जकरिया 2 - लिम्बुकुसिःक्मा इदाक् के़गप्पा सुफो 1 खे़ब्याङ् आङ्गाॽ थाःङ् ओमे़त्तुङ् हे़क्क्याङ् ओमे़त्ते़ॽ, आङ्गाॽ आदगि कुहुक्को कुसिःक्मा इदाक् के़गप्पा लत्छा मनाधिक् वये़॥ 2 आङ्गाॽ सेःन्दोसुङ्, “आदाङ्बा आत्ति के़बेःक्ल के़बप्पाबे?” खे़ल्ले़ आङ्गाॽ मे़त्ताङ्, “यरुसले़ःम्मिन् सिःक्मारे़ लागि पेःक्काबा, खे़ल्ले़ कुलाम्तिःन् नु कुभे़रे़न् आक्खे़न् ने़इ फाॽआङ् ओमे़प्मारे़ लागि पेःक्कार पत्ता॥” 3 खे़ब्याङ् आङ्गाॽनु के़बाःप्पार के़बप्पा खे़न् माङ्लाइङ्बे़न् थासिङ्बे, हे़क्क्याङ् वेॽ माङ्लाइङ्बे़न् खुने़ॽ कुदुम्से़ त्ये़, 4 हे़क्क्याङ् खुने़ॽ मे़त्ताङ्, “लोःक्ते़ॽर पेगे़ॽआङ् खे़न् थाङ्बे़न् मनान् मे़त्ते़ॽ, मनाहाॽ नु थक्साहाॽ यरिक् खानिःत् मे़वाॽबाल्ले़ चोगुल्ले़ यरुसले़ःम्मिन् लुङ्धाक् मेःन्नेबा ये़क्यक् पोङ्ॽ॥ 5 हे़क्क्याङ् ‘आङ्गाॽ आप्फेक् खे़न् के़रे़क् पिसाङ् मिधुङ् मिराःक्ले़न् लुङ्धाक् पोङ्ङारो हे़क्क्याङ् खे़प्मोबा मिमिदिङ् आङ्गाॽए पोङ्ङारो,’ यहवे दाङ्बे़ल्ले़ उवा चोगुरो॥” मे़दे़म्सु मे़देॽरुसिबाहाॽ नुःङ्मादामा पेलि 6 यहवे दाङ्बे़ल्ले़ पाःत्तुॽ, “त्ये़म्मे़ॽओ! त्ये़म्मे़ॽओ! थाङ्गे़त् पिसाङ्बा लाजेॽलाम् खे़त्तासिम्मे़ॽआङ् ये़म्मे़ॽओ, थेआङ्भे़ल्ले़ आङ्गाॽ ताङ्साङ्बोबा के़रे़क् पिसाङ् सुरित् केजङ्ङो फुत्छिज्याःङ् से़निङ्देनिङ्ङाङ् वाॽ॥ 7 सियोनए, त्ये़ॽओ! बेबिलोनरे़ कुस्सा मे़न्छुमाहाॽनु के़युङ्बाहाॽ खे़त्तासिम्मे़ॽआङ् त्ये़म्मे़ॽओ,” यहवे दाङ्बे़ल्ले़ उवा चोगुरो॥ 8 थेआङ्भे़ल्ले़, मुक्साम्दाङ्बा यहवे दाङ्बे़ल्ले़ आङ्गाॽ मिङ्सो इङ्धाङ् पिराङ्ङाङ् पाङ्घाङ्ङाङ् एगाङ् आत्तिन्हाॽरे़ खिनिॽ के़म्नाप्ति के़म्हिप्तिॽ, खुने़ॽ पाःत्तुॽ, “थेआङ्भे़ल्ले़ हाःत्ले़ खिनिॽ के़सुसिॽ खे़ल्ले़ आङ्गाॽ आमिक्हाङ्मे़न् सुसुॽ॥ 9 से़क्खाए आङ्गाॽ आहुक्किल्ले़ खे़ङ्हाॽ खुन्छिॽ तक्ले़ङ्वाओ साःप्सुङ्सिङ्ॽ, हे़क्क्याङ् खे़ङ्हाॽ खुन्छिॽ निङ्मिहाॽरे़ मे़नाःत्तुसिॽ,” यहवे दाङ्बे़ल्ले़ उवा चोगुॽ॥ खे़ब्याङ् मुक्साम्दाङ्बा यहवे दाङ्बे़ल्ले़ आङ्गाॽ पाङ्घाङ्बा फाॽआङ् खिनिॽ निङ्वाॽ के़घोसुम्ॽ॥ 10 यहवे दाङ्बे़ल्ले़ पाःत्तुॽ, “सियोनरे़ कुस्सा मे़न्छुमाए, साॽरिक् अःक्ते़ॽओ हे़क्क्याङ् सःत्ते़ॽओ॥ थेआङ्भे़ल्ले़ आङ्गाॽ युआर पत्ता, हे़क्क्याङ् आङ्गाॽ खिनिॽ लुम्मो वाॽआ, 11 खे़न् ये़न्नो यरिक् मे़न्छाम् सुवाङ्हाॽ यहवे दाङ्बाओ फुङ्सिङ्से़ मे़दारो हे़क्क्याङ् आङ्गाॽ आमना मे़बोङ्ॽ॥ “आङ्गाॽ खिनिॽ लुम्मो वाॽआ हे़क्क्याङ् आङ्गाॽ मुक्साम्दाङ्बा यहवे दाङ्बे़ल्ले़ पाङ्घाङ्बा फाॽआङ् खिनिॽ निङ्वाॽ के़घोसुम्ॽ॥ 12 यहवे दाङ्बे़ल्ले़ सेसे लाजेॽओ यहुदान् आप्फेक् कुलक् चोगुआङ् युक् चोगुॽ, हे़क्क्याङ् यरुसले़ःम्मिन् याम्मो सेगुॽ॥ 13 के़रे़क् मे़न्छाम् याप्मिसे, यहवे दाङ्बे़ल्ले़ कुदगि स्वाःत् वये़म्मे़ॽ, थेआङ्भे़ल्ले़ खुने़ॽ कुसेसे युङ्दे़न्नोलाम् तार पत्लो॥” |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.