निङ्वाॽफु साम्लोसुम् 85 - लिम्बुलाजेॽओ नुॽमा तामा पेलि साम्लो के़हुॽबाल्ले़ लागि कोरहरे़ कुस्साहाॽरे़ खुनिॽ साम्लो 1 यहवे दाङ्बाए, खे़ने़ॽ आबाङे के़लाजेन् लुङ्माॽ के़दुक्तुआङ् वाॽरो, हे़क्क्याङ् इस्राइल लाजेॽओ याम्मो नुॽमादामान् के़नुःक्तु के़दारुआङ् वाॽरो॥ 2 खे़ने़ॽ के़मनाहाॽरे़ खुनिॽ लायोहाॽ ले़प्मि के़बिरुसिआङ् वाॽरो, खे़ङ्हाॽरे़ खुनिॽ फे़न्याःम्बक्हाॽ खक्पे़त् के़दे़प्तु के़बिरुसिआङ् वाॽरो॥ सेला 3 खे़ने़ॽ खे़ङ्हाॽनु याःक्ले़ॽमा के़ले़रुरो, हे़क्क्याङ् के़सिक् पोःक्मा के़नाॽरे़आङ् वाॽरो॥ 4 आनिगे से़न्लप्दाङ्बा निङ्वाॽफुमाङ्ङे, आनिगे ले़प्साङ्बा के़सिक् पोःक्मान् खे़त्ते़देसे़ॽओ, हे़क्क्याङ् याम्मो आभोःक्खे़ॽओ॥ 5 आनिगे़नु सदादिङ् के़सिक् मे़बोगे़न्ने़ॽओ, आनिगे के़रे़क् मुॽइदाङ्साहाॽनु आभे़ल्ले़साङ् के़याक् मे़ले़ॽरे़न्ने़ॽओ॥ 6 आनिगे याम्मो याम्जाङ्वा आबिरे़ओ हे़क्क्याङ् हाङ्हाङ् आमे़त्ते़ॽओ॥ हे़क्क्याङ् आनिगे, के़मनाहाॽरे़ के़नारा फोसुम्बे़रो॥ 7 यहवे दाङ्बाए, आनिगे चक्मे़ल्लॽए आभे़ल्ले़साङ् लुङ्माॽ आदुक्ते़ॽओ, हे़क्क्याङ् आभाॽरे़ॽआङ् आसे़ःप्ते़ॽओ॥ 8 यहवे दाङ्बा निङ्वाॽफुमाङ्ङिल्ले़ पाःत्तुबान् आङ्गाॽ खे़प्सुङ्लो, आनिॽ कुमनाहाॽ ताप्फे़ःम्बा पाःन्नो आम्बत्ने़न्ने़भग्र खुने़ॽ कुसेसे मनाहाॽ सनारुङ् पिमासि माङ्हुप् चोगुरो॥ 9 से़क्खासाङ् खुने़ॽ मिङ्सो इङ्धाङ् के़बिबाहाॽ से़ःप्मासिरे़ लागि खुने़ॽ निःत्ताङ् वाॽरो, हे़क्क्याङ् आनिॽ लाजेॽओ कुमिमिदिङ्ङिन् वाॽरो॥ 10 थधप् मे़ल्लॽमनाबा मिःम्जि नु नसाःन्साबा पाःन्निन् तङ्सिरो, हे़क्क्याङ् साम्योबा नु सनारुङ्ङिन् थिक्हुप् पोङ्सिरो॥ 11 नसाःन्साबा पाःन्निन् इक्सादिङ् खाम्बेःक्मोलाम्बा थाःङ् लिङ्धाङ्लो, हे़क्क्याङ् साम्योबा पाःन्निल्ले़ साङ्ग्राम्पेदाङ्लाम्बा यो ओमे़त्तुरो॥ 12 आत्तिन् पाःन्निन् नुबा चोक् बा खे़न्ने यहवे दाङ्बे़ल्ले़ आबिरो, हे़क्क्याङ् आनिॽ लाजेॽ इक्ताप्पो यरिक् पोगुगे़न् कुजा थोःक्लो॥ 13 साम्योबाङ्ग खुने़ॽ कुदगि कुदगि पेःक्लो, हे़क्क्याङ् खुने़ॽ कुलागि लत्छा लाम्धिक् यारिप् चोगुरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.