Psalms 23 - Ohiatonhseratokénti

Né꞉ne Roiá꞉ner Sonkwanonnáties

Né꞉ne Táwit raorénhna.

¹ Roiá꞉ner sèh raʼkenonhʼnáties; iáh thahóten thatesewakatonhontsió꞉ni

² Raʼkerihwáʼwis thóh nón꞉we nakatorísen tsi nón꞉we nikahentí꞉ios; ienhakkéntenhse ákta ne tsi watnekíne ne kanekí꞉io;

³ áse srónhnis nakatónnhets. Rakenthensehátie tsi iohathátsie ne karihwakwarihshón꞉tsera asèken né꞉ne rahʼónha raosenhná꞉kon aorihwáʼke.

⁴ Eʼthohʼsáne thóh nón꞉we níh꞉ke tsi nón꞉we ne kwáh tetiokaraskówa nahonrákwahkon ne kenhéion, iáh teketsá꞉nis ne kariwahét꞉ke; asèken ʼI꞉se tenikwé꞉kon; ne sáhnia tánon ne sathénhnits— né ionkenikonhranírats.

⁵ Í꞉se waskatekwaratseraʼserón꞉nien, thóh raotihén꞉ton ne iónkshons; í꞉se kénʼie waskenontsistókaʼwe; nakétʼtie teiontʼnekontákwa ontawénhrate.

⁶ Orihwiʼiohónwe ó꞉ni ne ioianerehónwe ó꞉ni ne kénteron kwáh ne enwaknonterátie enhniserakwékons ne tsi nikonnhétie, tánon kwáh thóh enkí꞉teronhtake raononskon ne Roiá꞉ner né꞉ne tsi nénhwe enkénhake tsi enkónnheke.