निङ्वाॽफु साम्लोसुम् 6 - लिम्बुइनोगे़न् तुक्खेओबा पेलि साम्लो के़हुॽबाल्ले़ लागि से़मिनिथ कुइसिक् अन्मे मुक्लाओ दाउदरे़ कुसाम्लो 1 यहवे दाङ्बाए, के़सिक् पोःक्किल्ले़ मे़भे़ःक्ताङ्ङिन्ने़ॽओ, खे़ने़ॽ के़याःक्ले़ॽइल्ले़ आङ्गाॽ मे़घुम्साङ्ङिन्ने़ॽओ॥ 2 यहवे दाङ्बाए, लुङ्माॽ तुक्ताङ्ङे़ॽओ, थेआङ्भे़ल्ले़ आङ्गाॽ कुसाॽइ मे़न्याक्मनाबा चोःक्कारो॥ यहवे दाङ्बाए, आङ्गाॽ नुसाङ्ङे़ॽओ, थेआङ्भे़ल्ले़ तुक्खेःल्ले़ आये़प्पाहाॽ यरे़आङ् वाॽआरो॥ 3 आसक्मा साम्मिन् साॽरिक् तुक्खे चारो, यहवे दाङ्बाए, आप्फाल्ले़ थारिक् पा अक्खे पोङ्बाबे? 4 यहवे दाङ्बाए, आङ्गाॽ ले़प्माङ् हिसिङ्ङे़ॽओ हे़क्क्याङ् आङ्गाॽ से़ःप्ताङ्ङे़ॽओ, मे़न्नुप्मनाबा के़मिःम्जिःल्ले़ से़न्लप् पिराङ्ङे़ॽओ॥ 5 के़सिबाआङ् के़बेःक्पा आत्तिल्ले़आङ् निङ्वाॽ के़न्इःत्ने़ल्लो, खे़मादिङ् यङ्सङ्ङो हाःत्ले़आङ् के़नारा मे़भोसुन्लो॥ 6 मे़रिङ् थक्मारे़ चोगुल्ले़ कुसाॽइ मे़न्याक्मना पोःक्खाङ्लो॥ से़न्दिक् थप्मे हाःप्पार मिक्वाःल्ले़ आने़त्नान् वरक्लो हे़क्क्याङ् आदाक्खोङ्ङिन् वाबिःन्लो॥ 7 आनिङ्मिहाॽरे़ मे़जोगुल्ले़ आङ्गाॽ साॽरिक् हाबाङ्लो हे़क्क्याङ् आमिक्किन् थङ्दुआङ् खादाप्तुरो॥ 8 ताप्फे़ःम्बा याःम्बक् के़जोःक्पासे, आङ्गाॽलाम् माःङ्घा वये़म्मे़ॽओ, थेआङ्भे़ल्ले़ हाबाङ्बान् यहवे दाङ्बे़ल्ले़ खे़प्सुआङ् वाॽरो॥ 9 यहवे दाङ्बे़ल्ले़ आबाःन्निन् खे़प्सुआङ् वाॽरो, हे़क्क्याङ् आङ्गाॽ चोगुङ्बा तुवान् ताःक्तुआङ् वाॽरो॥ 10 के़रे़क् आनिङ्मिहाॽ हारिमे़दाआङ् खुनिॽ नाधाररो, हे़क्क्याङ् सप्माधिक्ले़सा मे़नुःङ् मे़बेःक्काङ् मे़नःम्सिङ्लरो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.