निङ्वाॽफु साम्लोसुम् 43 - लिम्बुखासे़न् नु से़न्लप्रे़ लागि पेलि 1 आनिङ्वाॽफुमाङ्ङे, आङ्गाॽ ले़प्माङ् खासे़न् लोःन्दाङ् पिराङ्ङे़ॽओ, हे़क्क्याङ् निङ्वाॽफुमाङ्ङिल्ले़ कुधिम् के़भेःम्बा सुवाङ्हाॽरे़ खुनिॽ तगि कुदोःप्मा चोःक्का फाॽआङ् आङ्गाॽ पाराङ् पिराङ्ङे़ॽओ॥ याप्मि इङ्ले़क् के़मे़प्पाहाॽ नु ताक्के़भे़ॽबाहाॽरे़ खुनिॽ हुक्को थामा मे़बाङ्घाङ्ङिन्ने़ॽओ॥ 2 खे़ने़ॽग आइःम्सिङ्मादे़न् आङ्गाॽ आनिङ्वाॽफुमाङ्ने़रो॥ थेआङ् आङ्गाॽ के़नाॽराङ्बाबे? थेआङ् आनिङ्मिहाॽरे़ तुक्खे मे़जाःत्ताआङ् मे़रिङ् थक्मार वाॽमा पोङ्बाबे? 3 के़से़क्खान् नु के़ओःत्तिन् आङ्गाॽ ओसेःन्दाङ् चोगे़ॽओ, खे़न् के़से़क्खान् नु के़ओःत्तिःल्ले़ आङ्गाॽ लाम् ओसेःन्धाक्काररो॥ खे़ल्ले़ खे़ने़ॽ के़युङ्मादे़न् सेसे कोःक्मा सियोःन्नो के़त्ताररो॥ 4 खम्भ्याङ् निङ्वाॽफुमाङ्ङिल्ले़ कुलागि ले़त्ति तोःम्मादे़न्नो पेःक्कारो, खुने़ॽए आङ्गाॽ आसःप्मारे़ कुबुन्लो॥ आङ्गाॽ तुःङ्गे हिप्तुङ्ल खुने़ॽ से़वा मे़त्ने़रो, निङ्वाॽफुमाङ्ङे, आनिङ्वाॽफुमाङ्ङे॥ 5 थेआङ् आङ्गाॽ आनिङ्वाॽ ताॽजे़ङ्बाबे? आङ्गाॽ थेआङ् अक्खेलॽरिक् आसक्मा हिःक्हिःक् लॽबाबे? आङ्गाॽग निङ्वाॽफुमाङ्ङिन् ओमे़त्तुङ्लो, हे़क्क्याङ् याम्मोआङ् आसे़न्लप्दाङ्बा नु आनिङ्वाॽफुमाङ्ङिन् कुनारा फोसुङ्लो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.