Psalms 136 - Ohiatonhseratokénti

Rawenni꞉io Raohioʼténhsera tsi Nihoshahánion Ó꞉ni ne Iekaratonkéwa

¹ Ó tetsisewanonweráton ne Roiá꞉ner, asèken tsi nitorihwaiéri, asèken ne iorihwatóken raonoronhkwáhtshera tsi nénhwe enkátake.

² O tetsisewanonhweráton ne Rawenni꞉io asèken sakotohesténhni ne ratiniʼiohokónhas, asèken ne iorihwatóken raonoronhkwáhtshera tsi nénhwe enkátake.

³ Ó tetsisewanonhweráton né kwáh thashastsʼtekówa tsi niháti ne rotiʼiá꞉ners, asèken ne iorihwatóken raonoronhkwáhtshera tsi nénhwe enkátake.

⁴ Rahonhatsíwa khók rohiótens ne tehiotenonhianítons iorihwanerakwahténions, asèken ne iorihwatóken raonoronhkwáhtshera tsi nénhwe enkátake;

⁵ rahónha raotokhátshera ióshon ne tsi karonhiátes, asèken ne iorihwatóken raonoronhkwáhtshera tsi nénhwe enkátake;

⁶ rahónha tehotakwahríhton nonhóntsa thóh onékake, asèken ne iorihwatóken raonoronhkwáhtshera tsi nénhwe enkátake;

⁷ rahónha ró꞉son ne kowánen kaswatʼthétshera, asèken ne iorihwatóken raonoronhkwáhtshera tsi nénhwe enkátake;

⁸ nenhtieʼkhenékha karákwah né꞉ne entkaniarotaró꞉ke tsi niwenhníseres, asèken ne iorihwatóken raonoronhkwáhtshera tsi nénhwe enkátake;

⁹ nasontʼthenhnékha karákwah né꞉ne entkaniarotaró꞉ke ne tsi niwasónhtes, asèken ne iorihwatóken raonoronhkwáhtshera tsi nénhwe enkátake;

¹⁰ rahónha sakohnonwarhiákon ne thonatserénhton ronanahkeráton ne Egyptró꞉nons raotinekenteronhtseraʼshónhas; asèken ne iorihwatóken raonoronhkwáhtshera tsi nénhwe enkátake

¹¹ tánon thontasakohiatínekenwe nʼIsraerʼró꞉nons né Egypt nónh꞉we, asèken ne iorihwatóken raonoronhkwáhtshera tsi nénhwe enkátake;

¹² né tsi nihanentʼtsashástste tánon iatehonéntʼtsaʼte, asèken ne iorihwatóken raonoronhkwáhtshera tsi nénhwe enkátake;

¹³ rahónha tehoniatarakʼkháshion ne Red Sea; asèken ne iorihwatóken raonoronhkwáhtsera tsi nénhwe enkátake;

¹⁴ tánon washakahónhnien nʼIsraerʼró꞉nons kwáh thóh nónh꞉we nahontóhetste, asèken ne iorihwatóken raonoronhkwáhtshera tsi nénhwe enkátake;

¹⁵ ók wahóskote ne Pharaoh tánon ne rahonkwetaʼshónhas ronhterí꞉ios thóh ne Red Sea, asèken ne iorihwatóken raonoronhkwáhtsera tsi nénhwe enkátake;

¹⁶ rahónha sakohéntenhse ne rahonkwetaʼshónhas ne iahonwenhtsiat꞉thénhake shahónhne, asèken ne iorihwatóken raonoronhkwáhtshera tsi nénhwe enkátake;

¹⁷ rahónha sakononhwarhiakónhnion ne ratishástsʼteskwe ronhtinonhtí꞉iosʼkwe, asèken ne iorihwatóken raonoronhkwáhtshera tsi nénhwe enkátake;

¹⁸ rahónha sakononhwarhiakónhnions ne ratisenhnowanénhskwe ronhtinonhtí꞉iosʼkwe, asèken ne iorihwatóken raonoronhkwáhtshera tsi nénhwe enkátake;

¹⁹ Sihon, ne sakononhtí꞉iokwe ne Amorʼró꞉nons, asèken ne iorihwatóken raonoronhkwáhtshera tsi nénhwe enkátake;

²⁰ tánon ne Og, né꞉ne ronhnontí꞉iokwe ne Bashan nónhwe, asèken ne iorihwatóken raonoronhkwáhtshera tsi nénhwe enkátake;

²¹ tánon tasakáwen nonhóntsa tsi shasakahʼohésten, asèken ne iorihwatóken raonoronhkwáhtshera tsi nénhwe enkátake;

²² né thonawenhkénhen ne raonhatsheraʼshónhas Israerʼró꞉nons, asèken ne iorihwatóken raonoronhkwáhtshera tsi nénhwe enkátake.

²³ Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

²⁴ tánon shasonhkwahniákente tsi nòkwah ne ionkhísonhkwe; asèken ne iorihwatóken raonoronhkwáhtshera tsi nénhwe enkátake;

²⁵ Sakokʼkhwanónhtens ne kwáh tsi niaʼtewatonnhetʼtseráke, asèken ne iorihwatóken raonoronhkwáhtshera tsi nénhwe enkátake.

²⁶ Ó tetsisewanonhweráton ne Rawenni꞉io karonhiáke, asèken ne iorihwatóken raonoronhkwáhtshera tsi nénhwe enkátake.