Salmos 70 - Qheshwa Biblia DC

Librakunamanta mañakuy

¹ Diosníy, jamullay ari librawaj. Señor, usqhayta jamuy yanapanawaykipaj.

² P'enqaypi rikhurichunku, wañuchiyta munawajkuna. P'enqayta ayqechunku sajrata ruwayta munawajkuna.

³ P'enqayta ayqechunku, noqata asipayawajkunaqa.

⁴ Qanta mask'asojkunarí, kusikuywan junt'asqa kachunku. Salvacionniykita munakojkunaqa nichunku, Señorqa jatun, nispa.

⁵ Noqarí, llakisqa kashani, wajchataj. Señorníy usqhayta jamuy yanapawaj. Qan yanapawajniy, librawajniytaj kanki. Ama suyachikuychu, Diosníy.