Philippians 4 - Lakota Portions

¹ Mitakuyepi, teċiḣilapi uƞ waċiƞyaƞkapi waċiƞ. Iṫaƞċaƞ uƞyaƞpi ki ohiƞniyaƞ waċiƞyaƞ uƞpo. Lila iċiyuṡkiƞpelo.

² Euodia ena Syntyche, Wak̇aƞṫaƞka wiċayalapi ki uƞ niwiċowepi sʹe ċeċa, heuƞ uƞṡikiċilapi na hehaƞyaƞ ahoyekiċiyapi ṡni yo.

³ Miṫak̇ola, wowaṡi taƞyaƞ omayakiye sʹa ċa, ake waċiƞċiyelo. Wiƞyaƞ ki lena taƞyaƞ wowaṡi eċuƞpi na woṫaiƞ waṡte ki yaoṫaƞiƞ omakiyapi. Wowapi wiċoni ki el nuƞpiƞ ċaje owiċawapi.

⁴ Iṫaċaƞ kiċi nayajiƞp̄i ki he iċaƞt̄e-waṡtep̄o. Piya eṗiƞ ktelo. He iċaƞt̄e-waṡtep̄o.

⁵ T̄uwe ki iyuha waḣwayela owiċakuwap̄o. Iṫaċaƞ ki eċani k̄u ktelo.

⁶ T̄ak̄uni iċaƞt̄e-ṡic̄ap̄i ṡni eyaṡ Wak̇aƞṫaƞk̄a t̄ak̄u uƞ niyauƞp̄i kte ki hena ċaƞt̄e-waṡteya ċek̄iyap̄o.

⁷ Wak̇aƞṫaƞk̄a ṫawolak̇ot̄a ki he lila ook̄aḣniġe ṡic̄e eyaṡ wolak̇ot̄a ki he ogna niċaƞt̄ep̄i na niṫawaċiƞp̄i ki Jesus Christ kiċi nayajiƞp̄i ktelo.

⁸ Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

⁹ Wowauƞspe eya ċiċ'upi waƞhena slolyayapi, nahaƞ taku eṗiƞ na eċamuƞ ki hena nayaḣ'uƞpi. Ċa eċel eċuƞpo. Na Wak̇aƞṫaƞka ṫawoyawaṡte ki niċ'upi kte.

¹⁰ Uƞṡimayak̄ilap̄i ki yakpazop̄i ki le Iṫaċaƞ ki lila ċaƞt̄ewaṡtemaye. Unṡimayalap̄i ṡni he e ṡni eyaṡ iṫok̄ab yakpazo oyak̄ihip̄i ṡni.

¹¹ Uƞṡimicʹilak̄e ṡni. Ehaƞniḣc̄i t̄ak̄u bluha ki hena iwak̄imna.

¹² Waiyuċaƞp̄i ki he slolwaye na ehaṡ waot̄a yuhap̄i ki he nak̄uƞ slolwaye. Lena t̄ak̄u ki slolwaye ċa t̄ohaƞt̄u k̄eyaṡ, wimapi naiƞṡ amak̄iḣʹaƞ k̄eyaṡ t̄ok̇a ṡni.

¹³ T̄ak̄u t̄ok̇a k̄eyaṡ Christ wowaṡʹak̄e makʹu ki iwak̄imna. [Christ wowaṡʹake makʹu ki heuƞ taku tok̇a ke eyaṡ he itohewaya owakihi kte.]

¹⁴ Wokakije ohaƞ wauƞ eċuƞhaƞ omayakiyapi ki he piwakila.

¹⁵ Philippi el ok̇olakiċiye yauƞpi ki yeksuyapi, Macedonia etaƞhaƞ iblable waƞ hehaƞ, ṫokaheya woṫaiƞ waṡte ki uƞkoyapi waƞ hehaƞ, ok̇olakiċiye-wak̇aƞ eya uƞpi kʹuƞ hetaƞ niṡnala mayalawaṡtepi na niṡʹeya niyawaṡtepi.

¹⁶ Eke eyaṡ Thessalonica el wauƞ waƞ hehaƞ, waƞċalaṡni tk̇a ota kigle omayakiyapi.

¹⁷ Takuƞl waċiƞ uƞ leṗe ṡni tk̇a, niye ċa takuƞl iyaċupi kta waċiƞ uƞ leṗe.

¹⁸ Taku ki iyuha hektakiya miċaijupi, wokaiju aiċaġa ki hena k̇oya. Epaphroditus taku eya makʹu yaṡipi waƞhena iyuha iyomakipi. Hena waazilyapi waṡtemna heċa sʹeċeċa, eċiƞ he tohaƞl wak̇aƞyaƞ waeċuƞpi ċaƞna el uƞpi.

¹⁹ Taku iniyuċaƞ ki hena iyuha Wak̇aƞṫaƞka yuhaniċiyiƞ kte, na Christ Jesus niyawaṡte kta un ċewakiye.

²⁰ Ate Wak̇aƞṫaƞka oihaƞke wanil yataƞpi kte. Ho heċetu.

²¹ Christ Jesus iyoḣlogya Wak̇aƞṫaƞka ṫaoyate niċaġapi ki hena iyuha napeċiyuzapelo.

²² Iṫaƞċaƞ-ihakab-uƞpi ki ena etaƞ wiċaṡa oiṫaƞċaƞ ṫawokiċuƞze el wowaṡi wiċayapi ki hena k̇o napeniyuzapi keyapi.

²³ Iṫaƞċaƞ Jesus Christ uƞṡinila na wiċoni niċiyawaṡte kte.