निङ्वाॽफु साम्लोसुम् 15 - लिम्बुनिङ्वाॽफुमाङ्ङिल्ले़ कुसिराॽ के़धाङ्बा मना दाउदरे़ कुसाम्लो 1 यहवे दाङ्बाए, खे़ने़ॽ के़सेसेदे़न्नो हात् याङ्धोःक्मा सुक्पे? खे़ने़ॽ के़सेसे कोःक्मा सियोनओ हात् युङ्मा सुक्पे? 2 निङ्वाॽफुमाङ्ङिन् के़इःप्पा के़नाःप्पाहाॽ, हे़क्क्याङ् नुबा याःम्बक् के़जोःक्पाआङ् से़क्खा नु कुदोःप्मा पान् के़बाःप्पाहाॽ युङ्मा मे़घोरो॥ 3 हे़क्क्याङ् याप्मिहाॽ चे़ॽया इङ्दो मे़म्मे़प्मनाबाहाॽ, हिम्बेसाङ्बाहाॽ फे़त्मे़ल्लाःम्मनाबाहाॽ, हे़क्क्याङ् आबाङे चुम्देङ्हाॽरे़ खुनिॽ चाःत्थि मे़न्देमनाबाहाॽ युङ्मा मे़घोरो॥ 4 निङ्वाॽफुमाङ्ङिन् के़नाॽबा मनान् के़जिःप्पाहाॽ, यहवे दाङ्बान् मिङ्सो इङ्धाङ् के़बिबाहाॽ, तुक्खे लाक्खे मे़दुम्साङ् मे़जोगुबा माङ्हे़क्किन् मे़ल्ले़प्मनाबाहाॽआङ् युङ्मा मे़घोरो॥ 5 सिङ्नात्तो याङ् के़गेःप्पाआङ् कुस्सा मे़न्जामनाबाहाॽ, कुदोःप्मा मनाहाॽ पाःन्धिक्मासि फाॽआङ् सुरुत्याङ् मे़न्जामनाबाहाॽआङ् युङ्मा मे़घोरो॥ हे़क्तङ्बा नुबा याःम्बक् के़जोःक्पाहाॽए आप्फाल्ले़आङ् मे़न्जोःन्ने़ल्लो॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.