EBELEO 10 - Disambi Dipyadipya

¹ BWADI pako, bwakadi yi mudingidingi ă bintu binengela bilolwa, kumoni kifwanisa kia bintu mikyekio, kabusoiubukwa pô kukukisa bantu bamakokyela pepe, ku bixipilu bebi biamalongolebwa kangala kangala ku mbula ku mbuia ku mbula.

² Ximbi noku, ki bixelekyela kulongolebwa ? Bwalo baxingidi bamasusudibwa disusula dimodimwe kabaxeakala yi kilubukilu kia munda kia mabi kabidi nyô.

³ Kate ku bixipilu bebi kwakakwelebwa kabidi lukanyi lwa mabi ku mbula ku mbula.

⁴ Bwalo butabiyi maxi a ñombi yi a mbuxi kuncula mabi.

⁵ Mbwôso pakalwayi ku loboko, yei ene, Kixipilu yi dilongi, Owe wakadi kusobinanga, mo wamangulungikila mumbidi ;

⁶ ku malongi mosa mancimancima yi ku bixipilu ku mucwe ă bubi ndo kutaxekyelela Owe.

⁷ Ndo binakatôya ene, Mona, namalwa, (ku mwobotaku ă mukanda kwamafundibwa ku bwalo bwamene), kulwa kisa nyinga yebe, Ncembi.

⁸ Kulu, pa kutôya ene, Bixipilu yi malongi yi malongi mosa mancimancima yi bixipilu ku mucwe ă bubi, Owe wakadi kusobinanga, yi kusobixekyelela, biamalongolebwa luna biatôya bwadi,

⁹ ku kikondo kieki kwakatôyayi ene, Mona, namalwa kulwa kisa nyinga yebe. Amacula dia buxi bixesubisayi diamubidi.

¹⁰ Ku nyinga yei ndo kutwamabalolebwa ku bwalo bwa kulongola kwa mumbidi ă Yisu Kalistu ku kikondo kimokimwe dyendeli nya.

¹¹ Yi bokanda bwoso bwamakwemana budi mu kusala mudimo ku dituku ku dituku, yi budi mu kulongola bixipilu bebi bitabiyi kuncula mabi ;

¹² mo you, pakadi amalongola kixipilu kimokimwe ku bwalo bwa mabi, akaxikama kangala kangala ku kidyo kia Ncembi ;

¹³ udi mu kukunga pôi kikondo kinatekyebwa bantu bamatanda yinanci katanda ka makasa anci.

¹⁴ Bwalo ku dilongi dimodimwe kwamakukisayi bantu kangala kangala bamabalolebwa.

¹⁵ Yi Mwoxixi a babala kabidi utwatôbôlela ntôbô ; bwalo pakadi amatôya

¹⁶ ene, Kunu kudi disambi dinasambikanana yinabo kunyuma kwa matuku yia, Fumu ndo atôya ene, nakuteka madi amene ku mucima ăbo, yi ku lukanyi Iwabo kabidi ndo kunafunda, kunyuma akatôya ene,

¹⁷ Yi kinakwela mabi abo yi mona abo lukanyi kabidi nyô.

¹⁸ Mo kwoso kutani kilekyelu kia aa noku, kakuna kabidi dilongi kulongolebwa ku mucwe ă bubi.

¹⁹ Mbwôso bwalo bututani yi mucima, bakunyi, ă kubwela mu bidi bia babala ku mucwe ă maxi a Yisu,

²⁰ ncila mupyamupya yi a môyo amatudipudilayi a kudika ngumbu a mbuxa, kulexi yi kutôya ene, munyu ănci ;

²¹ yi bwalo bututani yi bokanda bunene kulu kwa ncibo a Ncembi,

²² tukokyeli pepe lolo yi mucima ă sôsôlwo, yi kilubukilu ko kia kwetabusa, tudi yi micima yecu yamacakibwa ku bwalo bwa kilubukilu kia munda kibi, yi mumbidi ěcu ămakusudibwa yi mai a susu.

²³ Tubambi kusakola kwa mudingidilu ěcu nda, kutena kucimbacimba, bwalo budiyi muna kibaku amaxiya dlaka ;

²⁴ yi tutebelañani ndo kudndikanana ku nyinga yi ku masa anengela ;

²⁵ yi katulekyedi kusangilañana kidi kimokimwe beă bidi mwosambu ă banga bantu, kate tubondănam, yi tudiki yi kwenca kwa noku bwalo bunwamoma diba ditanakokyela pepe.

²⁶ Bwalondo twonona yi bituku kunyuma kutwamangata kilubuki lu kia sôsôlwo you, kakusosala kabidi kixipilu ku bwalo bwa mabi nyô,

²⁷ mo mudingidilu munga ă lopelo ă bowa, yi botumba bwa mudilu ămalanda kwosa bantu bamatanda.

²⁸ Muntu mwoso amakisa bwadi bwa Mosese lukisu ufofwa kutena bonkangi, ku ntôbô ya batôbôdi ndo babidi ndo basatu.

²⁹ Mbwôso nonu nwencenca beci ? Kai kusama kwadika kukola kuxekwelekyexebwa you amanyata Mwana a Ncembi muxi mwa makasa, yi amabala maxi a disambi akabalolebwayi yinao bea kintu kia kanana, yi amadidika Mwoxixi a lwoxixi ?

³⁰ Bwalo butwalubukwa you akatôya ene, Kusombola kudi bwalo bwamene ; meme nakusombola. Yi kabidi ene, Fumu unasambola bantu banci.

³¹ Kudi bwalo bwa bowa kupona mu makaci a Ncembi a môyo.

³² Mo nweli matuku a buxi nkanyi, pakadi nwamalumuxibwa, anwakakwombwa kitumba kingi kia masama yi bwika ;

³³ ku manga malo nwakatekyebwa kimonenu bwalo bwa mietangu yi maxitu, yi ku manga malo nwakakwabanyañana yi bantu baba bakakwencelebwa nako.

³⁴ Bwalo bunwakasambanina bantu bakadi misungi, yi nwakaxekyelela kusancibwa kwa bima bienu yi kiango, bwalo bunwalubukwa ene, nwamadiangacila mikyenu bodidi bwadika bunengela yi bodidi bwasala kô kô.

³⁵ Mbwôso kanwecikixi dikimu dienu didi yi sayi mingi ku difuto.

³⁶ Nudi yi bwalo bwa kwakala yi bwika, binuxeangata kilaka binakala nwamakwenca nyinga ya Ncembi.

³⁷ Mo kakondo kabende kamasala, yi you ulolwa unalwa, yi kana yilanga.

³⁸ Mo yei ene, Muna nkwami amene unakala yi môyo ku kwetabusa ; yi ene, Ndo amapiñana kunyuma, mucima ămene kausomuxekyelela pô.

³⁹ Mo coco katuna bantu bamapiñana kunyuma kuya ku kuncimixi bwa, kate tudi bena kwetabusa ku kupandixibwa kwa kidimu.