निङ्वाॽफु साम्लोसुम् 3 - लिम्बुतानाम्बा पेलि आबाङे कुस्सा अब्सालोमलाम्बा खे़त्छिङ्ङे़ल्ले़बा दाउदरे़ कुसाम्लो 1 यहवे दाङ्बे, आङ्गाॽ आनिङ्मिहाॽ यरिक् मे़वाॽरो, आङ्गाॽ आदक्ले़ङ्वाओ के़बोक्पाहाॽ यरिक् मे़वाॽरो॥ 2 यरिक्ले़ आयाःम्बेओ निङ्वाॽफुमाङ्ङिल्ले़ खे़न् मे़भाॽरुन् लॽरिक् मे़बाःत्तुर मे़वाॽरो॥ सेला 3 कर यहवे दाङ्बे, खे़ने़ॽग याप्मि के़धेःक्पा खोने़रो, आघिरि के़ये़प्पाङ् किप्मा के़घुबालाम् के़धेःक्कारो, आङ्गाॽ थङ् के़नाःम्बा के़जोःक्कारो, हे़क्क्याङ् याम्मो आःन्छिङ्मा के़बिआरो॥ 4 आङ्गाॽ यम्बा इक्लाःल्ले़ यहवे दाङ्बान् उःत्तुङ्लो, हे़क्क्याङ् खुने़ॽ कुसेसे कोःक्मालाम् नोगप् पिआरो॥ सेला 5 आङ्गाॽ ने़सिङ्ङाआङ् इम्मारो, आङ्गाॽ याम्मो सोआ, थेआङ्भे़ल्ले़ यहवे दाङ्बे़ल्ले़ए आङ्गाॽ कम्ब्राङ् मे़त्ताॽरो॥ 6 आङ्गाॽ आदक्ले़ङ्वाओ हे़न्छिङ् हे़न्छिङ् निङ्मिहाॽरे़ कब्रिङ् मे़गप्पारो हे़क्केसाङ् आङ्गाॽ मे़गिआन्लो॥ 7 पोगे़ॽओ, यहवे दाङ्बे! निङ्वाॽफुमाङ्ङे से़ःप्ताङ्ङे़ॽओ, आङ्गाॽ आनिङ्मिहाॽरे़ खुनिॽ नारान् हिप्ते़ॽओ, ताक्के़भे़ॽबाहाॽरे़ खुनिॽ हाबोॽबाहाॽ लुःक्खे़ पिरे़से़ॽओ॥ 8 यहवे दाङ्बाए से़न्लप्पिङ्ग खे़ने़ॽलाम्मे तारो, के़मनाहाॽ हाङ्वामुॽइ के़बिरुसिरो॥ सेला |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.