Ester 8 - Tayta Diospa Wilakuynin

Israel runakuna defiendikuyänanpaq ordinta apasishqan

¹ Israel runakunapa contran Amánta wanusishqan junaqmi rey Asuero Esterta qoykurqan Amánpa wayinkunata, chakrankunata, uywankunata y imaykankunatapis. Mardoqueo prïmun kashqanta Ester wilaptinmi rey Asuero Mardoqueuta qayasirqan.

² Chaptinmi Amánpita shuntashqan sëllakunan sortïjata jatiparqan. Saynölami Amánpa imaykankunatapis chaskishqanta Esterqa Mardoqueupa makinman churarqan.

³ Nirkurnami Esterqa rey Asuero kaqman yapay ruwakuq aywarqan. Chaki puntanman qonqurpakuykushpanmi waqar ruwakurqan Agagpa ayllun Amán ordenashqanno Israel runakunata mana wanusiyänanpaq.

⁴ Sayno ruwakuptinmi rey Asuero qori väranwan pay kaqpa toqrirqan. Saymi sharkurkur Ester nirqan:

⁵ <

⁶ Órden nishqanno Israel mayïkunata wanusiyaptinqa pasaypami lakikushaq>>.

⁷ Saymi Estertawan Mardoqueuta rey Asuero nirqan: <

⁸ Kananqa yarpäyashqaykino noqapa jutïcho juk ordinta qelqayay Israel runakunapa favornin kananpaq. Say ordinta sëllüwan sëllayay. Sëllüwan sëllaraqtaqa manami pipis anulanqasu>>.

⁹ Rey Asuero sayno nirmi secretariunkunata jukla qayasirqan. Say junaq karqan kimsa killacho ishkay chunka kimsa (23) junaqmi. Kimsa kaq killapa jutinmi karqan Siván. Secretariunkuna chämuptinmi Mardoqueo say ordinta qelqasirqan Israel runakunapaq, reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Saynöpami say órden karqan rey Asuero mandashqan pachak ishkay chunka qanchis (127) provinciakunacho taq autoridäkunapaq. Say provinciakuna kayarqan India nacionpita qalaykur Etiopía nacionyaqmi. Pïmaypis tantiyananpaqmi ordinta qelqayarqan rey mandashqan lapan provinciakunacho taq runakuna parlayashqan idiömakunacho y imanöpis qelqayashqan estïluncho. Saynölami qelqayarqan Israel runakuna parlayashqan idiömacho y qelqayashqan estïluncho.

¹⁰ Nirkurnami say ordinman rey Asuerupa jutinta qelqarkur sëllunwan sëllayarqan. Saypitanami kachakuna apayarqan reypa alinnin cawallunkunata loqakurkur.

¹¹ Say ordinchömi qelqararqan Israel runakuna maysaychöpis shuntakaykur atacaqninkunata wanusiyänanpaq y wanuykasir imankunatapis apakuyänanpaq. Atacaqninkuna may markapita y may provinciapita kayaptinpis warmintinta wamrantinta lapanta wanusiyänanpaqmi say órden karqan.

¹² Rey Asuero mandashqan lapan provinciakunachömi fëchata jitaparqan chunka ishkay kaq killa chunka kimsa kaq junaqcho wanusiyänanpaq. Say killapa jutinmi karqan Adar.

¹³ Saynöpis say ordincho qelqararqan maysay markachöpis y provinciachöpis Israel runakuna puestukuykur atacaqninkunata say junaq wanusiyänanpaqmi.

¹⁴ Rey mandaptinmi ordinta apaqkuna alinnin cawallukunata loqakurkur jukla aywayarqan. Saynölami Susa markachöpis musyasiyarqan say ordincho imata nishqantapis.

¹⁵ Mardoqueuqa palaciupita yarqamurqan azulwan yuraq sotänan jatish, qori corönan jatish y granäti lïnu cäpan jatishqami. Rikaykurmi Susacho taq runakuna lapanpis kushikushpan büllata rurayarqan.

¹⁶ Israel runakunapis kushikuyarqan salvashna kayashqanta musyarmi. Saypitaqa pïmaypis Israel runakunata respitayarqanmi.

¹⁷ Maysay provinciakunamanpis y markakunamanpis qelqashqan órden chaptinmi Israel runakuna maysaychöpis kushikuyashpan fiestata rurar mikuytapis rurayarqan. Wakin runakunapis wanusiyänanta mansariyashpanmi Israel runa kayman yaykuyarqan.