Éxodo 15 - Tayta Diospa Wilakuynin

Salvashqanpita Israel runakuna Tayta Diosta alabayashqan

¹ Sayno salvaykuptinmi Moiséswan lapan Israel runakuna Tayta Diosta kayno alabayarqan: Tayta Diostami alabashaq. Paymi Egipto runakunata, cawallunkunata y loqaraqkunatapis lamarcho ushakärasish. Sayta musyarmi pïmaypis tantiyakuyanqa munayyuq kashqanta.

² Tayta Diosmi imaypis valorta qoman. Paytami imaypis alabä. Diosnï kaptinmi payta alabashaq. Paymi awilükunapa Diosnin. Imaypis paylatami adorashaq.

³ Tayta Diosqa munayyuq soldädumi. Jutinpis Yahwehmi kaykan.

⁴ Tayta Diosmi carrëtantinta Faraónpa soldädunkunata lamar rurinman talpukäsish. Ali chölunnin capitankunatapis Puka Lamarchömi shenqasiypa wanusish.

⁵ Yanawyaykaq lamarmi ultakurkush. Ruminömi ruriyaq talpukäyash.

⁶ Tayta Dios, munayyuq karmi aluq kaq makikiwan chikimaqnïkunata elaqäsishkanki.

⁷ Lapanpaq munayyuq kashpaykimi contraykikunata ushakäsishkanki. Fiyupa rabyakuptikimi saki oqsha rupaqnöpis paykuna ushakäyash.

⁸ Rabyash pükariptikimi ishkayman yaku rakikash. Yakupa pulchaqyayninpis tapianöraqmi ichirarqan. Lamar rurin yakupis sururunömi ritikäkush.

⁹ Conträ runakunami niyarqan: <>.

¹⁰ Jina kaqta pükariptikimi lamar ultakurkush. Bunyaypa bunyaykaq yaku rurinmanmi plömunöraq talpukäyash.

¹¹ Tayta Dios, ima diospis manami qamno kansu. Qamnöqa manami pipis santu kansu. Espantaypaq kaqkunatami rurashkanki.

¹² Podernikiwan castigaptikimi Egipto runakunata pasa ultakurkush.

¹³ Salvashqayki runakunatami isanqa kuyapaylapa pushaykanki. Tashqayki sagrädu wayikimanmi munaynikiwan pushaykanki.

¹⁴ Sayta wiyarmi maysay nacioncho taq runakuna mansarir suksukyäyanqa. Filisteo runakunapis mansariylawanmi pasaypa almatäyanqa.

¹⁵ Edomcho taq capitankunapis mansariywanmi kalpaynaq rikakuyanqa. Moabcho taq mandaqkunapis mansariywanmi suksukyäyanqa. Canaáncho taq runakunapis manami ima ruraytapis kamäpakuyanqasu.

¹⁶ Paykuna pasaypa mansariyäsun. Imatapis rurayta mana kamäpakur chiyakash rikakäkuyäsun. Sayno kaykuyäläsun salvashqayki runakuna päsayashqanyaq.

¹⁷ Tayta Dios, tänaykipaq akrashqayki jirkaman pushakayälämay. Saycho tänaykipaq kikikimi kamarishkanki.

¹⁸ Tayta Diosmi imayyaqpis rey kaykan.

María cantashqan

¹⁹ Carrëtankunawan cawallunkunawan lamar chawpinpa Faraón aywaykäyämuptinmi lamar yakuta kashqanman kutisir Tayta Dios lapanta saparkurqan. Israel runakunami isanqa sakilapana päsayarqan.

²⁰ Saypitanami Aarónpa panin profetïsa María panderëtata tukar qalaykurqan. Saymi lapan warmikunapis panderëtankunata tukar kushikuyashpan paywan juntu danzaraykar aywayarqan.

²¹ Saychömi María cantarqan: <>.

Maracho iwjiq yaku kashqan

²² Saypitanami Israel runakunata Moisés pusharqan Puka Lamarpita Shur nishqan sunyaq jirkapa. Kimsa junaq aywarpis yakuta manami tariyarqansu.

²³ Mara partiman chaykur yakuta tarirpis iwjiptinmi upuyarqansu. Yaku iwjishqanpitami say partita jutisirqan Mara jutin kananpaq.

²⁴ Saymi runakuna rabyanäyashpan Moiséspa contran sharkur niyarqan: <>

²⁵ Saymi Tayta Diosta Moisés manakurqan yanapänanpaq. Manakuptinmi Tayta Dios jachata rikasirqan. Say jachapa rämanta yakuman winarpuptinmi iwjirqannasu. Israel runakunata sayno pruëbaman churarkurmi leykunata y estatütukunata tantiyasishpan

²⁶ Tayta Dios nirqan: <>.

²⁷ Saypita aywakurnami Israel runakuna Elim partiman chäyarqan. Saychömi chunka ishkay pukyukuna y qanchis chunka (70) palmërakuna karqan. Say pukyukuna lädunchömi toldunkunata ichisir posädakuyarqan.