زەبوورەکان 53 - پەیمانی نوێ و زەبوورەکان بە سۆرانیهی پێشه‌وای گۆرانیبێژانه به عوود. هۆنراوه‌یه‌كی داویده. 1 نه‌زان له دڵی خۆیدا ده‌ڵێت: “خودا نییه”. ئه‌وانه گه‌نده‌ڵن و خراپه‌كانیان گڵاوه، كه‌س نییه چاكه بكات. 2 خودا له ئاسمانه‌وه سه‌یری ئاده‌میزادان ده‌كات: ئایا كه‌س هه‌یه تێگه‌یشتوو بێت، كه‌س هه‌یه به‌دوای خودا بگه‌ڕێت. 3 هه‌موو پێكه‌وه هه‌ڵگه‌ڕانه‌وه، هه‌موو گه‌نده‌ڵ بوون، كه‌س نییه چاكه بكات، ته‌نانه‌ت یه‌كێكیش نییه. 4 ئایا تاوانباران فێر نه‌بوون ئه‌وانه‌ی وه‌ک نان گه‌له‌كه‌ی من ده‌خۆن و ئه‌وانه‌ی له خودا ناپاڕانه‌وه؟ 5 له‌وێ ترسێكی گه‌وره‌یان لێ نیشت، كه هیچ ترسی لێ نه‌بوو. چونكه خودا ئێسقانی ئه‌وان په‌رشوبڵاو ده‌كاته‌وه كه گه‌مارۆیان داویت. ڕیسوایان ده‌كه‌یت، چونكه خودا ڕه‌تی كردنه‌وه. 6 خۆزگه ڕزگاری ئیسڕائیل له سیهیۆنه‌وه ده‌ربكه‌وێت. كاتێ په‌روه‌ردگار گه‌له‌كه‌ی خۆی له ڕاپێچكراوی ده‌گێڕێته‌وه، با یاقوو شاد و ئیسڕائیل دڵخۆش بێت. |