2 Timoteo 1 - Nouveau Testament en Ngombe 1961

¹ Mbi Paulo, obwɛnji oMasiya Yesu cina ebolulea boNjambe, a mojɔ mosako ebomɔ bua bodi a tei eMasiya Yesu, ai Timoteo, mwana’mbi oepaeli

² yɛ monganji, na wa, na bowi boNjambe Sango, na Masiya Yesu Kumu osu bodae na wɛ.

³ Mbi nasakoaka Njambe yana alɛkɛ mbi wɛ a ma’nga mambi bihole bisusu na bulu na moi, mbi yona omokɔmɛkɛ na molema mosɛnɔke o amokɔmɛ basangwa’mbi.

⁴ Alɛkɛ mbi mbisoli jiwɛ, nadi na posa a bo’nɛnɛ na wɛ, bo molema mombi molume na sepi.

⁵ Mbi te nabosake bo odi na ejimeli esoti, oko ejimeliyena edaka na Loi tata owɛ, na ngwao Eunike. Najebaka koko na soti bo ejimeli emina edi a tei ewɛ pongono.

⁶ A mojɔ momina, nalehaka wɛ a bohɛjɛ epeeli eNjamhe a tei ewɛ, o abwanejaka moto mosa, oko epeeli esɔ wɛ na bobakea bomɔmɔ mambi.

⁷ Mojɔ bo Njambe aipa so mwembo mobomɛli, oko mwembo mongulu, na epaeli, na bowɛi.

⁸ A mojɔ momina, obwaniti boda na sɔni a botata tati ai Kumu osu, isa a mojɔ mombi lisungu linde. Asɔ ko libondo limonɔngɔ mosɔkɔ mbi a mojɔ moMwako Mopele, o apaka Njambe wɛ ngulu.

⁹ Iyo abohelejai na abobei a elomu esɛnɔke, te a mojɔ mobilomu bisu bɛnɛ, oko a mojɔ momokano monde mɛnɛ, na monganji monde mopa yo so a tei eMasiya Yesu oko a libangake mɛnɛ.

¹⁰ Monganji momina moboloi e dɛye na bodoa boMoheleja osu Masiya Yesu, yona ogbokeja bogwa, na ameja bomɔ a bohu, na bomɔ bua botagwa, a mojɔ moMwako Mopele.

¹¹ Mbi nahɛngɛmɛ bo nadae motɔndɔi, na obwɛnji, na mokoja oMwako momina,

¹² na nadingoaka a mojɔ momina; pɛ mojɔ, naditi nongo na sɔni, cina bo mbi najebaka yona ojimaka mbi, na najebaka na soti bo yo abwani bobanea mua mopeja mbi yo, oko a Busa bomina.

¹³ Kina bokoja bosoti bosɔ wɛ ai mbi bodae ekoaneli ai wɛ; bobanea na ejimeli, na epaeli, ai Masiya Yesu.

¹⁴ Banea mojɔ moyumu mosɔ wɛ, oko na ngulu eMwembo Mosɛnɔke, mua modi a tei ewɛ.

¹⁵ Ojebaka bo bato basusu baAsia baloni mbi, na Pugelo na Elumogene pongono.

¹⁶ Nangaka Kumu bo adae na monganji a denga diOnesipolo, mojɔ bo yo asepeja molema mombi bihole binɛnɛ, na aika sɔni a mojɔ mominyɔlɔ mimbi.

¹⁷ Yana amea yo a Loma, aduka mbi na bingi enɛnɛ na aboloja mbi.

¹⁸ Yɛ Kumu ajime bo Kumu amokɔe monganji a Busa bomina. Ojebaka koko na bopele mɛnɛ bo akɔmeja mbi a Ɛpɛsɔ bou mɛnɛ.