1 Wòŋ 1 - ŊWÀʼ NYÙY

Rám wìr vee kèʼ fo Adam, e dù, e mèé e Abraham

¹ Adam‑eè dzə̀ tàr à Set, a Set dzə̀ tàr à Enosh, a Enosh dzə̀ tàr à Kenan,

² a Kenan dzə̀ tàr à Mahalalel, a Mahalalel dzə̀ tàr à Jared.

³ Jared‑iì dzə̀ tàr à Enok wo yì‑iì dzəə̀n tàr à Metusela, a Metusela dzə̀ tàr à Lamek,

⁴ Lamek woo tàr à Noa. Noa‑aà kér wón ataár, aá dzə̀ jii, Shem wùn à Ham, à Jafet.

⁵ Wón Jafeti‑iì dzə̀ jii, Gomer wùn à Magog, à Maday, à Javan, à Tubal, à Meshek, e lì Tiras. Á wír ve vé‑eè kèʼèn vitúm ve ví kér yír sév.

⁶ Vitúm vímóʼ ví nèn sàn fo Gomer, a ví dzə̀ jii, Ashkenas wùn à Difat, à Togarma.

⁷ A ve ví‑iì sanen fo Javan vi dzə̀ jii, Elisha wùn à Tarshish, à Kittim, à Rodanim.

⁸ Wón Hame‑eè dzə̀ Kush wùn à Mitsrayim, à Put, à Kanan. Á wír ve vé‑eè kèʼèn vitúm ve ví kér yír sév.

⁹ Vitúm vímóʼ ví nèn sàn fo Kush, a ví dzə̀ jii, Seba wùn à Havila, à Sabta, à Raama, à Sabteka, é bo vímóʼ ví kfən sàn fo Raama, a ví dzə̀ ji Sheba wùn à Dedan.

¹⁰ Kush kfə̀n‑eè dzə̀ tàr à Nimrod. A Nimrod və̀n‑eè lò, a dzə kintav ke wìr e kitu ke nsay.

¹¹ Vitúm ve ví‑iì ràmèn fó Mitsrayim vi dzə̀ jii, wír veé Lud, veé Anam, veé Lehab, veé Naftu,

¹² veé Patrus, veé Kaslu, fo wír veé Filistiàa‑aà ràmèn, e bóo lì veé Kaftor.

¹³ Kanan‑eè dzə̀ tàr à Sidon, a yì‑iì dzə̀ wán və mbìy, é bo Het bátír. Á wír ve vé‑eè kèʼèn vitúm ve ví kér yír sév.

¹⁴ Vitúm vímóʼ ví nen kfə̀n ràm sa fo Kanan, a ví dzə̀ jii, wír veé Jebus, veé Amor, veé Girgash,

¹⁵ veé Hiv, veé Arek, veé Sin,

¹⁶ veé Arvad, veé Tsəmar, e lì veé Hamat.

¹⁷ Wón Sheme‑eè dzə̀ jii, Elam wùn à Asshur, à Arpakshad, à Lud, à Aram, à Us, à Hul, à Geter, e lì Meshek.

¹⁸ Arpakshad‑iì dzə̀ tàr à Shela, a Shela dzə̀ tàr à Eber.

¹⁹ Eber‑iì kér wón vee vilum abaà. Vé‑eè shù yír wùmòʼ ji Peleg, bìʼ fo wír veé kitu ke nsayi‑iì jàvsìn e wun ghan, a dzə jeéy jeéy. Yé fə̀rí wáa dzə Joktan.

²⁰ Vitúm ve ví‑iì ràmèn fo Joktan vi nén a dzə jii, Almodad wùn à Shelev, à Hatsarmavet, à Jera,

²¹ à Hadoram, à Usal, à Dikla,

²² à Ebal, à Abimael, à Sheba,

²³ à Ofir, à Havila, e bóo lì Jobav. Vitúm vìn vi‑iì ràm fo Joktan vidzə̀m.

²⁴ Rám yee kèʼ fo Shem, e dù meé e Abrahame nén a dzə jii, Shem wùn à Arpakshad, à Shela,

²⁵ à Eber, à Peleg, à Reʼu,

²⁶ à Serug, à Nahor, à Tera,

²⁷ e nèn lì Abram, a dzə̀ ji Abraham.

Rám Ishmael

²⁸ Abraham‑eè kér wón abaà, a dzə̀ Aysi wùn Ishmael.

²⁹ Rám sév sí síne. Fo yé Ishmaeli, Nebayiot wáa dzə wán və mbìy. Ámóʼó nén a dzə Kedar wùn à Adbeel, à Mibsam,

³⁰ à Mishma, à Duma, à Massa, à Hadad, à Tema,

³¹ à Jetur, à Nafish, e lì Kedema. Áwune víne dzə̀ wón Ishmael.

³² Wón ve Abraham‑eè dzəən wùn Ketura woo wiíy və wo ceméné dzə̀ jii, Simran wùn à Jokshan, à Medan, à Midian, à Ishbak, e lì Shuaa. Jokshan‑eè kér wón abaà, a dzə̀ Sheba wùn Dedan.

³³ Wón Midiane‑eè dzə̀ jii, Efa wùn à Efer, à Hanok, à Abida, e lì Elda. Vin adzə̀me dzə̀ rám Ketura.

Rám Esav

³⁴ Abraham‑eè dzə̀ə́ Aysi, wù wáa ker wón abaà, a dzə̀ Esav wùn Isray.

³⁵ Wón Esavi‑iì dzə̀ Elifas, Ruel, Jeush, Jalam wùn à Kora.

³⁶ Wón Elifasi wáa dzə jii, Teman wùn à Omar, à Tsəfi, à Gatam, à Kenas, e lì Amalek wo Timna‑aà dzəən.

³⁷ Wón Rueli wáa dzə Nahat wùn à Sera, à Shamma, à Missa.

Wír ve vé‑eè gwàrìn woŋ Edom

³⁸ Wón Seiri‑iì dzə̀ ji Lotan wùn à Shobal, à Tsibeyon, à Ana, à Dishon, à Eser, e lì Dishan.

³⁹ Wón Lotane wáa dzə Hori wùn Homam. Lotan‑eè kér jemèr rə, aá yoŋ ji Timna.

⁴⁰ Wón Shobali wáa dzə Aliyan wùn à Manahat, à Ebal, à Shefi, e bóo lì Onam. Wón Tsibeyone wáa dzə Aiya wùn Ana.

⁴¹ Ana‑aà kér wán, a yírí dzə̀ Dishon. Dishon wáa ker wón, aá dzə̀ jii, Hemdan wùn à Eshban, à Itran, e lì Keran.

⁴² Eser wáa ker wón, aá dzə̀ jii, Bilhan wùn à Saavan, à Jaakan. Vé Dishan vee wóné wáa dzə Us wùn Aran.

Afon veé Edom

⁴³ Afon ve vé‑eè sí sáʼ Edom, é bo Isray wìy kèʼ, a ker afone víne. Á dzə̀ jii, Bela woo wan Beor, aá yoŋ ŋkàlaʼ rə ji Dinhaba.

⁴⁴ Fòn Bela‑aà lày, Jobav yí vifon. Jobav‑iì dzə̀ wan Sera woó Bosra.

⁴⁵ Fòn Jobav wìy lày, Husham yí vifon. Husham‑eè lò fó nsay wìr veé Teman.

⁴⁶ Fòn Husham wìy lày, Hadad woo wan Bedad yí vifon. Bedad və̀n‑eè tòn wír veé Midian e wòŋ Moav. Vé‑eè yoŋ yír ŋkàlaʼ Fòn Husham ji Avit.

⁴⁷ Fòn Hadad wìy lày, Samla woó Masreka yí vifon.

⁴⁸ Fòn Samla wìy lày, á kóʼór Shaul woo lò fó mvə̀mlaʼ yee Rehobot ye yì dzəə̀n é ghaa ndzəv yee Yufret, wù wáa saʼ e wun ntaʼ.

⁴⁹ Fòn Shaul wìy lày, Baal‑Hanan woo wan Akbor yí vifon.

⁵⁰ Fòn Baal‑Hanan wìy lày, Hadad yí vifon. Yír ŋkàlaʼ rəə́‑əə̀ dzə̀ Pay, a yír wiiy vəə́ dzə̀ Mehetabel, a yè wov‑iì dzə̀ Matred woo wan Mesahav.

⁵¹ Fòn Hadad nèn wìy lò, e lày sa. Atǎr kfəə veé Edome‑eè dzə̀ jii, Timna wùn à Aliya, à Jetet,

⁵² à Oholibama, à Ela, à Pinon,

⁵³ à Kenas, à Teman, à Mibsar,

⁵⁴ à Magdiel, e bóo lì Iram. Dzə̀ áwune vin vee atǎr kfəə veé Edom.