निङ्वाॽफु साम्लोसुम् 70 - लिम्बुकुभाॽ खोमा पेलि साम्लो के़हुॽबाल्ले़ लागि दाउदरे़ पेलिगे़न् तुवा कुसाम्लो 1 निङ्वाॽफुमाङ्ङे, चात्ते़ॽर से़ःप्ताङ्ङे़ॽओ, यहवे दाङ्बाए, आभाॽसे़ हारा त्ये़ॽओ॥ 2 आङ्गाॽ से़प्मा के़गोःप्पाहाॽ सिरिङ्ममो मे़धाररो हे़क्क्याङ् खे़ङ्हाॽ मे़नाक्मे़बेःक्लरो, आङ्गाॽ मे़क्कार फाॽआङ् निङ्वाॽ के़इःप्पाहाॽरे़ खुनिॽ चाःत्थि पेःक्लरो हे़क्क्याङ् खे़त्छिङ्मा पेःक्मा पोङ्लरो॥ 3 खे़ङ्हाॽरे़ “क्वे़! क्वे़!” मे़मे़त्तार किनाःन्दि मे़बिआरो, खे़ङ्हाॽ आबाङे सिरिङ्मे़मआङ् मे़नुःङ् मे़बेःक्लरो॥ 4 कर आत्तिन्हाॽरे़ खे़ने़ॽ के़म्गोत् खे़ङ्हाॽ के़रे़क् खे़ने़ॽनु मे़सःत्ताङ् खुनिॽ निङ्वाॽ ताररो॥ खे़ने़ॽ के़से़न्लप्पिन् खुनिॽ सिराॽगे़धाङ्बाहाॽरे चक्मे़ल्लॽए निङ्वाॽफुमाङ्ङिल्ले़ कुमिङ्सो इङ्धाङ् पोररो लॽरिक् खे़ङ्हाॽरे़ मे़बाःत्तुररो॥ 5 कर निङ्वाॽफुमाङ्ङे, आङ्गाॽग याङ्साॽआआङ् थेआङ् मे़गत्तान्, हारा त्ये़ॽओ॥ खे़ने़ॽग आङ्गाॽ के़भाॽबा नु याप्मि से़न्लप् के़बिबाने़रो, यहवे दाङ्बाए, हारा फाॽराङ्ङे़ॽओ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.