St. Mark 12 - Neh Nase Tsi Shokȣatakȣen 1880 (4 Gospels by Joseph Onasakenrat)

Tekeniaton iaȣenre teioteriȣasonterakȣen tsini Roiaton Roiatatokenti Mark.

¹ Ethone are onen tonsasakoriȣakentonkȣen, ȣahenron: Saiatat ne ronkȣe ȣahanenharaientto, ȣahatehenronni aktatie, ȣaronni teionhiaritakȣa, ȣahanonsonni oni neiononsaniron, ethone tasakoni ne ratinenharaienthos.

² Nok nonen Siiakaheȣe tsiniȣaiaris iasakotori kannhatsera, nakon tahatihaȣi tsini iotonnison.

³ Tasakotiiena neneh, akȣa niare ȣasakotisokȣa-ȣesson ethone raotiiatoskon sasakonatekȣate.

⁴ Sekon tihate ionsahotori, ȣahonȣanenhioiake ne neh, nok nonen sahonaterihonkoten tsi ȣaonȣaken-renseronni, ethone sahonȣatekȣate.

⁵ Sekon are oiah ionsahotori, tahonȣario neneh; sekon kentiokoȣanen tihatite iesesakotorion, eh oni neneh nontahonȣatiierase, otiake ȣahonȣatisokȣaȣes-son, nok ȣahonȣatirio notiake.

⁶ Karo onen neh nakȣa Roienha Ronoronkȣa iahotori nonaken ȣahaonniate; Sahenron; tenthonȣarho-ton naha ne neh ne Riienha.

⁷ Nok tanon ne ratinenharaienthos ȣahonniron nonen siiaonȣaken tare: neh tohiken rahonenhare ȣatonsere, ennioh hetsiteȣario nok ii onkȣaȣenk enȣa-ton tsini hoien.

⁸ Ȣahonȣaiena, ȣahonȣario nok ihnon iahohnati.

⁹ Oh onte nenhaiere no Raiatakȣeniio? tentre nok enhatennhane enhonȣanaȣentho netho tehontenen-haranonne, nok akoren ensesakohnenharani.

¹⁰ Iah oni kenh naha nonȣenton teseȣaȣennanote nʼOiatonseratokenti tsinikaiaton, ȣaton: Neh saka-nenhiakȣeniione tsi tekaiosaien ne rotinenhiasȣenhon ne ratinonsonni?

¹¹ Neh kehiken no Roianer etho nihokanonni, nok ok tiionerakȣat tsi toteȣakanere.

¹² Ethone ȣahontenienten nahonȣaiena, aseken ȣahatiienterene tsi rononha ȣatosakoriȣakentonkȣa-kȣe, nok onkȣeokon ionsasakotitsanike; nese ȣahonni ok ehren tonsahonnete.

¹³ Ok eken iasakonatori otiake ne Pharisian oni Herodian ahontenienten tahonȣanikonraseren tsinen-honniron.

¹⁴ Ȣahonniron, tsi ȣahonȣaiatorenne: Saianer! ionkȣaterientare tsi sariȣakȣarision, nok oni tsi iah tatesonkȣetaiestasions tsi ȣheriȣakȣariȣionnis ne Niio raoriȣasonha: takȣarori kati: ioteriȣison kenh nahon-ȣakariakse ne Cesar, katenh iah? enhiakȣakariako kenh? katenh iah taiakȣakariake?

¹⁵ Nok tanon ne raonha roterientaratsion tsini-thotinikonroten, ȣasakaȣenhaso: oh niiotieren tsi teskȣanikonraserha? Takȣanatonhas niare toh nika-ȣistoton akatkatho.

¹⁶ Ȣahonȣanatonhase, nok ethone sahenron: Onka kehiken rakonsare oni netho rasennare? ȣahonniron, Cesar ȣahi.

¹⁷ Tontahenron ne Iesos: satsitsion ki ȣahi tsinikon Cesar raoȣenk, nok Niio ne Niio raoȣenk. Nok ȣahotinerako.

¹⁸ Onen nonȣa Saducean eh sahonneȣe, noneh ronton iah Iekaien naonsaiontonnhete ne iakoȣentaon, ȣahonȣariȣaneken, ȣahonniron:

¹⁹ Saianer: Moïs sonkȣaianerensoraȣi, raton: Onka kiok enhrenheie areko tehoȣatsiraien, neneh teia-tennontere enshotiniake ne ronekenha nahotȣatsiron-nien ne rotsiha.

²⁰ Kenh kati niiaȣenhon: tsiatak natehontennon-tere, ȣahoniake ne takoȣanen, iah tehoȣiraientaon tsiniiore iahrenheie.

²¹ Neh kati ne shokenhasahotiniake, iah oni neneh tehoȣiraientaon ok nah Sarenheie; etho oni neneh nahaȣenne nasenhaton niieherate.

²² Akȣekon niiahotiniake ne tsiatak nihontate-kenha nok iah onka tehoȣiraientaon. Onaken ȣahaonniate ne tsiothonȣisen ȣakenheie.

²³ Kahkati nekenh nikaien enshotiniakonhatie nonon entsiontonnhete akȣekonse niiehotiniakon ne tsiatak nihati?

²⁴ Iesos tontasakoȣennaȣeron, Sahenron: neh se-ȣaiatatontha tsi iah othenon teseȣanikonraienteri nʼOiatonseratokenti iah oni ne Niio raosastensera.

²⁵ Aseken nonen entsiontonnhete, iah onka tetsio-niakhe; iah ne rotiskenrakete iah oni ne tsiona-thonȣisen, etho tanon nentsieiatoten tsiniiot nʼEron-hiakeronon karonhiake tienakere.

²⁶ Nok kenh kaien ne iakoȣentaon, enseȣanikon-raientane tsi tokensko entsiontonnhete; iah kenh nonȣenton teseȣaȣennanoto ne Moïs raoiatonserakon, nahoten raȣen nokȣirokon satnitaren ne Niio, sahenron: II ne Abraham Isaak, Jacob, Ronȣa-Niio?

²⁷ Iah tehonȣa-Niio niakoȣentaon ne Niio; neok ne iakonnhe Ronȣa-Niio, koȣanen kati ȣahi tsi seȣaiata-tons.

²⁸ Ethone saiatat ne Raiatons, tsinahaȣerientiio tsinahaiere tsi tontasakoȣennaȣeron, eh niiahare tsi renteron no Iesos, nok ȣahoriȣanon tonse: kah nikaien tkakoȣanen tsinikon Hotenienten?

²⁹ Tontahenron ne Iesos, kenh kaien …konȣako-ȣanen: Saiatat ok ne Niio hetseȣenniiostak rahonha-tsiȣa ne Niio Sonkȣaȣenniio.

³⁰ Sanikonrakȣekon, seriasakȣekon, sasastensera-kȣekon tsi Hetsenonȣehak ne Niio: nehkehiken ne tiotierenton.

³¹ Nok kenh kaien tsionontere akȣa oni sereka taonsatiatieren: Shenonȣehak nonkȣe tsinise nisata-tenoiiȣes; nok iah sekon noiah tekaien.

³² Tontahenron ne raiatons: saianer: Akȣa tasie-rite tsi neh ȣasiron, saiatat ok ne Niio iah oni tekaien sekon noiah neok ne Raonha,

³³ Ne oni nahonȣanonȣehake, nkaȣeriasakȣekon akonikonrakȣekon, akosastenserakȣekon oni, oni ne taiontatenonȣehake sateiakotikȣe tsi nakaonha niion-tatenonȣes, neh onte tkasahatta ne kariȣiioseokonha.

³⁴ Nok ne Iesos sahaȣenhase ne raiatons: tsi ȣa-honikonraientane tsini hotakarite oni roriȣakȣarision tsiniiot tsi tahatati; Sahenron: Akta isete ne Niio raonakeraserakon. Nok iah onka sekon noiah tesen-ȣariȣanontonni.

³⁵ Nok nonen Ononsatokentike sisesakotatis ȣa-henron: oh nah niiot tsi ronton ne ratiiatons tsi Taȣit Roienha ne Keristos?

³⁶ Aseken raȣen ne Taȣit Rotkon Roiatatokenti sahonikonrata: Roianer raȣenni nʼAkianer tsi keȣe-ientetakon satien tsiniiore iatakheniarorarake oni as-heiarasitokeȣatake ne iesasȣens.

³⁷ Oh kati nekenh naiaȣenne ne Roienha akenhake, ratonse Rakeȣenniio? Akȣekon ok iakaonȣes-kȣanihakȣe naiakothonteke tsi rothare.

³⁸ Ratonhakȣe oni tsi sakotatiskȣe: ietsitsanisek tohiken ratiiatons nene rononȣeskȣani aontiataȣate tsi ionkȣene taiofaseson ahotiataȣiton.

³⁹ Neh oni ratinonȣes ohenton iahatistskȣarake Isi ionterennaientakȣa tsi oni iontenniotta.

⁴⁰ Siikotinonskarihatons ne ionatereons, ratiriȣakenserakȣa tsi ronaterennaientakseresons: senha rononha kareȣatatseroȣanen enhotirane.

⁴¹ Akȣa oh nonȣe nateiotokenton nihenstskȣahere no Iesos, tsi nonȣe niieȣistatahasta, tehakanere kati tsiniiot tsi ieȣistarha,

⁴² Kentiokoȣanen niakokȣatse eso ȣaeren, kare-honen iotereonskon eh onȣe iotent, tekeni kȣenis ȣat-karen.

⁴³ Ethone iasakononke ne raotiokȣa, nok Sahenron; oriȣiio tsi kȣarori tsi neh aonhaa isinonh tsina-kaiere tsiniiot notiake.

⁴⁴ Aseken notiake neh ȣaeren tsinikon ne iakoke-totani nok ne kenh kaienh, kententsihon ethok oni niioientakȣa tsinikon ȣaholi.