran parlarqansu.

²² Lapan chaykuyaptinmi Josué nirqan: <>.

²³ Sayno niptinmi machaypita jipiyämurqan Jerusalén markapa, Hebrón markapa, Jarmut markapa, Laquis markapa y Eglón markapa mandaqnin reykunata.

²⁴ Chaykasiyaptinnami Israel runakunata qayaykasir mandaq soldädukunata Josué nirqan: <>. Saymi nishqannöla rurayarqan.

²⁵ Nirkurmi Josué nirqan: <>.

²⁶ Saypitanami Josuéqa say reykunata wanuykasir ayanta tardiyaq qerucho warkuräsirqan.

²⁷ Inti jeqaykaptinnami qerukunacho warkuraykaqta jorqaskasir pakakuyashqan machaylaman jitaykasirqan. Nirkurmi jatunkaray rumikunawan punkuta sapaykasirqan. Sayqa kananyaqpis kaykanmi.

Wakin markakunata Israel runakuna ushakäsiyashqan

²⁸ Maceda markacho taq runakunata y mandaqnin reytapis say junaqlami soldädunkunawan aywar espädawan Josué wanusir ushayarqan. Jericócho taq runakunata y mandaqnin reyta wanusiyashqannömi saycho taq runakunatapis lapanta wanusir ushayarqan.

²⁹ Saypitanami Israel runakunawan Josué aywaykur Libna markata atacayarqan.

³⁰ Saychöpis vinciyänanpaq Tayta Dios yanapaptinmi saycho taq runakunata y mandaqnin reyta asulayarqan. Jericócho taq runakunata y mandaqnin reyta wanusiyashqannömi saycho taqkunatapis wanusir ushayarqan.

³¹ Libnapitanami Israel runakunawan Josué Laquis markaman aywarqan. Nirkurmi cercancho campamentunkunata ruraykur atacaq yaykuyarqan.

³² Atacayashqanpita juk junaqtami Laquis markacho taq runakunata y mandaqnin reytapis Israel runakunapa makinkunaman Tayta Dios churarqan. Saymi saycho kaqtaqa Libnacho rurayashqannöla lapan runakunatapis uywakunatapis Israel runakuna wanusiyarqan.

³³ Atacaykäyashqanta musyaykurmi Gezer markapa mandaqnin rey Horam soldädunkunawan aywayarqan Laquischo taqkunata yanapäyänanpaq. Jina kaqtami Josuépa soldädunkunaqa lapanta wanusiyarqan.

³⁴ Laquis markapitanami Josuéqa Israel runakunawan Eglón markaman aywayarqan. Cercancho campamentunkunata ruraykurmi paykunatapis atacayarqan.

³⁵ Laquischo runakunatawan uywakunata wanusir ushayashqannölami saychöpis say junaqla lapanta espädawan wanusir ushayarqan.

³⁶ Eglón markapitanami Israel runakunawan Josué aywar Hebrón markata atacayarqan.

³⁷ Say markachöpis Eglón markacho ushayashqannölami lapanta espädawan wanusir ushayarqan. Saymi reyta, markacho taq runakunata y caseriunkunacho taq runakunatapis wanusiyaptin pipis karqannasu.

³⁸ Saypita aywarnami Debir markatana Israel runakunawan Josué atacayarqan.

³⁹ Saychöpis Hebróncho y Libnacho wanusir ushayashqannölami Debir markapa mandaqnin reyta, saycho taq runakunata y caseriunkunacho taq runakunatapis lapanta espädawan wanusir ushayarqan.

⁴⁰ Yärakuyashqan Tayta Dios nishqannölami Israel runakunawan Josué wanusir ushayarqan jalqakunacho taq runakunata y mandaqnin reykunata, Neguevcho taq runakunata y mandaqnin reykunata, Sefelacho taq runakunata y mandaqnin reykunata y Jordán mayu pampakunaman aywaq bajädacho taq runakunata y mandaqnin reykunatapis. Saymi paykuna täyashqanqa lapanpis Israel runakunapaqna karqan.

⁴¹ Say runakunatami wanusir ushayarqan Cades-barneapita Gazayaq y Gosénpita Gabaónyaq.

⁴² Israel runakuna yärakuyashqan Tayta Dios yanapaptinmi campamentuman mana kutiylapa lapan say runakunata ushakäsiyarqan.

⁴³ Saypitanami Gilgalcho kaykaq campamentuman Israel runakunawan Josué kutikuyarqan.