Ester 1 - Tayta Diospa Wilakuynin

Mikuyta rey Asuero rurasishqan

¹ Juk reymi karqan Asuero jutiyuq. Paymi India nacionpita qalaykur Etiopía nacionyaq pachak ishkay chunka qanchis (127) provinciakunapa mandaqnin karqan.

² Rey Asueruqa Susa markapitami lapan say provinciakunata mandarqan.

³ Kimsa wata mandaq kaykarmi fiestata rey Asuero rurarqan lapan mandäsiqninkunapaq, Persiacho y Mediacho soldädukunapa capitanninkunapaq y provinciakunapa autoridäninkunapaq.

⁴ Say fiestata soqta killantin rurasirqan seqaypa rïcu y munayyuq kashqanta runakuna musyayänanpaqmi.

⁵ Fiesta rurayta ushaskirnami Susa markacho taq runakunatana rey Asuero qayasirqan palaciunpa patiuncho qanchis junaq fiestata rurar mikuyänanpaq. Saymi rïcupis pobripis sayman aywayarqan.

⁶ Palaciupa patiunchömi juk ramädata yuraq y azul fïnu toldukunawan qatayarqan. Lïnupita rurash granäti cordonkunawanmi say toldukuna wataräyarqan qellaypita rurash arguëllakunaman. Say arguëllakunami marmolpita rurash columnakunacho laqaräyarqan. Saynölami qoripita y qellaypita rurash kuyaylapaq bancakunapis saycho karqan. Say patiupa pïsunmi adornararqan kuyaylapaq läja rumikunawan, pórfido rumikunawan y yuraq y yana marmolkunawan.

⁷ Rey Asueruqa vïnupis jinay jinay kaptinmi qoripita rurash cöpakunawan jichay jichay qarakasirqan. Cada cöpami jukniraq jukniraq rurash karqan.

⁸ Vïnuta qarakuqkunatami rey Asuero nirqan upuyta mana munaq kaqtaqa pitapis mana obligananpaq, sinöqa upuyta munaq kaqla upunanpaq.

⁹ Say qayasishqan runakunapa warminkunapaqnami reina Vastipis mikuyta rurasirqan. Paykunaqa rey Asuerupa palaciun rurinchönami mikuyarqan.

Reina kaykashqanpita Vastita qarqushqan

¹⁰ Fiesta qalaykushqanpita qanchis junaqtami rey Asuero shinkatash kar yärakushqan kaq qanchis eunucu runakunata qayasirqan. Paykuna kayarqan Mehumán, Bizta, Harbona, Bigtán, Abagta, Zetar y Carcas.

¹¹ Chaykuyaptinmi say runakunata kacharqan warmin Vastita corönan jatishta pushayämunanpaq. Común runakunapis y autoridäkunapis Vasti kuyaylapaq kashqanta rikayänanpaqmi sayman pushayänanpaq nirqan.

¹² Pushayänanpaq qanchis eunucu runakunata rey kachaykaptinpis Vastiqa manami aywayta munarqansu. Aywayta mana munashqanta wilayaptinmi rey Asueruqa fiyupa rabyanarqan.

¹³ Say wisanmi imapis kaptin ley yachaqkuna reyta imaypis yäsiyaq. Saymi paykunata rey qayasirqan imata rurananpaq kashqantapis tantiyasiyänanpaq.

¹⁴ Ley yachaq runakunacho rey Asuerupa mas amïgunkuna kayarqan Carsena, Setar, Admata, Tarsis, Meres, Marsena y Memucánmi. Say runakunaqa intëru Persiacho y Mediacho respitädumi kayarqan. Paykunami reypa yäsiqninkuna y mandäsiqnin autoridäninkuna kayarqan.

¹⁵ Paykunatami rey Asuero tapurqan: <>

¹⁶ Saymi mandäsiqnin autoridäkunapa nawpancho rey Asueruta Memucán nirqan: <

¹⁷ Reina Vasti mana cäsukushqanta musyaykurqa wakin warmikunapis saynölami runankunata cäsukuyanqasu. Mana cäsukurmi niyanqa: .

¹⁸ Persiacho y Mediacho mandäsishuqniki autoridäkunapa warminkunapis reina Vasti sayno rurashqanta wiyaykurqa runanta mananami cäsukuyanqasu. Sayno rurayaptinqa rimanakularmi kawayanqa.

¹⁹ <

²⁰ Say leyta maysaychöpis mandashqayki kaqcho musyasishun. Musyarmi warmikuna mansapakur runanta poquq kaptinpis muchuq kaptinpis respitayanqa>>.

²¹ Memucán sayno niptinmi rey Asuero y yanapaqninkunapis <> niyarqan. Saymi say yäsishqannöla lapanta qelqaykur

²² ordinta apasirqan mandashqan kaqmanqa maysay provinciakunamanpis. Say órden qelqararqan kikinkunapa idiömankunacho y imanöpis qelqayashqan estïlunchömi. Say ordinmi nirqan lapan runakuna warminta munaynincho sararäyänanpaq.