2 Samuel 21 - Tayta Diospa Wilakuynin

Gabaón runakuna Saúlpa ayllunkunata wanusiyashqan

¹ David rey kashqan wisanmi kimsa wata muchuy karqan. Muchuy imanir kashqantapis musyananpaq David manakuptinmi Tayta Dios nirqan: <>.

² Saymi Gabaón runakunata rey David qayasirqan paykunawan parlananpaq. Paykunaqa manami Israel runakunasu kayarqan, sinöqa amorreo runakunapita miraq runakunami. Paykunapa unay ayllunkunatami Israel runakuna promitiyarqan Gabaón runakunata mana wanusiyänanpaq. Sayno kaptinpis Gabaón runakuna täyashqan markakunata Israel runakunapa y Judá runakunapa kananta munarmi saycho taq aska runakunata Saúl wanusirqan.

³ Saypitanami Gabaón runakunata David tapurqan: <>

⁴ Sayno niptinmi Gabaón runakuna niyarqan: <>. Sayno niptinmi David nirqan: <>

⁵ Saymi niyarqan: <

⁶ Sayno rurayämashqanpita Saúlpa surinkunata karpis o wilkankunata karpis qanchista entregayämay wanusiyänäpaq. Paykunatami Tayta Diospa nawpancho wanuykasir qerukunacho warkaräsiyäshaq. Sayno wanusiyäshaq Tayta Dios akrashqan Saúlpa markan Gabaachömi>>. Sayno niyaptinmi rey David nirqan: <>.

⁷ Tayta Diospa jutincho Jonatánwan pactu rurashqanta cumplirmi Jonatánpa surin y Saúlpa wilkan Mefi-bosetta Gabaón runakuna wanusiyänanta David munarqansu.

⁸ Saúlpa surin kaq Mefi-bosetta y wawqin Armonitami isanqa entregarqan wanusiyänanpaq. Paykunapa mamanqa karqan Ajapa surin Rizpami. Saynölami entregarqan Saúlpa warmi surin Merabpa pisqa wawankunatapis wanusiyänanpaq. Paykunapa taytanqa Barzilaipa surin Adrielmi karqan. Adrielqa Mehola markapitami karqan.

⁹ Say qanchis runakunata Gabaón runakunaman entregaptinmi Tayta Diosta adorakuna lömacho wanuykasir qerukunapa puntancho warkaräsiyarqan. Saynöpami cebäda cosëcha qalaykunan wisan qanchisnintin runakunata wanusiyarqan.

¹⁰ Saymi ayakuna warkaraykäyashqanman Ajapa surin Rizpa aywaykur jatun rumi jananman cotenciata qeshtarqan. Sayman jamaykurmi wiskurkuna y munti uywakuna mikuyänanta paqaspa junaqpa wajakurqan. Sayno wajakurqan cebäda cosëcha qalaykushqanpita tamya killa chämushqanyaqmi.

¹¹ Saúlpa concubïna warmin Rizpa sayno täparaykashqanta Davidta wilaptinmi

¹² Galaad particho kaykaq Jabes markaman aywar Saúlpa y surin Jonatánpa tulunkunata shuntamurqan. Nawpatami filisteo runakuna Saúlta y Jonatánta Gilboacho wanuykasir Bet-sán pläzacho ayankunata warkuyarqan. Saypitanami Jabes runakuna suwaskir markanman apayarqan pampayänanpaq.

¹³ Saypitami Saúlpa y surin Jonatánpa tulunkunata Jabes markapita David shuntasimurqan. Saynölami Gabaón runakuna wanusiyashqan qanchis runakunapa tulunkunatapis shuntasimurqan.

¹⁴ Shuntarkasimurmi Saúlpa y surin Jonatánpa tulunkunata churayarqan Saúlpa taytan Cispa tulunkuna churarashqan sepultüraman. Say sepultüraqa karqan Benjamín trïbu runakuna täyashqan Zela markachömi. Rey David nishqannöla lapanta rurayaptinmi Israel runakunata Tayta Dios yanaparqan mikuyninkuna alina wayunanpaq.

Chusku jatusaq runakunata wanusiyashqan

¹⁵ Filisteo runakuna Israel runakunata yapay atacayämuptinmi soldädunkunawan David aywayarqan pelyayänanpaq. Pelyaykäyashqancho David pasaypa utikaptinmi

¹⁶ Isbi-benob jatusaq casta runa Davidta qatipaykarqan wanusiyta munar. Say runapa lanzanmi lasarqan kimsa kïlupita masraq. Espädanpis mushuqlami karqan.

¹⁷ Davidta sarinanpaqna kaykaptinmi Sarviapa wawan Abisai cörriyla aywaykur say filisteo runata wanusirqan. Saypitami soldädunkuna Davidta niyarqan: <>.

¹⁸ Saypita Gob partichönami filisteo runakunawan yapay guërrata rurayarqan. Saychömi jatusaq casta Saf jutiyuq runata Sibecai wanusirqan. Sibecaiqa Husa markapitami karqan.

¹⁹ Saypita yapaymi Gobcho filisteo runakunawan guërrata rurayarqan. Saychömi Belénpita kaq Jaare-oregimpa surin Elhanán wanusirqan Gat markapita kaq Goliatta. Goliatpa lanzanpis telar qeruno rakumi karqan.

²⁰ Gat markacho yapay guërra kaptinmi jatusaq casta filisteo runa yarqamurqan Israel runakunawan pelyayänanpaq. Paypa cada makincho y cada chakincho soqta dëdunkuna kaptinmi ishkay chunka chusku (24) dëdunkuna karqan.

²¹ Paytami Israel runakunata wajupaykaptin Davidpa wawqin Simeapa surin Jonatán wanusirqan.

²² Say chusku jatusaq filisteo runakunami kayarqan Gat markapita Refa ayllu runakuna. Paykunatami David y soldädunkuna wanusiyarqan.