Sam 128 - Nobonob Baibel

Danab Yawe oɗe dim lamidtte ele, nug nob ena aokku

Sam imuam ahi laa Jerusalem taknu ugakka ettaknu.

¹ Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

² Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

³ Am grep ena laa, nug grep meu huana otte, amubia na geha nid naunau kuɗum menuadkkut. Ao, olip ad, ita huana betteb, amubia nid naunau kuɗum na lautppa daaglag.

⁴ Antte! Ib amuppa amu Yawe Nug laa nug nuhignu ebehilag oh bodoetta le mette ele, Nug nug itittak ena medatte.

⁵ Yawe Nug Sion appa daatte, Nug appanu itittak ena na, na danab anam ele amu, Nug na medakkunu ool daatte. Am genab, ag wanppa daatteb, haen imuppa, ag Jerusalem ena ba dayebeb anidkkulagnu ool daatte.

⁶ Na haen elab daanna, alanad anadkkutnu ool daatte. Ao, Israel oo maɗoɗppa daakkunu ool daatte.