Ruti 3 - Toabaita Old Testament

Ni Ruti ma tha Boasi ila sikula fana Raalaa

¹ Te'efa thato, Naome waifunga kini ni Ruti e sorea isana , <<"Thari nau, e tala'ana kwai rofea ta toaa i femu, ta luma na oki too le'a iei ma keka lio le'a suli oe. >>

² E a`i lau tha Boasi, thari ni raa nia ki o raa bia nga inala-kalua ba neri? Ma afa rodo ne'e nia kai raa ana ukalilana gereni ilana sikula ifana thaungai lana gereni.

³ Oko sisiu ma oko gwai ana si gwai na e makwa le'a ma oko afi ana maku le'a oe. Sui oko lae isana sikula ni raalaa, sui mena, osi alabatania kai thaito`omamu o ni kula eri laalae nia ka fanga ma ka ku'u ka su'i bo'o.

⁴ Si manga nia kai te'o, oe oko thaito'omana sikula eri. Sui oko lae oko lafua si maku ne thufia ana aaena ma oko te'o i kula eri. Nia do kai fa'arongo oe ana sita oki ilia."

⁵ Mani Ruti ka lu'u nia ka sorea, <<"Kwai ilia bona`a ta si doo na o sorea.">>

⁶ Nia ka sifo bona'a i la sikula fana raalaa ma ka ilia bona'a si doki sui bo'o nga waifunga nia e sorea isana.

⁷ Si manga tha Boasi e fanga, ma ka ku'u ka sui, ma ka too ana se'ethaathala la, nia ka lae ka teo i susuilana sikula kera figua gereni iei. Ruti ka lae eneno, ka tafo'a maku na e thufia ana a'aena ma ka te'o bona'a si kula eri

⁸ I la inito'ona rodo, te`e si doo e fa`ato`ona wane ba ka tona ka tharai'i ma ka rikia te'e ai ne te'o karangia a'aena.

⁹ Nia ka soeto'ona ka sorea, <<"Mani oe ni tei?>> Nia ka lu'u nia ka sorea isana, <>

¹⁰ Ma tha Boasi ka lu'u nia ka sorea isana, << ''ma thari nau tha Iawe kai adomi oe. Fafia liothaua na o fatainia neri e baita ma ka talua si doo na o iliaki sui na'a. Oe osi tari burina daraaki, do'o anita keka inoto mada keka baro.

¹¹ Ma si manga eri, thari nau, osi ma'u lau. Kwai lae kwai ilia si doo na o soeto'ona. Aina wane i la toaa nai lau lau kera thaito'omana na ni oe nga ai ana biranga ana fare'baita la.

¹² E mamana nau wane ila kwalafa kulu, sui mena te'e wane ana tata`e la fasia kwalafa kulu ka talu nau e too.

¹³ O too i kula ne'e afarodo eri, ma i u'usungadia laalae nia ka ala fafia kai talai oe, e lea nia ka talai oe. Mada nia eai si ala fafia kai tali oe, mala tha Iawe e maruki, nau kwai ilia bona'a. O to'o amu i kula ne'e uri u'usungadia.">>

¹⁴ Ni Ruti ka te'o isana a'aena laalae ka dani, sui nia ka lae si manga ta imole si tharai u fasia kesi thaito'omana; sulia tha Boasi e fa`arongo nia sui`naa, <<"osi alabatania keki thaito`omana te`e kini e fula ila si kula ana raalaa ana gereni.">>

¹⁵ Nia ka sorea isana laubo'o, <> Si manga ni Ruti e regwetaa, nia ka ikia karangia ro tafuli kilo ma ro fa kilo ana bali ma ka kwaua ifana Ruti ka ngalia. Sui tha Boasi ka oli bona'a i la taoni.

¹⁶ Si manga ni Ruti e oli isana waifunga nia, ni Naome ka so'eto'ona, <<"Thari nau, o laalae ka ufita?">> Sui ni Ruti ka fa'arongonia asi dooki sui bona'a na tha Boasi e ilia i fana

¹⁷ ma nia ka sorea laubo'o, <<"":tha Boasi ka fale'a ulu tafuli kilo ana bali, ka sorea isaku, Osi oli fafia abe`edo gwau'u uria isana waifunga oe.'">>

¹⁸ Sui ni Naome ka sorea, <<"Thari nau, o ma'asia, oki rikia si ta na kai fuli. Sulia nga wane eri saka mamalo bona'a e a`i laalae ka o'olosia bona'a si doo eki i taraena.">>