Números 26 - La'aqtaqa Ñim Lo'onatac 'Enauacna 2013Dalaxaic naneraguec so Israel le'ecpi 1 Qaq co'ollaq ime, so nleuaxa maye qaiuaxanec somayepi, nache Ñim Nataxala' 'enapega so Moisés, qataq so ntaxaỹaxanaxanec Eleazar som llalec so Aarón, 'eeta': 2 «Qauo'oche qome ca naneraguec, 'enauac na Israel le'ecpi cam ivi' qataq napacalec naua veinte vi'iye, maye mashe ishet da nalat. Qaq camayepi ỹataqtac qanqa'eñi cam chegoxoguetpi lta'alpi.» 3 Nache so Moisés qataq so ntaxaỹaxanaxanec Eleazar, detaxairapegue' somayepi, huaña ye no'onaxa ye Moab, maye sa qaỹapeque ye tala Jordán, yem nalotta ye Jericó, 'eeta': 4 Qai'iyiiuo qome 'enauac na ivi' qataq na napacalec naua veinte vi'iye, nache ipacchigui qanqa'eñi da lamaxasoxonaxac Ñim Nataxala' maye ỹamaxalec da Moisés. Qaq 'ena nam llalaqpi so Israel maye chegoqchiguiña co'ollaxa ye Egipto: 5 So Rubén maye la'auaxanec llalec so Israel, 'esoua soua llalqa: Enoc, Falú, 6 Jesrón qataq Carmi. 7 Nache ye lcata se'eso nereguishecpi maye chegoxoguet so Rubén, ivi' ye cuarenta y tres mil setecientos treinta ỹalleppi. 8 Qaq so Falú, 'oonolec so llalec, Eliab, 9 nache so Eliab, llalec so Nemuel, Datán qataq Abirán. Qaq se'eso Datán, qataq so Abirán, soomaye ỹalectraigui co'ollaxa so laỹepi so Coré, maye dataỹa'aguet co'ollaxa Ñim Nataxala', qataq Moisés qataq so Aarón. 10 Qalaxaye co'ollaq nauachigui na 'alhua, nache soomaye, tayengui so lpoxoỹaxa na 'alhua l-llañeto so Coré, qataq 'enauac so laỹepi nache ileu. Qaq se'eso norec ỹalauat co'ollaxa so doscientos cincuenta ỹalleppi. Qaq de'era, qanayeuaigui, nachera da la'anaxat da nhuaxanaguec da huo'o ca sa ỹalaq. 11 Qalaxaye so llalaqpi so Coré saishet co'ollaxa da ileu. 12 Qaq so Simeón, 'esoua soua llalqa, Nemuel, Jamín, Jaquín, 13 Zeraj qataq so Saúl. 14 Nache ye lcata se'eso nereguishecpi maye chegoxoguet so Simeón, ivi' ye veintidós mil doscientos ỹalleppi. 15 Qaq so Gad, 'esoua soua llalqa, Sefón, Jaguí, Suni, 16 Ozní, Eri, 17 Arod qataq so Areli, 18 nache ye lcata se'eso nereguishecpi maye chegoxoguet so Gad, ivi' cuarenta mil quinientos ỹalleppi. 19 Qaq soua llalqa so Judá, Er qataq so Onán ileu' co'ollaxa huaña ye Canaán. 20 Qaq so llalaqpi so Judá, nache chegoxogueta soua Selá, Fares qataq so Zeraj. 21 Qaq soua llalqa so Fares, Jesrón, qataq Jamul. 22 Nache ye lcata se'eso nereguishecpi maye chegoxoguet so Judá, ivi' setenta y seis mil quinientos ỹalleppi. 23 Qaq som chegoxoguetpi so Isacar, maye chegoxogueta soua, Tola, Fuvá, 24 Jasub, qataq Simerón, 25 nache ye lcata se'eso nereguishecpi, maye chegoxoguet so Isacar, ivi' sesenta y cuatro mil trescientos ỹalleppi. 26 Qaq soua llalqa so Zabulón, Sered, Elón qataq Yajelel. 27 Nache ye lcata se'eso nereguishecpi maye chegoxoguet so Zabulón ivi' sesenta mil quinientos ỹalleppi. 28 Qaq so José, 'eso so ỹataqtac llalaqpi, maye chegoxogueta so Manasés qataq Efraín. 29 Nache so Manasés llalec so Maquir. Qaq so Maquir llalec so Galaad, 30 qaq 'esoua soua maiche lalamaqa'ate llalqa so Galaad, Yézer, Jélec, 31 Asriel, Siquén, 32 Semida qataq Jéfer. 33 Qaq so Jéfer, nache llalec so Selofejad, maye qaica ca llalec ỹale nda'a't soua 'alo, qaq da le'enaxa't soomaye, Malá, Nogá, Joglá, Milca qataq Tirsa. 34 Nache ye lcata se'eso nereguishecpi maye chegoxoguet so Manasés ivi' cincuenta y dós mil setecientos ỹalleppi. 35 Qaq so Efraín, soua llalqa, Sutelaj, Bequer qataq Taján. 36 Nache 'eso so ỹataqtac llalaqpi so Sutelaj, maye chegoxoguet so Erán. 37 Nache ye lcata se'eso nereguishecpi maye chegoxoguet so Efraín ivi' treinta y dos mil quinientos ỹalleppi. Qaq 'eso so ỹataqtac ñalaqpi maye chegoxoguet so José. 38 Qaq so Benjamín, 'esoua soua llalqa: Bela, Asbel, Ajirán, 39 Sufán qataq Jufán. 40 Qaq so Bela, llalqa soua Ard qataq Namán. 41 Nache ye lcata se'eso nereguishecpi maye chegoxoguetpi so Benjamín, ivi' cuarenta y cinco mil seiscientos ỹalleppi. 42 Qaq so Dan, llalec so Suján. 43 Nache ye lcata se'eso nereguishecpi maye chegoxoguet so Suján, ivi' sesenta y cuatro mil cuatrocientos ỹalleppi. 44 Qaq so Aser, soua llalqa: Imna, Isví qataq so Beria. 45 Qaq so Beria, llalqa soua Jéber qataq so Malquiel. 46 Qaq se'eso Aser, huo'o aso llale 'alo, le'enaxat Será. 47 Nache ye lcata se'eso nereguishecpi maye chegoxoguet so Aser ivi', cincuenta y tres mil cuatrocientos ỹalleppi. 48 Qaq so Neftalí, soua llalqa: Yasesel, Guni, 49 Yezer, qataq so Silén. 50 Nache ye lcata se'eso nereguishecpi maye chegoxoguet so Neftalí, ivi' cuarenta y cinco mil cuatrocientos ỹalleppi. 51 Qaq da ima'a't so nereguishecpi Israel le'ecpi, nache ivi' seiscientos un mil setecientos treinta ỹalleppi. Qanaloqnec so 'alhua 52 Qaq Ñim Nataxala', 'enapega so Moisés, 'eeta': 53 «Ne'ena 'alhua da 'aỹa'anec, nache ỹataqtac 'anqa'en da 'aỹa'anem ca lalamaxat na maiche nalamaxat nhuo' le'ecpi maye mashe qoỹettañi. 54 Nache na ỹataqta qalota nhuo' le'ecpi, lta'araic 'anqa'en ca 'anem, qaq na sa 'amaqtaq, nache saq 'amaqtaq ca 'anem qome. Qataq da 'anec na 'alhua, nache 'aualleta'aguet qome ye lcata na ñiyiguishecpi. 55 Qaq da 'aỹa'anec na 'alhua, nache 'auo'ot ca alletaxac. Qataq 'aulo'oguet ye lcata na ñiyiguishecpi, ỹataqtac na maiche nalamaxat nhuo' le'ecpi. 56 Nache 'enauac ne'ena qalota qataq na saq 'amaqtaq, na maiche nalamaxat nhuo' le'ecpi, nache 'auota'a qome ca alletaxac da 'aỹa'anem ca nalota'ai' 'alhua.» Da naneraguec so leviitapi 57 Qaq so ñiyiguishec leviitapi maye, chegoxoguet so Gersón, Coat, qataq so Merari. 58 Qaq so maiche nalamaxat nhuo' le'ecpi lebniitapi, hebroniitapi, maliitapi, musiitapi qataq so coreiitapi, somayepi nataqa'en chegoxoguet so leviitapi. Qaq so Coat nache lta'a so Amirán 59 Qaq so Amirán huaroneguet co'ollaxa aso Jocabed, maye llale so Leví, co'ollaq ñaq netaña ye Egipto. Nache so Amirán qataq aso Jocabed nachesoua soua lta'al so Aarón, Moisés qataq aso María. 60 Qaq so Aarón, nache llalqa soua Nadab, Abiú, Eleazar qataq so Itamar. 61 Qalaxaye so Nadab qataq so Abiú, ileu' co'ollaxa huaña ye lanataqa' Ñim Nataxala', souaxat da deca'atoxoora so ỹaqa'a norec. 62 Qaq ye lcata so ỹalleppi maye chegoxoguet so Leví, som ivi' qataq napacalec ye 'oonolec ca'agoxoic, ivi' veintitrés mil. Qaq somayepi saishet co'ollaxa da qaỹalecnoigui so laỹe Israel le'ecpi maye qoỹiyiñi, cha'aye saishet da qaỹauo'o ca qoỹanem lalamaxat na'alhua. 63 Qaq 'eso so lereguishecpi so Moisés qataq so ntaxaỹaxanaxanec Eleazar, co'ollaq huaña ye nalochiguiñi 'alhua ye Moab yem sa qaỹapeque ye Jordán qataq nalotta ye Jericó. 64 Qaq 'enauac se'eso ỹalecta'a'tpi qaica ca 'oonolec da ỹalectauo co'ollaq so Moisés qataq so Aarón ỹo'ottrac da naneraguec so Israel le'ecpi co'ollaq huaña ye toolec 'alhua ye Sinaí, 65 cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi. |
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
Argentine Bible Society