निङ्वाॽफु साम्लोसुम् 4 - लिम्बुयुःन्छिक्पा पेलि साम्लो के़हुॽबाल्ले़ लागि अन्मे मुक्लाओ साम्मे़प्नाबा दाउदरे़ कुसाम्लो 1 याप्मि के़नाङ्बा के़धेःक्पा साम्योबा निङ्वाॽफुमाङ्ङे, खे़ने़ॽ तुवाओ पेलि फाक्ने़ल्ले़ नुगप् पिराङ्ङे़ॽओ, तुक्खे चाआल्ले़ फाॽराङ्ङे़ॽओ, आङ्गाॽ लुङ्माॽ तुक्ताङ्ङे़ॽओ हे़क्क्याङ् चोगुङ्बा तुवान् खे़प्साङ् पिराङ्ङे़ॽओ॥ 2 मे़न्छाम्सासे, आप्फाल्ले़ थारिक् आजाःत्थि के़देसुम्बाबे? आप्फाल्ले़ थारिक् हने़बा पाःन्निन् खिनिॽ सिराॽथाङ्बाबे? हे़क्क्याङ् खिनिॽ आप्फाल्ले़ थारिक् इङ्ले़क्पा माङ्साम्माङ्हाॽ से़वा के़मे़त्तुम्सिम्बाबे? सेला 3 कन् पाःन्निन् कुसिङ् निःत्ते़म्मे़ॽओ, निङ्वाॽफुमाङ्ङिल्ले़ साम्योबा मनाहाॽ आबाङे कुलागि सेःन्दुसिरो, आङ्गाॽ तुवा चोःक्काल्ले़ दाङ्बे़ल्ले़ खे़प्सुरो॥ 4 खिनिॽ सिक् पोःक्किल्ले़ लायो मे़जोगे़म्मिन्ने़ॽओ, से़न्दिक् ने़त्नाओ के़ने़स्सिल्ले़ सिक्लुङ्मान् साॽरे़म्मे़ॽओ हे़क्क्याङ् सिक् ताम्दाम्बा पोःक्खे़म्मे़ॽओ॥ सेला 5 यहवे दाङ्बाओ लाॽरुबा ले़त्तिङ् तोःन्दे़म्मे़ॽओ, हे़क्क्याङ् खुने़ॽओए ताःक्पो चोगे़म्मे़ॽओ॥ 6 यरिक्ले़ अक्खे मे़बाःत्तुरो, “हाःत्ले़ आनिगे नुबा पाःन्हाॽ पिमा सुक्तिगे़बे?” यहवे दाङ्बाए, खे़ने़ॽ के़नाराओबा ओःत्तिःन् आनिगे सम्धाङ् ओःत्लरो॥ 7 यरिक् पगुगे़न् कुजा नु कुजागे़नुॽबा चे़ल्ले़क्सेॽ थि के़गप्पा हे़क्क्याङ् के़सःप्पाहाॽनुःल्ले़आङ् खे़ने़ॽ आसिक्लुङ्मो साॽरिक् सःत्तार के़याःन्नारो॥ 8 आङ्गाॽ ने़सिङ्ङा हे़क्क्याङ् कुसानुॽर इम्मालाःत्ताॽरो, थेआङ्भे़ल्ले़ यहवे दाङ्बाए, खे़ने़ॽरक् आनिङ्मिहाॽरे़ थेआङ् मे़म्मे़त्ते के़गत्तारो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.